[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p436 # Uttarajjhayana p436 Sukhabodhā p436 - **Language:** Sanskrit ### [p436](https://indike.org/pramana/in.jaina.sveta.mula.2!devendragani.p436) ṣaṇṇāma iṣukārarājādīnāṃ vaktavyatā| miti gamyate, 'kuṭumbasāraṃ' dhanadhānyādi, vipulaṃ cottamaṃ ca vipulottamaṃ, 'taditi yat purohitena tyaktaṃ gṛhantamiti śeṣaḥ, "rāyaṃ" ti rājānam 'abhīkṣṇaṃ' punaḥ punaḥ 'samuvāca' samyaguktavatī 'devī' kamalāvatī nāma | kimuktavatī ? ityāha-'vāntāśī' vāntabhojī puruṣo ya iti gamyate, he rājan ! na sa bhavati praśaṃsito vidvadbhiriti śeṣaḥ | kathamahaṃ vāntāśī ? iti ced ityata āha-brāhmaṇena parityaktaṃ dhanamādātumicchasi || kiśca-sarvaṃ jagad yadi "tuhaṃ" ti tava sarva vā'pi dhanaṃ bhavet , sarvamapi 'te' tava 'aparyāptam' aśaktam icchāpūraṇaṃ pratīti śeṣaḥ, aparyavasitatvāt tasyāḥ | tathā naiva 'trāṇāya' jarāmaraṇādyapanodāya 'taditi sarvaṃ jagaddhanaṃ vā taveti || anyacca-mariṣyasi rājan ! 'yadā tadā vā' yasmin tasmin vā kāle, jātasya dhruvaṃ maraṇāt | uktaṃ hi-“kaścit sakhe! tvayā dṛṣṭaḥ, śrutaḥ sambhāvito'pi vā | kṣitau vā yadi vā svarge, yo jāto na mariṣyati ? ||1||" manoramāna kāmaguṇān 'vihāya' tyaktvā , na kiñcit tvayā saha yāspatītyabhiprāyaḥ, tathā 'eko hu' eka eva dharmaḥ 'naradeva!' nṛpate! 'trāṇaṃ' śaraṇam , na vidyate anyad iha' loke |'iha' maraṇe kiñcit | uktaṃ ca-"attheṇa naṃdarāyā, na tāio godhaṇeṇa kuiyanno| dhanneṇa tilayasiṭṭhī, puttehiṃ na tāio sagaro||1||" ityato dharma evā'nuṣṭheyo vidvadbhiḥ, tasmāt parityajā'muṃ dvijaparityaktadravyagrahaṇā''grahamiti sūtracatuṣṭayārthaḥ || 37-38-39-40 || yataśca dharmād ṛte nānyat trāṇamataḥ ṇāhaṃ rame pakkhiṇi paṃjare vā, saṃtāṇachinnā carisāmi moṇaṃ | akiṃcaṇā ujukaḍā ṇirāmisā, pariggahāraṃbhaṇiyattadosā ||41|| “arthena nandarājaḥ, na bāto godhanena kucikarṇaḥ | dhānyena tilakaśreṣṭhī, putrairna trātaḥ sagaraḥ||1||" - [Previous: p435](https://indike.org/pramana/in.jaina.sveta.mula.2!devendragani.p435) - [Next: p437](https://indike.org/pramana/in.jaina.sveta.mula.2!devendragani.p437) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.41_4) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p436](https://indike.org/pramana/in.jaina.sveta.mula.2!devendragani.p436) · Pramāṇa