[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p493 # Uttarajjhayana p493 Sukhabodhā p493 - **Language:** Sanskrit ### [p493](https://indike.org/pramana/in.jaina.sveta.mula.2!devendragani.p493) tato muṇiṇā evaṃ siṭṭe maṃe tuha aṃtaravāsanimittaṃ bhāṇuvegaṃ visajjiya piyasaṃgamapurinivesaputraṃ tumaṃ aṭṭha bhāṇuvegakannāto vivāhāvito | mukko ya kāraṇeṇaṃ tattheva ' kajjasamattīe sevaṃ karehāmo' ti | marisejjaha avarāhaṃ jaṃ mukko vaṇammi, tā vinnavemi — mannaha me kannāsayassa pāṇiggahaṇaṃ ti | tāo vi tumha'ṭṭhavahūto pecchaṃtu sāmiṇo muhakamalaṃ ndrīyā ti | ' evaṃ hou ' tti mannie samāgayāo tāo | mahayā vibhūīe vivāhiyaṃ ajjautteṇa kannāsayaṃ | dasuttareṇa devīsukhabodhā- saeṇa sahito bhuṃjae bhoe | evaṃ ca vaccae kālo | ajja puṇa ajjautteṇa evaṃ samāṇattaṃ - jahā gaṃtavamajja jattha jakkheṇa saha jujjhiyaṃ taṃ saraṃ ti | tato etthāgayāṇamajja tumhehiṃ saha pecchaṇayāvasare daṃsaṇaṃ jāyaṃ ti | etthaṃtarammi uṭṭhito suhasutto rahaharāto saṇakumāro | gayā ya mahayā caḍayareṇa veyaṅkaṃ | vinnatto avasaraṃ lahiūṇa | mahiṃdasīheṇa - jahā kumāra ! dukkheṇa tuha jaṇaṇijaṇayā kālaṃ garmiti, tā taddaṃsaṇeṇaṃ kīrau pasāto amhārisajaṇassa tti | vinnattāṇaṃtarameva gayā mahayā gayaṇaṭṭhiyaṇāṇāvihavimāṇahayagayāivāhaṇārūḍhavicittavesāharaṇabhūkhiyavijjāharavaṃdasammaddeṇaṃ hatthiṇāuraṃ ti | ānaṃdiyā jaṇaṇijaṇayā nāyarajaṇā ya | tato mahayā vibhūīe rannā assaseṇeṇa saṇaṃkumāraṃ payaisamaggeṇa rajjammi ahisiṃciūṇa mahiṃdasīhaṃ seṇāvaī niuṃjiya dhammatitthayaratitthe tahavihāṇaṃ therāṇaṃ aṃtie pavajjāvihāṇeṇaṃ sakajjamaṇuṭṭhiyaṃ ti | saṇakumāro vi parivaḍhamāṇako sabalasāro vikaṃto rajjamaṇupālei | uppannāṇi ya cakkarayaṇapamuhāṇi coddasa vi rayaṇāṇi nava nihīto ya, kayā ya tesiṃ pūyā | tayaṇaṃtaraṃ cakkarayaṇadaṃsiyamaggo māgaha varadāma-prabhāsa-siṃdhu-khaṃḍappavāyāikameṇa bharahaṃ oyaviya vāsasahasseṇāgato gayapuraṃ | diṭṭho ohīe sakkeṇa 'putriṃ suhammavaī | mahasariso āsi' tti baṃdhuneddeṇa āṇatto vesamaṇo- kareha saṇakumārassa rajjābhiseyaṃ, imaṃ ca hāraṃ vaṇamālaṃ chattaṃ mauḍaṃ 1 'maye 'ti caṇḍavegena vidyādhareṇa | khyā laghuvṛttiḥ | CXCXCXCX X 8X8X8X8X8X8X8X1 aṣṭādaśa saṃyatī yākhyama dhyayanam | sanatkumāracakriṇo vaktavyatā | - [Previous: p492](https://indike.org/pramana/in.jaina.sveta.mula.2!devendragani.p492) - [Next: p494](https://indike.org/pramana/in.jaina.sveta.mula.2!devendragani.p494) --- Source: [https://indike.org/pramana/in.jaina.sveta.mula.2!devendragani.p493](https://indike.org/pramana/in.jaina.sveta.mula.2!devendragani.p493) · Pramāṇa