[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p415 # Uttarajjhayana p415 Sukhabodhā p415 - **Language:** Sanskrit ### [p415](https://indike.org/pramana/in.jaina.sveta.mula.2!devendragani.p415) 8X8X8X8X800X6 vat 'kiṃ na mayā tadaiva sadanuṣṭhānamanuṣṭhitamiti khidyata evā'dharmakārīti sūtrārthaḥ || 21 || syādetat — mṛtyumukhopanītasya paratra ca duḥkhābhihatasya svajanādayastrāṇāya bhaviṣyanti tato na śociṣyante ityāśaṅkayāha jaheha sīho va miyaṃ gahāya, maccū ṇaraṃ ṇei hu aṃtakāle | ṇa tassa māyā va piyā va bhāyā, kālammi tammisaharā bhavati || 22 || ṇa tassa dukkhaṃ vibhayaṃti ṇāyao, ṇa mittavaggā ṇa suyā ṇa baṃdhavā | ego sayaṃ pañcaṇuhoi dukkhaṃ, kattāramevaṃ aṇujāi kammaṃ || 23 || vyākhyā – 'yathe' tyaupamye 'ihe 'ti loke 'siṃhaḥ' mṛgapatiḥ 'vā' iti pūraṇe, 'mṛgaṃ' kuraṅgaṃ gṛhītvā prakramāt paralokaṃ nayatīti sambandhaḥ | evaṃ 'mṛtyuḥ' kṛtāntaḥ 'naraṃ' puruṣaṃ nayati, 'huḥ' avadhāraṇe, tato nayatyeva, 'antakāle' jīvitavyāvasānasamaye | na 'tasya' mṛtyunā nīyamānasya mātā vā pitā vā “bhāya" tti vāśabdasyeha gamyamānatvāt bhrātā vā 'kāle tasmin ' jīvitāntarūpe aṃśaṃ prakramāt jīvitabhāgaṃ dhārayanti-mṛtyunā nīyamānaṃ rakṣantītyaṃśadharāḥ, uktaṃ hi – “na pitā bhrātaraḥ putrāḥ, na bhāryā na ca bāndhavāḥ | na śaktā maraṇāt trātuṃ, magnāḥ saṃsārasāgare || 1 ||” iti || syādetat-jīvitārakṣaṇe'pi duḥkhāṃśahāriṇo bhaviṣyanti ata āha—na 'tasya' mṛtyunā nīyamānasya 'duḥkhaṃ' śārīraṃ mānasaṃ vā 'vibhajanti' vibhāgīkurvanti ' jñātayaḥ' dūravarttinaḥ svajanā na 'mitravargāḥ' suhṛtsamūhā na 'sutāḥ' putrā na 'bāndhavāḥ' nikaṭavarttinaḥ svajanāḥ, kintu 'ekaḥ' advitīyaḥ 'svayam' ātmanā 'pratyanubhavati' vedayate 'duḥkhaṃ' kleśam | kimiti ? yataḥ 'karttārameva ' upārjayitārameva 'anuyāti' anugacchati karmeti sūtradvayārthaḥ || 22-23 || itthamaśaraṇatvabhāvanāmabhidhāyaikatva bhāvanāmāha XCXXCXX CXCX trayodaśaṃ citrasambhūtīyākhya madhyayanam | citra sambhūtamunyoḥ sautrī - [Previous: p414](https://indike.org/pramana/in.jaina.sveta.mula.2!devendragani.p414) - [Next: p416](https://indike.org/pramana/in.jaina.sveta.mula.2!devendragani.p416) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.22_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p415](https://indike.org/pramana/in.jaina.sveta.mula.2!devendragani.p415) · Pramāṇa