[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p368 # Uttarajjhayana p368 Sukhabodhā p368 - **Language:** Sanskrit ### [p368](https://indike.org/pramana/in.jaina.sveta.mula.2!devendragani.p368) harikeśamuneḥ sautrī vaktavyatā| gamyate , 'te' iti krodhādyupetā yūyaṃ brāhmaṇā jātividyāvihīnāḥ| kriyākarmavibhāgena cāturvarṇyavyavasthā| yata uktam| "ekavarṇamidaṃ sarva, pūrvamāsīdyudhiṣṭhira !| kriyākarmavibhāgena, cāturvarṇya vyavasthitam || 1|| brāhmaṇo brahmacaryeṇa, yathā śilpenaśilpikaḥ | anyathā nāmamātraṃ syā-dindragopakakīṭavat || 2||" na caivaṃvidhakriyā brahmacaryātmikā kopādyupeteṣu tattvataḥ sambhavati, ato na tāvajātisambhavaḥ | tathā vidyā'pi saṃjñānātmikā na sambhavatyeva bhavatsu, ajñānasaṃsūcakeṣu bālakrīḍāprāyeṣvagnihotrādiṣu pravṛttidarśanāt | tataḥ sthitametat -"tāī tu"tti 'tuḥ' avadhāraṇe bhinnakrama eva, tataḥ 'tāni' bhavadviditāni brāhmaṇalakṣaṇāni kṣetrāṇi' supāpakānyeva na tu supeśalāni, krodhādyupetatvenātiśayapāpahetutvāditi sūtrārthaḥ || 14 || kadācit te vadeyuḥ-vedavidyāvido vayamata eva brāhmaṇajātayaḥ tat kathaṃ jātividyāhīnāḥ ityuktavānasi ? ityāha tubbhettha bho! bhāraharā girāṇaṃ, aṭuṃ na jāṇāha ahijja vede| . uccāvayāī muṇiṇo caraṃti, tāī tu khettāī supesalāī || 15 || vyākhyā-yūyaṃ 'atreti loke 'bhoḥ' ityāmaśraṇe, bhāraṃ dharantīti bhāradharāḥ 'girāṃ' vācāṃ prakramāda vedasambandhinīnām , iha ca bhārastāsāṃ bhūyastvameva | kimiti bhāradharāḥ ? iti ucyate-yataḥ 'artham' abhidheyaṃ na jānītha, "ahija" tti apergamyamānatvād adhītyāpi 'vedān ṛgvedādīn, tatastattvato vedavidyāvido'pi bhavanto na bhavanti, tat kathaṃ jātividyāsampannatvena kṣetrabhūtāḥ syuḥ ? | kāni tarhi bhavadabhiprāyeṇa kṣetrāṇi ? ityāha-"uccāvayāī" ti 'uccāvacāni' uttamā'dhamāni munayaḥ 'caranti' bhikṣānimittaṃ paryaṭanti gṛhāṇi, ye iti gamyate, na tu bhavanta iva pacanādyārambhavṛttayaḥ, tata eva paramārthato vedārtha vidanti, tatrāpi bhikṣāvṛttereva samarthitatvāt | tathā ca vedānuvādinaḥ-"carenmādhukarī - [Previous: p367](https://indike.org/pramana/in.jaina.sveta.mula.2!devendragani.p367) - [Next: p369](https://indike.org/pramana/in.jaina.sveta.mula.2!devendragani.p369) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.15_10) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p368](https://indike.org/pramana/in.jaina.sveta.mula.2!devendragani.p368) · Pramāṇa