[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p47 # Uttarajjhayana p47 Sukhabodhā p47 - **Language:** Sanskrit ### [p47](https://indike.org/pramana/in.jaina.sveta.mula.2!devendragani.p47) XOXOXOX XOXOXOXXX aṃjñānaṃ, darśanaṃ - samyagdarśanaṃ tadeva kriyādivādināṃ vicitramataśravaṇe'pi samyak pariṣahyamāṇaṃ parīṣaho darśana parīṣahaḥ || itthaṃ nāmataḥ parīṣahānabhidhāya tāneva svarūpato'bhidhitsuḥ sambandhārthatvamāha - parīsahāṇaṃ pavibhattī, kāsaveṇaṃ paveiyā | taṃ bhe udāharissāmi, āṇupudhiṃ suṇeha me || 1 || vyākhyā – 'parīṣahāṇām' anantaroktānāṃ ' pravibhaktiḥ' pṛthaksvarūpatārūpaḥ pravibhāgaḥ 'kāśyapena' mahāvīreṇa 'praveditā' prarūpitā, tāṃ “bhe" bhavatāṃ 'udāhariṣyāmi' pratipādayiṣyāmi 'ānupūrvyā' krameṇa śṛṇuta 'me' mama prakramādudāharata iti sūtrārthaḥ || 1 || iha cāśeṣaparīṣahāṇāṃ kṣutparīṣaha eva duḥsahaḥ, uktaśca – “paṃthasamā natthi jarā, dāriddasamo ya paribhavo natthi | maraṇasamaṃ natthi bhayaṃ, khuhāsamā veyaṇā natthi || 1 ||” iti āditastamāha digiṃchā parigae dehe, tavassī bhikkhū thāmavaṃ | ṇa chiṃde ṇa chiṃdāvae, na pae na payāvae || 2 || vyākhyā—'digiṃchāparigate' kṣudhāvyāpte 'dehe' śarīre sati 'tapasvī' vikṛṣṭāṣṭamāditapo'nuṣṭhānavān 'mikṣuḥ' yatiḥ 'sthāmavān' saṃyame balavān na chindyāt svayaṃ, na chedayedanyaiḥ phalādikamiti śeṣaḥ tathā na pacet, na cā'nyaiḥ pācayet upalakṣaṇatvācca nānyaṃ chindantaṃ pacantaṃ vā'numanyeta; tata eva na svayaṃ krīṇīyād nā'pi krāyayedanyaiḥ na cāparaṃ krīṇantamanumanyeta, kṣutpīḍito'pi na navakoṭiśuddhibādhāṃ vidhatta itibhāva iti sūtrārthaḥ || 2 || kiñca - kālīpavaṃgasaṃkāse, kise dhamaṇisaṃtae | māyane asaṇapāṇassa, adīṇamaṇaso care || 3 || 1 pathaḥ samā nāsti jarā, dāridryasamaśca paribhavo nāsti | maraṇasamaṃ nāsti bhayaṃ kṣudhāsamā vedanā nāsti || 1 || XO-XO-XO-XO-XO-XO-XO-XO-XO-XO-XO-XO-XOX dvitīyaṃ parīṣahādhyayanam ! - [Previous: p46](https://indike.org/pramana/in.jaina.sveta.mula.2!devendragani.p46) - [Next: p48](https://indike.org/pramana/in.jaina.sveta.mula.2!devendragani.p48) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.2) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p47](https://indike.org/pramana/in.jaina.sveta.mula.2!devendragani.p47) · Pramāṇa