[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p390 # Uttarajjhayana p390 Sukhabodhā p390 - **Language:** Sanskrit ### [p390](https://indike.org/pramana/in.jaina.sveta.mula.2!devendragani.p390) taṃ suraṃgāe niggaṃtūṇa dubāradese gayā | io ya dhaṇumaṃtiṇā puchameva do pañcaiyapurisā suraṃgāduvāre turaṃgamārūḍhā dhariyā | te ya varadhaṇussa saṃkeyaṃ meliya āsesu ya te kumāre āroviya gayā | kumārā vi payaṭṭā gaṃtuṃ, gayā pannāsa joyaṇamattaṃ bhūmibhāgaṃ | dīhadvāṇakhedeṇaṃ nivaḍiyā turaṃgamā | pāesu caiva gaṃtuṃ pavattā | pattā ya koṭṭhābhihāṇaṃ gāmaṃ | tato kumāreṇa varadhaṇū bhaṇio - jahā chuhā bāhai tti daḍhaṃ parisaṃto mhi | taṃ tattha saṃṭhaveūṇa so paviṭṭho gāmaṃ, maṃḍayaṃ gheṇāgao | muṃḍāviyaṃ kumārassa sīsaṃ, pahirāvio kāsāyavattho, cauraṃgulappamāṇapaṭṭayabaṃdheṇa sirivacchālaṃkiyaṃ chāiyaṃ vacchatthalaṃ | varadhaṇuṇā vi kao vaisaparāvatto | paviṭṭhā gāmabbhaṃtaraṃ | tāva ya ekkadiyavaramaṃdirāo niggaṃtūṇa dāsaceḍaeṇa bhaṇiyā te — eha bhuṃjaha tti | tao gayā tattha | rāyāṇurūvapaḍivattijuttaṃ bhuṃjāviyā te | tadavasāṇe ya ekkā pavaramahilā baṃdhumaimuddissa kumārauttimaṃge akkhae pakkhivāi, bhagai ya-esa imāe kannagāe baro ti | eyamāyanniūṇa bhaṇiyaṃ varaghaṇuṇā — kimeyassa mukkhabaḍayassa kae appāṇaṃ kheeha | tao gharasāmieṇa bhaṇiyaṃ - sāmi ! subaḍa, pubaṃ mittieṇa sāhiyaṃ amhaṃ— jahā imāe bāliyāe jo paṭṭāchāiyavaccho samitto bhuṃjihī bhoyaṇaṃ so bhattāro hohiṃ tti | evamādi bhaṇiḍaṃ tammi diyahe kārāvio pāṇigrahaṇaṃ kumāro tti | bīyadiṇe bhaṇio kumāro varadhaṇuṇā — dūraṃ gaṃtavaṃ ti | tao baṃdhumaīe sabbhāvaṃ kahiuṃ niggayā | gacchaṃtā pattā dūragāmaṃtaraṃ | tattha salilatthī varadhaṇū paviṭṭho lahumāgaṃtūṇa | bhāi - 'jaha dīharāiṇā baṃbhadattassa sabao paṃthā baṃdhāviya' tti jaṇavāo ettha mae suo, tā kumāra ! nassāmo | tao paṭṭā ummaggeṇaṃ pattā mahāḍaī | tao kumāraṃ vaḍassa heṭṭhā ṭhaviḍaṃ tisābhibhūyaṃ gao varadhaṇū jalaṭṭhā | tāva ya diṇābasāṇe diṭṭho varadhaṇū jamabhaḍehiṃ va dīhaniuttanarehiṃ hammamāṇo dūradesamāgao | kumārassa sannā kayā | palāṇo baṃbhadatto, paḍio ya duggamaṃ kaṃtāraṃ | tao taṇhāchuhāparissamakilaṃto aikamiūṇa mahāḍaī taiyadiṇe pecchai tāva citra sambhūtavaktavyatā | - [Previous: p389](https://indike.org/pramana/in.jaina.sveta.mula.2!devendragani.p389) - [Next: p391](https://indike.org/pramana/in.jaina.sveta.mula.2!devendragani.p391) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_12) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p390](https://indike.org/pramana/in.jaina.sveta.mula.2!devendragani.p390) · Pramāṇa