[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p407 # Uttarajjhayana p407 Sukhabodhā p407 - **Language:** Sanskrit ### [p407](https://indike.org/pramana/in.jaina.sveta.mula.2!devendragani.p407) BXCXXXCX rājyalakṣmīmāhātmyaṃ yadannamātradānenāpyālocayasi | tato rājñā asūyayā'nujñātam | bhojitaścāsau āhāradānena svabhāryāputra- khuṣā- duhitṛ-pautrādibāndhavavṛndānvitaḥ | gataḥ svagṛham | āgatāyāṃ niśīthinyāṃ pariṇamatyanne'tyantajātonmādaprasaraḥ anapekṣitamātṛ snuṣā-bhaginīvyatikaro gurumadanavedanānaṣṭacittaḥ pravṛtto'nyo'nyamakāryamācarituṃ dvijaparijanaḥ | pariṇate cā''nne pratyūṣasi lajjito dvijaḥ parijanaśca anyonyamāsyaṃ darśayitumapārayan nirgatoṃ nagarāt | cintitaśca dvijena - katha manimittavairiṇā rājñetthaṃ viḍambito'ham ? | tato'marṣitena tena vane'ṭatā dṛṣṭa eko'jāpālakaḥ sa karkarikābhiraśvatthapatrāṇi kāṇīkurvan | cintitaṃ ca tena - 'madvivakṣitakāryakaraṇayogyo'yam' iti kṛtvā upacaritastena dānamānādibhiḥ kathitastena svābhiprāyastasya rahasi | tenāpi pratipannam | anyadā gṛhānnirgacchato brahmadattasya kutryāntaritatanunā amoghavedhyatvena golikayaikakālamutpādite locane | tato rājñā tadvṛttāntamavetyotpannakopena saputrabāndhavo'sau ghātitaḥ purohitaḥ | anyānapi dvijān ghātayitvā ukto mantrī — yathaiṣāmakṣīṇi sthāle nikṣipya mama purato nidhehi yenāhaṃ svahastamardanena svasukhamutpādayāmīti | matriṇā'pi kliṣṭakarmodayavaśatāṃ tasyāvagamya śākhoṭakataruphalāni sthāle nikṣipya tasyārpitāni | so'pi raudrādhyavasāyopagatastāni akṣibuddhyā mardayan svaṃ sukhākurvan dinānyativāhayati | evaṃ ca viddhato'tītāni katicid dināni | tataḥ sapta varṣaśatāni ṣoḍaśottarāṇi āyuranupālya tatkṣaye pravarddhamānaraudrādhyavasāyo mṛtvotpannaḥ saptamanaraka pṛthivyāṃ trayastriṃśatsāgarāyurnāraka iti || sāmprataṃ sūtramanutriyate - jāīparāio khalu, kāsi ṇiyāṇaṃ tu hatthiṇapuraṃmmi | culaṇīi baṃbhadatto, uvavanno paramagummāo 1 vyākhyā - jātyā - prastāvāt cāṇḍālajātyā parājitaḥ - abhibhūto jātiparājitaḥ 'khaluḥ' vākyālaṅkāre “kāsi” tti akārṣīt ' nidānaṃ ' 'cakravarttipadāvāptirme bhavedityevamātmakam, 'tuḥ' pūraṇe, hastināgapure culanyāṃ brahmadatta trayodaśaṃ citrasambhūtīyākhya madhyayanam | citra sambhūtavaktavyatā | - [Previous: p406](https://indike.org/pramana/in.jaina.sveta.mula.2!devendragani.p406) - [Next: p408](https://indike.org/pramana/in.jaina.sveta.mula.2!devendragani.p408) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.1_12) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p407](https://indike.org/pramana/in.jaina.sveta.mula.2!devendragani.p407) · Pramāṇa