[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p490 # Uttarajjhayana p490 Sukhabodhā p490 - **Language:** Sanskrit ### [p490](https://indike.org/pramana/in.jaina.sveta.mula.2!devendragani.p490) kahiṃ pi | jāva evaṃ jaṃpai sā kannagā tāva ya teṇa asaṇivegasuyavajavegeṇa vijāharāhameṇa āgaṃtūṇa ukkhitto gayaṇa sanatkumāramaṃḍalaṃ ajautto | to sā hāhāravaṃ kuṇamāṇī mucchāparāhīṇā nivaḍiyā dharaṇivaṭṭe | tāva ya muṭṭhipahāreṇa vāvāiūṇa taṃ cakriṇo duhṛvijāharaṃ samāgato akkhayasarīro tīse samīvamaja utto, samāsāsiyā, sāhito niyayavuttaṃto, teṇa vīvāhiyā ya | sā vaktavyatā| ya suṇaṃdābhihāṇā itthīrayaṇaṃ bhavissai| thevavelāe ya samāgayā vajavegabhagiṇī saṃjhāvalī nāma, vāvāiyaṃ ca daddūṇa bhāuyaṃ kovamuvagayā, puṇo vi sumariyaṃ nemittiyavayaṇaṃ jahā-'bhāivahagassa bhajjā hohī' ajauttaṃ vivāhatthamuvaṭṭhiyā| \*sā vi tassāṇumaīe taheva vivāhiyā| etthaṃtare samāgayā ajauttasamīvaṃ duve vijāharā, paṇāmapuvaṃ bhaṇiyaṃ tehiṃ-x deva ! asaṇivego vijāharabaleṇa jāṇiyaputtamaraṇavuttaṃto tumhovari samāgacchai, ato caṃḍavega-bhāṇuvegehiṃ pesiyā | amhe haricaṃda-caṃdaseṇābhihāṇā niyaputtā, raho sannāho ya pesio, amha piyaro vi tumha calaṇasevānimittaṃ ee saṃpattā ceva tti | tayaṇaṃtaraṃ ca samāgayā caṃḍavega-bhāṇuvegā ajauttasāhejanimittaṃ | saṃjhāvalīe dinnā pannattī vijjā | tato ajautto caṃḍavega-bhāṇuvegā ya niyavijāharabalasameyā asaṇivegabaleṇa ya samaṃ jujjhiuṃ pavattā | tato bhaggesu dosu vi balesu ajauttassa asaṇivegeṇa samaṃ mahājujhe samāvaḍie teṇa mukkaṃ mahoragatthaṃ, taṃ ca kumāreṇa garuallattheṇa viṇiyaṃ | puṇo mukaṃ teṇa aggeyatthaṃ, taṃ pi kumāreṇa vāruṇattheṇa paḍihayaṃ | puṇo vi mukaṃ vāyacaṃ, taṃ pi sela-la ttheṇa paḍipelliyaṃ | tato gahiyagaṃḍīvo nārāe muccato pahāvito so| kumāreṇa nijīvaṃ kayaṃ tassa cāvaṃ | puṇo kaḍḍiyamaṃḍalaggo uḍhio, kumāreṇa tassa karo chinno| tato bāhujuddhamicchaṃto āgato | kumāreṇāvi cakkeṇa muddhavigalaṃ sīsaṃ kayaṃ | tato takkhaṇamevāsaṇivegavijāhararāyalacchī sayalavijāharasameyā saṇaṃkumāraṃ saṃketā | tato haṃtūṇa asaṇivegaṃ thuvaṃto caṃḍavegapamuhehiṃ nabhāto raheṇa vijāharasahito oyario pāsāyavaḍisae | diṭṭho ya tattha harisiyāhiṃ sunaṃdā-saṃjhāva-IX - [Previous: p489](https://indike.org/pramana/in.jaina.sveta.mula.2!devendragani.p489) - [Next: p491](https://indike.org/pramana/in.jaina.sveta.mula.2!devendragani.p491) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.51) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p490](https://indike.org/pramana/in.jaina.sveta.mula.2!devendragani.p490) · Pramāṇa