[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p465 # Uttarajjhayana p465 Sukhabodhā p465 - **Language:** Sanskrit ### [p465](https://indike.org/pramana/in.jaina.sveta.mula.2!devendragani.p465) XXXXXX kendriyopalakṣaṇaṃ caitad, ata evā'saṃyataḥ, tathā “saṃjaya mantramāṇe" tti ko'rthaḥ ? saṃyato'hamiti manyamānaḥ, anena ca saṃvignapākṣikatvamapyasya nāstītyuktam, śeṣaṃ prāgvat || 6 || tathā 'saṃstārakaṃ' kambalādi 'phalakaṃ' dārumayaṃ 'pīṭham ' āsanaṃ 'niṣadyāṃ' svādhyāyabhūmiṃ 'pādakambalaṃ' pādapuñchanam 'apramṛjya' rajoharaṇādinā, upalakṣaṇatvād apratyupekṣya ca 'ārohati ' upaviśati yaḥ sa pāpaśramaṇa ityucyate || 7 || tathā ' davadavassa” tti 'drutaṃ drutaṃ' tathāvidhālambanaṃ vinā'pi tvaritaṃ tvaritaṃ 'sañcarati' mikṣācaryādiṣu paryaṭati 'pramattaśca' pramādavāṃśca bhavati iti śeṣaḥ, 'abhīkṣṇaṃ' punaḥ punaḥ 'ullaṅghanaśrca' vatsaḍimbhādīnāmadhaḥ karttā, 'caṇḍa' ārabhaṭavṛttyā''śraṇayataḥ | caramapādo'trottaratra ca prāgvat || 8 || tathā pratilekhayati pramattaḥ san, 'apojjhati' yatra tatra nikṣipati, kiṃ tat ? 'pādakambalaṃ' pādapuñchanam, samastopadhyupalakṣaṇametat sa evaṃ 'pratilekhanā'nāyuktaḥ' pratyupekṣā'nupayuktaḥ || 9 || tathā pratilekhayati pramattaḥ sa kiñcidapi 'huḥ' apyarthe vikathādīti gamyate, 'niśamya' ākarṇya tatrākṣiptacittatayeti bhāvaḥ | gurūn paribhāvayati guruparibhāvako nityam, kimuktaṃ bhavati ? – asamyakpratyupekṣamāṇaḥ anyadvā vitathamācaran gurubhiśvoditastāneva abhibhavati, yathā - svayameva pratyupekṣadhvam, yuṣmābhireva vayamitthaṃ śikṣitāḥ tato yuṣmākamevaiṣa doṣa ityādi || 10 || kiñca - 'bahumāyī' prabhūtavañcanāprayogavān 'pramukharaḥ ' prakarṣeṇa mukharaḥ stabdhaḥ lubdhaḥ 'anigrahaśca' avidyamānendriyanigrahaḥ 'asaṃvibhāgī guruglānādīnāmucitamaśanādi na yacchati, “aciyatte" tti gurvādiṣvapyaprītimān śeṣaṃ tathaiva || 11 || tathā 'vivāda' vākkalahaṃ 'caḥ' pūraṇe 'udīrayati' kathañcidupaśāntamapi utprāsanādinā pravṛddhiṃ nayati, 'adharmaḥ' nirdharmaḥ, āptāṃ - sadbodharūpatayā hitāṃ prajñām-ātmano'nyeṣāṃ vā buddhiṃ kutarkavyākulīkaraṇato hanti yaḥ sa āptaprajñāhā, 'nyuddhahe' daṇḍādighātajanite virodhe 'kalahe' vācike 'raktaḥ' saktaḥ, śeṣaṃ prāgvat || 12 || tathā asthirāsanaḥ kukucaḥ prāgvat | 'yatra tatra' saṃsaktasarajaskādāvapītyarthaḥ niṣīdati saptadaśaṃ pāpaśramaṇīyākhya madhyayanam | pāpasthāna varjana - [Previous: p464](https://indike.org/pramana/in.jaina.sveta.mula.2!devendragani.p464) - [Next: p466](https://indike.org/pramana/in.jaina.sveta.mula.2!devendragani.p466) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.17) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p465](https://indike.org/pramana/in.jaina.sveta.mula.2!devendragani.p465) · Pramāṇa