[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p498 # Uttarajjhayana p498 Sukhabodhā p498 - **Language:** Sanskrit ### [p498](https://indike.org/pramana/in.jaina.sveta.mula.2!devendragani.p498) XXXOXOX CXCXX CXCX I bhūmiṃ tayaṇaṃtaramuppaito | tāva ya kūiyaṃ mahādevīe – jahā'haṃ deva ! kukkuḍasappeṇaṃ khaiyā tā parittāyau maṃ devo tti | evaṃ soūṇa turiyaṃ samāgato | tāva ya sā paṃcattamuvagayā | rāyā ya sogaparavaso tīe saddhiṃ ciyāe paviṭṭho | jaliumādatto jalaṇo | tāva ya thevavelāe samāgayā duve vijjāharā | tattha egeṇa abhimaṃtiūṇa salilaṃ sittā ciyā | naṭṭhā veyāliṇī vijā aṭṭahāsa kāūṇa | samāsatyo rāyā jāto, bhaṇiyaṃ ca teṇa -- kimeyaṃ ? ti | bhaṇiyaṃ ca vijjāharehiṃ — jahā amhe piyā uttā amiyateyassa pariggahe vaṭṭāmo, jiṇavaṃdaṇanimittaṃ gayā āsi, āgacchaṃtehi ya nisuto sutārāe asaṇighoseṇa nijjaṃtīe akaṃdasaddo, amhe ya tammoyāvaṇatthaṃ jujjhasajjā jāyā | tato sutārāe bhaṇiyā - alaṃ jujjheṇa, jahā mahārāo veyāliṇīe vijjāe velavito jīviyaṃ na paricayai tahā gaṃtūṇa ujjāṇe sigdhaṃ kareha | tato amhe ihaṃ āgaya tti, diṭṭho ya tumaṃ veyāliṇīvijjāe samaṃ ciyārūḍho, ahimaṃtiyajaleṇa sittā ciyā, naṭṭhā ya sā duṭṭhabijjā, tato uṭṭhato tumaṃ ti | avahariyaṃ sutāraṃ nāūṇa visanno rāyā | bhaṇio ya tehiṃ – 'vīsattho hohi, kahiṃ jāi so pāvo ?' tti saṃṭhaviūṇa gayā vijjāharā | vinnāto esa vaiyaro amiateeṇaṃ | gayā ya camaracaṃcaṃ nayariṃ amiyateya - sirivijayā asaṇighosaṃtiyaṃ | paṭṭhavito bāhiṃ ṭhiehiṃ ceva asaṇighosassa dūto, palāṇo ya so, pahāviyā pito | diṭṭho ya ayalassa utpanna kevalassa samīve asaṇighoso | āṇiyā sutārā tattheva egeṇa amiyateya vijjāhareṇa | tato uvasaṃtaverā kevalisamīve dhammaṃ suṇaṃti | laddhāvasareṇa ya bhaṇiyaṃ asaṇighoseṇa - jahā na mae duṭṭhabhāveṇa avariyā sutārā, kiṃtu vijjaṃ sāhiūṇa āgacchaṃteṇa mayā diṭṭhā iyaṃ, na sakkemi ya paricaiuṃ puvasiṇeheṇa, tato chaleṇa | vāmohiūṇa sirivijayaṃ veyāliṇīe vijjāe ghettūrṇa sutāraṃ samāgato ahaṃ, tā khamiyavaṃ tumhehiṃ aduṭṭhabhāvassa mahaṃ 1 prathamabaladevasya | śrīśāntināthacakriṇo - [Previous: p497](https://indike.org/pramana/in.jaina.sveta.mula.2!devendragani.p497) - [Next: p499](https://indike.org/pramana/in.jaina.sveta.mula.2!devendragani.p499) --- Source: [https://indike.org/pramana/in.jaina.sveta.mula.2!devendragani.p498](https://indike.org/pramana/in.jaina.sveta.mula.2!devendragani.p498) · Pramāṇa