[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p427 # Uttarajjhayana p427 Sukhabodhā p427 - **Language:** Sanskrit ### [p427](https://indike.org/pramana/in.jaina.sveta.mula.2!devendragani.p427) caturdaśaṃ iṣukārī śrīuttarādhyayanasūtre śrīnemica ndrīyā sukhabodhākhyā laghuvṛttiḥ | yākhyamadhyayanam| ṣaṇṇām iṣukārarājādīnāṃ vaktavyatā| ||207|| FOXOXOXOXOXOXOXOXO brāhmaṇalakṣaṇam | vṛttasthaṃ brāhmaṇaṃ prāhurnetarān vedajīvakān || 1||" tathā "bhutta" tti bhojitā dvijā nayanti tamaso'pi yat tamastasmin -atiraudre rauravādinarake, “ṇami"ti vākyālaṅkāre, te hi bhojitāḥ paśuvadhādyaśubhavyāpāra eva pravarttante| tathā jātāśca putrā na bhavanti trāṇaṃ narakādikugatau nipatatāmiti gamyate | uktaṃ hi vedamatānusāribhirapi-"yadi putrād bhavet svargo, dānadharmo na vidyate | muṣitastatra loko'yaṃ, dānadharmo nirarthakaḥ || 1|| bahuputrā dulī godhā, tāmracūḍastathaiva ca | teṣāṃ ca prathamaṃ svargaḥ, paścālloko gamiṣyati || 2||" yataścaivaṃ tataḥ 'ko nāma na kaścit 'te' tava 'anumanyeta' anujānīyāt saviveka iti gamyate 'etad' anantaramuktaṃ vedādhyayanāditrayam || tathā kṣaṇamātrasaukhyā bahukāladuḥkhāḥ 'prakāmaduḥkhāḥ' atiśayaduḥkhāḥ 'anikāmasaukhyāḥ' aprakṛṣṭasukhāḥ saṃsāramokṣasya vipakṣabhūtāḥ, kimityevaṃvidhāste ? ityāha-'khaniḥ' ākaro'narthānām , tuśabdo'vadhāraṇe bhinnakramaśca, tataḥ khanireva 'kāmabhogā.' uktarūpāḥ || anarthakhanitvameva spaṣṭayitumāha-'parivrajan' viṣayasukhalābhārthamitastato bhrāmyan 'anivṛttakāmaḥ' anuparatecchaḥ san, "aho ya rāo" tti ārṣatvāt casya bhinnakramatvād ahi rātrau ca 'paritapyamānaḥ' tadavāptau samantāt cintāgninā dahyamānaḥ, anye-suhṛtsvajanādayaḥ tadartha pramattaḥ-tatkṛtyāsaktacetā anyapramattaḥ 'dhanaṃ vittam | 'eṣayana' vividhopāyairgaveṣayamāṇaḥ "pappotti” prāpnoti mṛtyu puruṣo jarāṃ ca || idaṃ ca me'sti dhānyādi, idaṃ ca nāsti | rajatarūpyādi, idaṃ ca me 'kṛtyaṃ gṛhavaraṇḍikādi, idamakṛtyamārabdhamapi vāṇijyādi na kartumucitam , 'ta' puruṣam 'evamevaṃ' vṛthaiva 'lālapyamānam' atyartha vyaktavācā vadantam , haranyāyuriti 'harāḥ' dinarajanyādayaḥ 'haranti' bhavāntaraṃ nayanti | 'itī ti asmād hetoḥ kathaṃ pramādaḥ prakramād dharme kartumucitaḥ ? iti śeṣa iti sūtraṣaṭrārthaḥ ||10-11-12-13-14-15|| | samprati dhanādibhiḥ pralobhayituṃ purohitaḥ prāha ||207|| - [Previous: p426](https://indike.org/pramana/in.jaina.sveta.mula.2!devendragani.p426) - [Next: p428](https://indike.org/pramana/in.jaina.sveta.mula.2!devendragani.p428) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.13_13) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p427](https://indike.org/pramana/in.jaina.sveta.mula.2!devendragani.p427) · Pramāṇa