[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p505 # Uttarajjhayana p505 Sukhabodhā p505 - **Language:** Sanskrit ### [p505](https://indike.org/pramana/in.jaina.sveta.mula.2!devendragani.p505) ndrīyā sukhabodhākhyā laghuvṛttiḥ | juvarāo mahāpaumo | ito ya asthi ujjeṇīe nayarīe siridhammo nāma rāyā, tassa namuī nāma maṃtī | annayā tattha samosarito muṇi subayasāmisīso suvato nāma sūrī | tassa ya loo niyaniyavibhūīe baṃdaṇatthaṃ gacchamāṇo pāsāovariṭṭhieṇa diṭṭho rannā, bhaṇiyaṃ ca teṇa - jahā logo akālajattāe kahiṃ gacchai ? | tato namuimaṃtiṇā 'deva ! itthujjāṇe samaṇā āgayā, tesiṃ ca jo bhatto so gacchai' tti vṛtte rāyā bhaṇai — amhe vi gacchāmo | namuī bhaṇai| jai evaṃ tā tae majjhattheṇa acchiyavaṃ jeṇāhaṃ te vāyaṃ kāūṇa niruttare karemi | gato tattha rāyā | namuī vi bhaṇai — bho pavaiyagā ! jai kiṃci dhammatattaṃ jāṇeha tumbhe tā sāhaha amhaṃ | muṇiṇo vi save 'khuddo' tti nāūṇa moṇeṇa dviyā | tato namuī ruṭṭho sūriṃ bhaṇai — kimesa baillo jāṇai ? | tato sūrihiṃ bhaṇiyaṃ -bhaṇāmo kiṃpi jai te muhaṃ khajjai | imaṃ ca soūṇa egeṇa viyakkhaṇacellaeṇa 'bhayavaṃ ! ahameva imaṃ nirāgarissāmi' tti vottūṇa kao so niruttaro vitaṃḍāvāyaṃ kuṇaṃto | gato sāhūṇamuvarimaīvapatosaṃ | tato rattīe veramulvahaṃto muṇīṇaṃ vahatthamāgao devayāe thaṃbhito | pahāe ya tamacchariyaṃ dahūṇa rāyā logo ya suyadhammo bahuto samuvasaṃto | namuī ya tahāvamāṇito vilakkhīhūto gato hatthiṇāraṃ, | mahāpaumassa juvaranno maṃtī jāto | ito ya pañcaṃtavāsī siṃhabalo nāma rāyā, so ya 'koṭṭāhivaī' tti mahāpaumassa | desaviṇāsaṃ kāuṃ puṇo duggaṃ pavisai | tato rannā ruṭṭheṇa pucchito namuī – jāṇāsi kiṃci uvāyaṃ siṃhabalagahaṇe ? | namuī vi 'suhu jāṇāmi' tti vottuṃ gato, niuṇovāeṇa duggaṃ bhaṃjittā siṃhavalaṃ ca ghettūṇāgato | tato tuṭṭheṇa rannā 'varaṃ varehi' tti bhaṇie namuī bhaṇai – jayā maggāmi tayā dijjasu | evaṃ ca juvarajjamaṇupālayaṃtammi mahāpaume jālā māyāe kārāvito jiṇabhavaṇe raho| tahā avarā vi micchādiṭṭiṇī jiṇadhammapaḍiṇīyā sāvakiyā lacchī nāma mahāpaumamāyā, tīe vi kārāvito baṃbharaho | bhaṇio ya paumuttaro rāyā - jahā esa baṃbharaho paḍhamaṃ paribhamaḍa nayaramajjhe, pacchā aṣṭādaśa saṃyatī yākhyama dhyayanam | mahāpadma cakriṇo - [Previous: p504](https://indike.org/pramana/in.jaina.sveta.mula.2!devendragani.p504) - [Next: p506](https://indike.org/pramana/in.jaina.sveta.mula.2!devendragani.p506) --- Source: [https://indike.org/pramana/in.jaina.sveta.mula.2!devendragani.p505](https://indike.org/pramana/in.jaina.sveta.mula.2!devendragani.p505) · Pramāṇa