[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p483 # Uttarajjhayana p483 Sukhabodhā p483 - **Language:** Sanskrit ### [p483](https://indike.org/pramana/in.jaina.sveta.mula.2!devendragani.p483) ndrīyā sukhabodhā khyā laghuvṛtiḥ | XCXCXXX X yaṇesāhāraṇamimaṃ maraṇaṃ, bhaṇiyaṃ ca " kiṃ atthi koi bhuṣaṇammi jassa jāyaṃti neya pāvāī ? | niyakammapariṇaīe, jamma maraṇāī saṃsāre || 1 || " tā māhaṇa ! mā ruyasu, muṃca soyaṃ, kajjaṃ ciṃtesu, kuṇasu appahiyaṃ, jāva tumaṃ pi evaṃ kavalijjasi masīheṇaṃ | vippeṇa bhaṇiyaṃ - deva ! jāṇāmi ameyaṃ paraṃ puttamaṃtareṇa saṃpai ceva me kulakkhao hoi, duhiyā'ṇāhavacchalo appaḍiyappayāvo sayalapayāpālaṇanirao ya devo, tā deu puttajīvāvaṇeṇa māṇusabhikkhaṃ | rannā bhaṇiyaṃ - bhadda ! asakkapaḍiyāraṃ vihivilasiyameyaṃ, bhaṇiyaṃ ca - "sīyaṃti sabasatthāī ettha na karmati maṃtataṃtāī | addidvapaharaṇammī, vihimmi kiṃ porusaṃ kuṇai ? ||1||” tā paricayasu sogaṃ, karesu paralogahiyaṃ, mukkho ceva karei hie ṇaṭṭhe mae vā sogaṃ | vippeṇa bhaṇiyaṃ - mahārāya ! jai saccameyaṃ ṇa kāyavo ettha jāṇaeṇa sogo, tā tumaṃ pi mā karejjasu sogaṃ, asaṃbhāvaṇijjaṃ tumha soyakāraṇaṃ jāyaṃ | tao saṃbhaṃteṇa rannā pucchiyaṃ—bho vippa ! kerisaṃ soyakāraṇaṃ ? | vippeṇa bhaṇiyaṃ - deva ! saṭṭhi pi tuha suyasahassā kālagayā | soūṇa ya imaṃ rāyā vajjapahārahau va naṭṭhaceyaṇo siṃhāsaṇāo mucchāvihalaṃghalo nivaḍio | mucchāvasāṇe ya sogāūriyamaṇo mukkakaṃṭhaṃ roviūṇa palāve kāumāḍhatto - hā puttā ! hā hiyayadaiyā ! hā baṃdhuvallahā ! hā susahāvā ! hā viṇīyā ! hā sayalaguṇanihāṇā ! kattha maṃ aṇāhaṃ mottūṇa tumbhe gayā ?, deha me tumhavirahaduhaṭṭassa daṃsaṇaṃ, hā nigghiṇapāvavihi ! ekkapae ceva sadhe te bālae saṃharaṃteṇa kiṃ tae apunnaṃ pūriyaṃ ? hā niḍurahiyaya ! asajjha| suyamaraṇadukkhasaṃtattaṃ pi kiṃ na vaccasi sayakhaṃḍaṃ ? | evaṃ ca vilavamāṇo bhaṇio teṇa vippeṇa- mahārāya ! saṃpai ceva mamo| vaisasi saṃsārāsārayaṃ, tā kimappaṇā gacchasi soyaparavasattaṃ ?, ahavā— paravasaṇammi suheṇaṃ, saṃsārāniścayaṃ kahai loo | ṇiyabaṃdhuyaṇaviṇāse, sabassa vi calai dhīrataṃ || 1 || dussahaṃ ca egabaṃdhussa vi nariṃda ! maraṇaṃ kiṃ puṇa saṭṭhīe | puttasahassāṇaṃ ?, tahā vi – sappurisa cciya vasaṇaṃ, sahaṃti garuyaṃ pi sāhasekkarasā | dharaṇi ściya sahai jae, vajjanivāyaṃ 3XXCXCXCXCXCXCXCXCXCXCXC aṣṭādaśaṃ saṃyatī yākhyama dhyayanam | sagara cakriṇo - [Previous: p482](https://indike.org/pramana/in.jaina.sveta.mula.2!devendragani.p482) - [Next: p484](https://indike.org/pramana/in.jaina.sveta.mula.2!devendragani.p484) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.51) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p483](https://indike.org/pramana/in.jaina.sveta.mula.2!devendragani.p483) · Pramāṇa