[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p484 # Uttarajjhayana p484 Sukhabodhā p484 - **Language:** Sanskrit ### [p484](https://indike.org/pramana/in.jaina.sveta.mula.2!devendragani.p484) sagaracakriṇo vaktavyatā| XIna uṇa taṃtū || 1|| ao avalaṃbesu dhīrayaṃ, alamettha vilavieṇaṃ, jao-soyaṃtāṇaṃ pi no tāṇaṃ, kammabaṃdho u kevalo| | to paṃḍiyā na soyaṃti, jāṇatā bhavarūvayaṃ || 1emāivayaṇavinnāseṇa saṃṭhavio rāyā vippeṇa | bhaṇiyā ya teṇa maṃti| sāmaṃtā-sāheha jahāvattaṃ rāiṇo | sāhiyaṃ ca tehiṃ pagalaṃtabāhajalehiṃ | samāgayā pahāṇapaurā, dhīravio sabehiṃ vi rāyā, kayamuciyakaraṇijaṃ | etthaṃtare pattā adrāvayassa āsannavāsiṇo jaṇā paṇayasirā vinnaviṃti–jahā deva ! tumha suehiṃ aṭṭhāvayarakkhaṇaṭṭhā āṇīo gaṃgājalappavāho, so pharihaṃ bhareūṇa āsannagāmanagare ubaddavito pasarai tā taṃ nivāreu devo, na atthi annassa tannivāraṇasattī|rāiṇā bhaṇio niyaputtajaṇhukumāraputto bhagīrahī niyapotto-vaccha ! daṃḍarayaṇeṇa nāgarāyamaṇunaviya nesu uyahimmi gaṃgaṃ | so vi gao aṭṭhāvayaṃ | aṭṭhamabhatteṇārāhio nāgarāyā āgao | kayabhīsaṇabhuyaṃgahārakeūro bhaṇai–ki saṃpāḍemi | bhagīrahiṇā bhaṇiyaṃ paṇāmapuvayaṃ-tumha pasāeṇa nemi gaṃgaṃ samudde, uvaddavo mahaṃto loyassa|nāyarāeṇa bhaṇiyaṃ-vigayabhao karesusamīhiyaṃ, nivārissāmi ahaṃ bharahanivāsiṇo nāgi-tti bhaṇiūṇa gao nāgarāyā| bhagīrahiṇā vi kayā ṇāgāṇaṃ balikusumāīhiṃ pūyā | tappabhiī ca nāgabaliṃ kuṇai loo| rāyasuo vi gaṃgamāgarisaṃto daṃḍarayaṇeṇa bhaṃjaṃto ya bahave thalaselavaṇe jaṇābāhāe patto putvasamuī| tatthā'vayāriyā giṇhatī | aṇegāiṃ naisahassāiṃ gaṃgā| puṇo vihiyā tattha balī nāgāṇaṃ | jattha ya sāyare miliyā gaṃgā taṃ gaṃgāsāyaraṃ titthaṃ jāyaṃ | aja vi taṃ loe vikkhāyaṃ| gaṃgā vi 'jaṇhuṇā āṇīya' tti jaṇhuvī jāyā, 'bhagīrahiṇā viṇīya' tti teṇa bhāgīrahi tti | so vi nāgehiṃ miliūṇa pūio gao aojhaṃ | pūio ya rāiṇā tuhraṇa ṭhavio niyaraje | appaṇā ya ṇikkhaṃto ajiyajiṇasayāse siddho ya | annayā pucchio bhagīrahirāiṇā aisayaṇāṇī-bhagavaṃ! kiṃ kāraṇaṃ jaṇhupamuhā te sahiṃ pi kumārasahassā samamaraṇā saṃjāyā| bhayavayā bhaṇiyaṃ-mahārāya ! egayā mahaṃto saṃgho ceiyavaṃdaṇatthaṃ - [Previous: p483](https://indike.org/pramana/in.jaina.sveta.mula.2!devendragani.p483) - [Next: p485](https://indike.org/pramana/in.jaina.sveta.mula.2!devendragani.p485) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.51) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p484](https://indike.org/pramana/in.jaina.sveta.mula.2!devendragani.p484) · Pramāṇa