[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p486 # Uttarajjhayana p486 Sukhabodhā p486 - **Language:** Sanskrit ### [p486](https://indike.org/pramana/in.jaina.sveta.mula.2!devendragani.p486) XXX0 tā ya - "hiyaicchiyā udārā, suyā viṇīyā maṇoramā bhogā | viulā lacchī deho, nirāmao dīhajī vittaṃ || 1 || bhavapaḍibaṃdhanimittaṃ, emāī vatthu navara savaṃ pi | kaivaidiṇāvasāṇe, sumiṇuvabhogu va na hu kiṃci || 2 || dhammakajje ujjamāmi, dhammo ceva bhavaṃtarāṇugāmī | emāi bhāviūṇa puttanihittarajjo pavaio | kāleṇa ya vivihatave | cariūṇa gao saṇakumārakappaṃ ti || “saṇaṃkumāra” sūtraṃ sugamam | caritaṃ cedam atha iva bhāra vāse kurujaṃgale jaṇavae hatthiṇāuraṃ nayaraṃ, tattha ya kuruvaṃse āsaseṇo rāyā, sahadevī bhāriyā, tāṇa putto caudasamahāsumiṇasūio cautthacakavaṭṭī saṇakumāro nāma | so sahapaṃsukīlieṇa sūrakāliṃdītaṇaeṇa mahiṃdasīheṇa saha gahiyakalākalāvo jovaṇamaṇupatto | annayā vasaṃtamāse rāyautto nāyarasahio gao kīlaṇatthamujjāṇaṃ | kīliūṇa ya tattha visiddhakīlāhiṃ āsaparivāhatthaṃ ārūḍhā turaṃgamesu rāyakumārā | saṇaṃ kumāro vi jalahikallolābhihāṇaṃ turaṃgamamārūḍho | mukkā samakālamāsā | tato vivarīyasikkhattaṇao paṃcamadhārāe laggo kumāraturaṃgo ahaṃsaṇīhūto khaṇamitteṇa | laggo vinnāyavṛttaṃto rāyā sapariyaṇo maggato| etthaṃtarammi laggo caṃḍamāruto, teṇa bhaggo turayapayamaggo | mahiṃdasīheṇa vinnatto rāyā — niyatta mahārāo, ahaṃ kumārasuddhiṃ lahiūṇa valissaṃ | niyatto rāyā | mahiṃdasīho vi laggo aṇumaggeṇa kumārassa paviṭṭho bhīsaṇaṃ mahāḍaī, hiṃḍatassa tīe aigayaṃ varisamegaṃ | egadivasammi ya gato thevaṃ bhūmibhāgaṃ tāva nisuto sārasaravo, agghāio araviṃdaparimalo, payaṭṭo tayabhimuhaṃ, diṭṭhaṃ ca saravaraṃ, nisuo mahuro gīyaveṇuravo, harisupphullaloyaṇo jāva gaccha tāva pecchai taruṇīyaṇamajjhasaṃṭiyaṃ saṇakumāraṃ vinhiyamāṇaso ciṃtei - ' kiṃ maṇavibhamo eso ? kiṃ vā saccaṃ caiva esa sarṇakumāro ?' vigappaṃto jāva ciṭṭhai tāva paḍhiyaṃ baṃdiṇā - jaya 1 aśvaviśeṣagatau | sanatkumāra cakriṇo - [Previous: p485](https://indike.org/pramana/in.jaina.sveta.mula.2!devendragani.p485) - [Next: p487](https://indike.org/pramana/in.jaina.sveta.mula.2!devendragani.p487) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.51) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p486](https://indike.org/pramana/in.jaina.sveta.mula.2!devendragani.p486) · Pramāṇa