[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p521 # Uttarajjhayana p521 Sukhabodhā p521 - **Language:** Sanskrit ### [p521](https://indike.org/pramana/in.jaina.sveta.mula.2!devendragani.p521) aṣṭādarśa saṃyatīyākhyamadhyayanam| udāyanarājasya vaktavyatā| ||254|| niḍāle ya se aṃko kato 'dāsīpaī'tti | udāyaṇarāyā ya pacchā niyayanayaraṃ pahāvito | paḍimā necchai | aṃtarā vāseṇa oruddho ṭhito | tāhe okhaṃdayabhaeṇa dasa vi rāyāṇo dhūlīpāyāre karettā ṭhiyā| jaṃ ca rāyā jimei taṃ ca pajjoyassa vi dijjai | navaraṃ pajosavaṇāe sūeṇa pucchito-kiṃ aja jemisi ?|so ciṃtai-mārijāmi, tāhe pucchaikiṃ aja pucchijjāmi ? | so bhaṇai-aja pajosavaṇā, rāyā uvavāsito| so bhaṇai-ahaṃ pi uvavāsito, mama vi māyāvittāṇi saṃjayāṇi, na yāṇiyaṃ mayā jahā-ajja pañjosavaṇaṃ ti| ranno kahiyaṃ | jāṇāmi jahā-sodhutto, kiṃ puṇa mama eyammi baddhellae pajjosavaṇā ceva na sujjhai | tāhe mukko khāmito ya | paṭṭo ya sovanno tāṇa'kkharāṇa chāyaṇanimittaṃ baddho| so ya se visato dino| tappabhiī paṭṭabaddhayā rāyāṇo jāyā | putvaṃ mauḍabaddhā āsi | vitte vāsārate gato rāyā| tattha jo vaṇiyavaggo āgato so tahiṃ ceva dvito, tāhe taṃ dasapuraṃ jāyaṃ | tae ṇaṃ se uhāyaṇe rāyā annayā kayāi posahasālāe posahie ege abīe pakkhiyaṃ posahaṃ samma paḍijāgaramāṇe viharai | tato tassa puvarattāvarattakāle jāgariyaṃ karemāṇassa eyārūve ajjhathie samuppajjitthā-dhaṇṇā ṇaṃ te gāmanagarā jattha ṇaṃ samaṇe bhagavaṃ mahāvīre viharai dhamma kahei, dhannā ṇaṃ te rāīsarapabhiīto je ṇaṃ samaṇassa mahāvīrassa aṃtie kevalipannattaṃ dhamma nisāmeṃti, evaṃ paṃcāṇuvaiyaṃ sattasikkhāvaiyaṃ sāvagadhamma duvālasavihaṃ paḍivajaṃti, evaṃ muṃḍe bhavittā āgārāto aṇagāriyaṃ pavayaṃti, taṃ jāṇaṃ samaṇe bhagavaṃ mahāvīre puvāṇuputviṃ dūijjamāṇe iheva vīībhae āgacchejjā tāṇaṃ ahamavi bhaga|vato aṃtie muṃḍe bhavittā jāva pavaejjā | tae ṇaṃ bhagavaṃto udāyaṇassa eyārūvaṃ ajjhatthiyaṃ jāṇittā caṃpāto paḍiṇikkhamittā jeṇeva vīībhae nagare jeṇeva miyavaṇe ujjāṇe teṇeva viharai | tato parisā niggayā udāyaṇo ya | tae ṇaṃ uhāyaṇe mahāvīrassa aṃtie dhammaṃ socā haṭṭhatuḍhe evaṃ vayāsī-jaṃ navaraṃ jeṭṭaputtaṃ rajje ahisiṃcāmi, vato ||254|| - [Previous: p520](https://indike.org/pramana/in.jaina.sveta.mula.2!devendragani.p520) - [Next: p522](https://indike.org/pramana/in.jaina.sveta.mula.2!devendragani.p522) --- Source: [https://indike.org/pramana/in.jaina.sveta.mula.2!devendragani.p521](https://indike.org/pramana/in.jaina.sveta.mula.2!devendragani.p521) · Pramāṇa