[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p500 # Uttarajjhayana p500 Sukhabodhā p500 - **Language:** Sanskrit ### [p500](https://indike.org/pramana/in.jaina.sveta.mula.2!devendragani.p500) | śrīśāntināthacakriṇo vaktavyatā| jato saccabhāmā sutārā samuppannā | so ya kavilo tiriesu āhiṃḍiya tahāvihaṃ kiṃci kā ūṇamaṇuṭṭhāṇaṃ asaṇighoso samuppanno | tao sutāraṃ ca saccabhāmāmāhaṇījīvaṃ pāsiūṇa puvasiṇeheṇaṃ avahariūṇa gato tti | puṇo vi amiaṇṇa pucchiyaṃ-bhayavaṃ! kimahaṃ bhavito na va? tti | kevaliṇā bhaṇiyaṃ-bhavito tumaṃ, io ya navame bhave titthayaro bhavissasi, eso vi sirivijato tuha paḍhamagaṇaharo bhavissai tti | tato eyamāyaniya amiyateya-sirivijayā harisāūriyasarīrā vaṃdiūṇa bhayavaṃtaṃ gayā niyaniyanayaraṃ bhuṃjaṃti bhoe| annayā ya dohiṃ vi jaṇehiṃ ujjāṇagaehiṃ viulamai-mahāmaiṇo cāraṇasamaṇā diṭṭhā | tayaṃtie dhamma soūṇa āuyaṃ paripucchiyaṃ | cāraṇasamaṇehiṃ ohiṇā ābhoeūṇa sāhiyaṃjahā chavīsaiṃ diyahe āuyaṃ ti | tato tehiṃ samāgaṃtūṇa kayā aṭṭhāhiyā mahimā | appappaṇo puttesu rajjadhuraṃ saṃkāmeūṇa abhinaṃdaṇa-jaganaṃdaṇasamīve pātovagamaṇavihiṇā kālaṃ kāūṇa pāṇae kappe vīsasāgarovamāū devatteṇa uvavannā| tattha ya aṇuhaviūṇa raisāgarāvagāḍhā savāuyaṃ iheva jaṃbuddīve dīve puvavidehe ramaṇijje vijae sīyāe mahānaīe dāhiṇakūle subhagāe nayarīe thimiyasāgarassa rāiṇo vasuṃdharī-aṇaṃgasuṃdarīṇaṃ mahādevīṇaṃ gabbhe kameṇa kumārattaṇeṇa samuvavannā | amiyateto aparājito sirivijato aṇaṃtavirito| tattha vi damiyārī vijjāharaṃ paḍisattuṃ vāvāiūṇa kameṇa baladeva-vāsudevattaṃ pattā | tesiṃ ca piyā pavajāvihāṇeṇa mariūṇa asurattaṇeṇa camaro samuppanno| aṇaṃtavirito ya āuyamaṇupāliūṇa nibaddhanirayāuto kālaṃ kāūṇa gato paḍhamapuḍhaviṃ| bāyālīsaṃ vāsasahassā ṭhitī| tattha vi tivāto |veyaṇāo sahai | tassa ya puttasiṇeheṇa camaro gaṃtūṇa veyaṇovasamaṃ karai | so saṃviggo samma ahiyāsei| aparājito ya baladevo bhāuyavioe dukkhio nikkhittaputtarajabharo jayaharagaṇaharasamīve nikkhaṃto, gamiūṇa pañcajjāvihāṇeṇa āuyaṃ acue iṃdattaṇeṇa uvavanno | ito ya aṇaṃtavirito ucaṭṭiūṇa naragāto veyar̤e vijāharattaṇeṇa uvavanno | tattha - [Previous: p499](https://indike.org/pramana/in.jaina.sveta.mula.2!devendragani.p499) - [Next: p501](https://indike.org/pramana/in.jaina.sveta.mula.2!devendragani.p501) --- Source: [https://indike.org/pramana/in.jaina.sveta.mula.2!devendragani.p500](https://indike.org/pramana/in.jaina.sveta.mula.2!devendragani.p500) · Pramāṇa