[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p389 # Uttarajjhayana p389 Sukhabodhā p389 - **Language:** Sanskrit ### [p389](https://indike.org/pramana/in.jaina.sveta.mula.2!devendragani.p389) trayodaśaṃ citrasambhūtīyākhyamadhyayanam | śrīuttarā- dhyayanasūtre śrīnemica ndrīyā sukhabodhākhyā laghuvṛttiḥ | ||188|| citra sambhūtavaktavyatā| XO teṇa vuttaṃ-na evaṃ annahā, tā mārijau kumāro raivigdhakaro, mamammi sāhīṇe tuha anne suyā bhavissati | tao rainehaparabasāe erisaṃ pi maṇasā vi aciṃtaṇīyaṃ paḍisuyamimīe | jao-"mahilā ālakulaharaṃ, mahilā loyammi duccariyakhettaṃ | mahilā duggaidāraṃ, mahilā joṇī aṇatthāṇaṃ || 1 || mārai piyabhattāraṃ, haṇai suyaṃ taha paṇāsae atthaṃ | niyagehaṃ pi palīvai, ṇārī rāgāurā pāvā || 2 ||" bhaṇiyaṃ ca tīe-jai kaha vi teṇa uvāeṇa mārijai jahā jaṇā- 1 vavāo rakkhijjai | teṇa vuttaṃ-'thevamimaṃ kajaṃ, kumārassa vivāhaṃ karemo tassāmaggīe saha aṇegakhaṃbhapaiṭṭhiyaṃ gūḍhaniggamapavesaṃ karemo jauharaṃ, tattha vivāhāṇaṃtaraṃ suhapasuttassa aggidāheṇa alakkhiyaṃ kajaṃ karissāmo' tti maṃtiūṇa egassa mahārāiṇo dhūyā variyā | pāraddhā ya vivāhanimittaṃ sayalasāmaggī| io ya dhaṇumaṃtiṇā baṃbhadattassa kajjāvahieṇa vinnatto| dīharāyā-jahā esa mama putto varadhaṇū rajadhurāciṃtaṇasamattho vaṭṭai, ahaṃ puṇa paralogahiyaṃ karemi tti | tao teṇa kaiyaveṇa bhaṇio-alaṃ annattha pauttheṇaṃ, iha ṭhio ceva dāṇāidharma kareha tti | imaṃ ca paḍivajiūṇa dhaṇuṇā gaṃgātīre mahaī pavā kārāviyā | tattha paṃthiyaparivāyagāīṇa pakāmaṃ annapāṇaṃ dijiuṃ pabattaṃ | dāṇamāṇovayāragahiehiṃ |pahiyapavaiyapurisehiṃ dugāuyappamāṇā suraṃgā khaṇāviyā jāva jauharaṃ patta tti | io ya sā vahū vivihanevatthapariyaṇaparivuḍā puravaraṃ saṃpattā | pavesiyā mahāvibhūīe jāva vittaṃ pāṇiggahaṇaṃ | tayaṇaṃtaraṃ visajjiūṇa jaṇasamūhe pavesio kumāro saha vahūe jauharaṃ | tao tattha vahūsahiyassa āsaṇovaviṭhṭhavaradhaṇusahiyassa visajjiyā'sesapariyaṇassa gayaṃ jāmiṇījāmadugaṃ | tao samaṃtā palīviyaṃ vāsabhavaṇaṃ | ucchalio hāhāravo| tato 'kiṃ kāyacaṃ ?' ti mūḍhamāṇaseṇa pucchio varadhaṇū-kimeyaṃ ? ti | teṇa bhaṇiyaṃ-jahā sā rāyadhūyā lehapesaṇeṇa vinivāriyā, esā kāi annā, tā hamāe paḍibaṃdho na kāyabo tti, estha jauhare paṇhipahāraṃ desu jeṇa niggacchāmo| teṇa tahā kayaṃ | taoṃ bhattūṇa 88|| - [Previous: p388](https://indike.org/pramana/in.jaina.sveta.mula.2!devendragani.p388) - [Next: p390](https://indike.org/pramana/in.jaina.sveta.mula.2!devendragani.p390) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_12) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p389](https://indike.org/pramana/in.jaina.sveta.mula.2!devendragani.p389) · Pramāṇa