[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p514 # Uttarajjhayana p514 Sukhabodhā p514 - **Language:** Sanskrit ### [p514](https://indike.org/pramana/in.jaina.sveta.mula.2!devendragani.p514) kahamaṇhāto jemesi ? | teṇa bhaṇiyaṃ —tumaṃ ṇhāya ? ti | iyarīe bhaṇiyaṃ mā evaṃ karehi, na esa dhammo sayāṇaṃ | balā ya bhutto eso | ito ya 'bhukkhito' tti bhakkhaṇanimittaṃ phūṃmiyā tilā naḍeṇa, 'sappo' tti palāṇo sasarakkho, 'avasaro' tti piṭṭhato naḍo | diṭṭhā nimgacchamāṇā mayaharaputteṇa, 'kimeyaṃ ?' ti pucchiyā ghariṇī | saniveyaṃ jaṃpiyamimīe – bhaṇio mae, tumaṃ mā evaṃ karehi, na esa dhammo sayāṇaṃ ti, vasaṃtaṃ tuha ghare evaṃ umā-mahesaraṃ ajja aṇhāṇabhoyaṇadhammabhaṃgeṇa niggayaṃ | 'hā ! duhu kayaṃ' visanno mayaharautto | bhaṇiyaṃ cāṇeṇa — ko'vetthuvāo ? | tīe bhaṇiyaṃ -nāeṇa davamajjiṇiya saviḍīe pūyaṃ karehi, tato pavisai eyaṃ ti | gato mayaharautto dasannavisae | laggo vāḍakamme | niṣpattīe viḍhattā dasa gaddiyāṇagā | 'appa' tti na tuṭṭho citteṇa, taha vi payaṭṭo niyadesaṃ, aḍavīe pippalamūle vīsamai | itthaṃtare avaharito āseṇa samāgato tamuddesaṃ dasannabhaddo rāyā, diṭṭho mayaharaputtreṇa, daṃsiyamudagaṃ, uppallāṇito āso, vissāmito rāyā, thevavelāe samāgao pariyaṇo | tato 'uvagāri' tti pucchito mayaharautto rannā — ko tumaṃ ? kiṃ vā te kīrau ? | jahaṭṭhiyameva sāhiyaṃ mayaharautteṇa bhaṇito ya rāyā-tā sabiḍīe pūāsaṃpāyaṇatthaṃ kareu kiṃci devo tti | rāiṇā ciṃtiyaṃ'ujjugo varāgo ghattito mahilāe, tā imamettha pattayālaṃ nemi paṭṭagaṃ tato jahājuttamaṇuciṭṭhissāmi' tti nīto sanayaraṃ, | saṃpāḍiyaṃ bhoiṇāiyaṃ, ciṃtiyaṃ ca rāiṇā – aho ! se vavasāo, asaṃtagaṃ pi viḍhaviya sabiḍīe pūyaṃ saṃpāḍei | dhammapuriso khu eso tā kiṃ imassa kīrau ? | itthaṃtare niveiyaṃ rāiṇo pauttikahagehiṃ-jahā deva! bhagavaṃ mahāvīro samāgao | parituṭṭho rāyā, vaṃdito tattheva bhāveṇa, dinnaṃ pāritosiyaṃ, ciṃtiyaṃ cāṇeṇa - jai nāma esa mayaharaputto visiddhaviveyarahio vi niyadevayāṇa saviḍipūyāsaṃpāyaṇatthamevaṃ parikilissai, tā amhārisehiṃ sārāsāravibhāgaviyāehiṃ samaggasāmaggiehiṃ tihuyaṇaciṃtāmaṇissa samaṇassa bhagavato mahāvīrassa viseseṇa sadhiḍipūyā kāuṃ jujjaitti, daśārṇabhadra rājasya vaktavyatā ! - [Previous: p513](https://indike.org/pramana/in.jaina.sveta.mula.2!devendragani.p513) - [Next: p515](https://indike.org/pramana/in.jaina.sveta.mula.2!devendragani.p515) --- Source: [https://indike.org/pramana/in.jaina.sveta.mula.2!devendragani.p514](https://indike.org/pramana/in.jaina.sveta.mula.2!devendragani.p514) · Pramāṇa