[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p396 # Uttarajjhayana p396 Sukhabodhā p396 - **Language:** Sanskrit ### [p396](https://indike.org/pramana/in.jaina.sveta.mula.2!devendragani.p396) 0X8X8 sarūvo ya darise se karaṃḍiyāo kaḍeuṃ | hāraṃ palo iṃteṇa ya kumāreṇa tadegadesāvalaṃbio diṭṭho baṃbhadattanāmaṃkio leho, pucchiyaṃ ca vayaṃsa! kasseso leho ? | varadhaṇū bhaṇai - ko jāṇai ? bahave baṃbhadattanāmagā purisā saṃti kimattha colaṃ ? | tato avaherīpare kumāre varaghaṇuṇā egaṃte neūṇa vihāḍio leho | diṭṭhā ya tammajjhammi imā gāhā - 'patthijjai jai vijae, jaṃṇeṇa saṃjoyajaṇiyajatteṇaṃ | taha vi tumaṃ ciya dhaṇiyaṃ, rayaṇavaī maṇai māṇeuṃ || 1 ||' ciṃtaṃtassa ya 'kahamavagacchissamimīe bhāvatthaṃ ?' ti varadhaṇuṇo bīyadiṇe āgayā egā pavāiyā | sā ya pakkhiviūṇakkhaya kusumāṇi kumārottamaṃge 'puttaya! vāsasahassāū bhavasu' ti bhaṇaṃtī varadhaṇumegaṃte nei maṃtiūṇa ya teṇa samaṃ kiṃ pi paḍigayā | tao pucchio kumāreṇa varadhaṇū - kimesā jaṃpai ? | bhaṇai – eyāe imaṃ saṃlattaṃ, jo so tumhāṇaṃ buddhileṇa karaṃḍammi hāro pesio teṇa samaṃ jo leho samāgao tassa paḍilehaṃ samappeha | mayā bhaṇiyaṃ — eso baṃbhadattarāyanāmaṃkio dīsai, tā sāhaha ko eso baṃbhadaso ? | tīe bhaṇiyaṃ summau, kiṃtu na tae kassa vi sāhiyavaṃ | atha iva nae sedvidhūyā rayaṇavaī nāma kannagā | sā ya bālabhāvāo caiva aīva mama nehāṇurattā jovaṇamaṇuppattā, diṭṭhā ya mae annadiṇammi sā kiṃci jjhāyamāṇī | tao haṃ gayā tīe sabhīvaṃ, bhaṇiyā ya mayā-putti rayaṇavai ! kiṃ ciṃtesi ? | pariyaṇeṇa bhaṇiyaṃ - bahūṇi divasāṇi evameīe dummaṇāe | tao puṇo puṇo pucchiyā vi mae jāva na kiṃci jaṃpai tāva bhaṇiyaṃ tassahīe piyaṃgulaiyāe – bhayavai ! esā lajjatī na kiṃ pi tuha sāhiuṃ sakkara, tā ahaṃ kami - io yagayammi kammi vi diṇe kīḍatthamujjāṇe gayāe eyāe bhāugassa buddhilaseṭṭhiṇo lakkhapaṇeṇaṃ jujjhāviṃtassa kaha vi tappaesā''gao diṭṭho apujho ko vi varakumāro, taṃ ca daṭṭhūṇa esā erisī jāyā | taṃ ca mae soūṇa lakkhio tīe mayaṇaviyāro, bhaṇiyā ya sasiṇehūṃ- putti ! sāhasu sambhāvaṃ | tao kaha kaha vi sabbhāvamuvagayā FOXCXCXCXCXXXCXXX citra - sambhūtavaktavyatā | - [Previous: p395](https://indike.org/pramana/in.jaina.sveta.mula.2!devendragani.p395) - [Next: p397](https://indike.org/pramana/in.jaina.sveta.mula.2!devendragani.p397) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_12) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p396](https://indike.org/pramana/in.jaina.sveta.mula.2!devendragani.p396) · Pramāṇa