[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p496 # Uttarajjhayana p496 Sukhabodhā p496 - **Language:** Sanskrit ### [p496](https://indike.org/pramana/in.jaina.sveta.mula.2!devendragani.p496) tacatave mahātave karemāṇassa āmosahi-khelosa hi - vippo sahi jallo sahi - sabo sahipa bhiīto satta laddhīto uppannāto to vi | sarīrapaḍiyāraṃ na karei | puṇo ya sakkeṇa pasaṃsito – aho ! saṇakumārassa muṇiṇo dhīrayā, vāhikayatthito vi na karei | tappaḍiyāraṃ | tamasaddahaṃtā te ceva devā savaravejjaruveṇa āgayā, bhaṇiyaṃ - bhayavaṃ ! tuha vā hipasamaṃ karemo | bhayavaṃ tuṇḍiko acchai | jāhe puṇo puṇo bhaṇati tāhe muṇiṇā bhaṇiyaṃ - tumhe kiṃ sarīravāhiṃ pheḍaha ? uyāhu kammavāhiṃ ? | tehiṃ bhaṇiyaṃ – sarīravāhiṃ | tao bhayavayā nihuhaṇeṇa ghasiūṇa kaṇayavannā kayā aṃgulī daṃsiyā, bhaṇiyaṃ ca – ahaṃ sayameva iyaravāhiṃ pheḍemi, tumhe jai saṃsāravāhissa pheḍaṇe samatthā to pheḍeha | devā vi vimhiyamaṇā 'tumhe ceva saṃsāravāhi pheḍaṇaparamavejja' tti pasaṃsiya sakkasaṃtiyavaiyaramāveiūṇa devarūveṇa paṇamiūṇa gayā saṭṭhāṇaṃ | bhayavaṃ pi kumārataṃ maṃḍaliyattaṃ ca pannāsaṃ pannāsaṃ vāsasahassāiṃ vāsalakkhaṃ cakkavahiṃ vāsalakkhaṃ ca sāmannamaṇupāleūṇa gato sammeyaselasiharaṃ, tattha silāyale āloyaṇāvihāṇeṇa māsieṇa bhatteṇa kālagato saṇakumāre kappe uvavanno | tato cuto mahāvidedde sijjhihitti || " caittā" sūtraṃ sugamam | caritaṃ cedam — asthi iheva jaṃbūdīve veyaḍḍhe patrayavare uttarāe seḍhīe rahaneuracakkavālaṃ nāma nayaraṃ, tattha rāyā amiyateo parivasai, tassa ya sutārā nāma bhagiṇī, sāya poyaṇāhivaiṇo sirivijayassa dinnā | annayāya amiyateo poyaṇapuraṃ sirivijaya sutārādaṃsaṇatthaṃ gato | pecchai ya pamuiyaṃ ūsiyadhayavaḍāyaṃ savaṃ pi puraṃ, viseseṇa rāulaṃ ti tato vimhiyaupphullaloyaṇo unno gayaṇayalāo rāyabhavaṇaṃgaṇe | abbhuṭṭhio ya sirivijaeṇaṃ, kayamuciyakara ṇijjaṃ | uvaviṭṭho siṃhāsane | pucchiyaṃ amiyateeṇaṃ ucchavakāraṇaṃ | tato sirivijao sāhiumāḍhatto - jahā io ya aṭṭhame divase paḍihāraniveio samāgato ego nemittito, dinnāsaṇo uvaviṭṭho | pucchio ya mae- kimāgamaṇapatoyaṇaṃ ? | tato śrīśāntināthacakriṇo vaktavyatā | - [Previous: p495](https://indike.org/pramana/in.jaina.sveta.mula.2!devendragani.p495) - [Next: p497](https://indike.org/pramana/in.jaina.sveta.mula.2!devendragani.p497) --- Source: [https://indike.org/pramana/in.jaina.sveta.mula.2!devendragani.p496](https://indike.org/pramana/in.jaina.sveta.mula.2!devendragani.p496) · Pramāṇa