[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p526 # Uttarajjhayana p526 Sukhabodhā p526 - **Language:** Sanskrit ### [p526](https://indike.org/pramana/in.jaina.sveta.mula.2!devendragani.p526) mahābala rājasya vaktavyatā| pauppae dhammaghose nāma aṇagāre paṃcahiṃ aṇagārasaehiṃ parivuḍe gāmāṇugāmaṃ dūijjamāṇe hathiṇāuramāgae, jāva parisā niggayā, mahābale vi kaṃcuiyasayāsāto vināyavaiyare tassa bhayavato vaṃdaṇatthaṃ niggae, jāba dhammaghosassa | aṇagārassa aṃtie dhamma suṇei| tae ṇaṃ se mahabbale kumāre dhammaghosassa aṃtie dhammaṃ socā haṭṭhatuḍhe tikkhutto namaṃsittā evaṃ vayāsī-sahāmi ṇaṃ bhaṃte ! niggaṃthaṃ pāvayaṇaṃ, jāva abbhuṭemi ṇaṃ bhaṃte ! niggaṃthaṃ pāvayaṇaṃ, evameyaṃ bhaṃte ! se jaheyaṃ tubbhe vayaha jaṃ ṇavaraṃ devāṇuppiyā! ammāpiyaro āpucchāmi tae ṇaṃ tumheṃ aṃtie pavvayāmi | ahāsuhaṃ devāṇuppiyā ! mā paḍibaṃdhaṃ karehi | tae ṇaṃ se mahabbale dhammaghosaṃ aṇagāraṃ vaṃdittā haṭṭhatuḍhe rahaṃ āruhittā hatthiṇāraṃ nayaraṃ majjhaṃmajjheṇaṃ jeṇeva sae ghare teṇeva uvāgacchai, rahāto pañcoruhai, pañcoruhitā jeṇeva ammāpiyaro teṇeva uvāgacchai, uvāga - kichattā evaṃ vayāsī-aṃbatāya! mae dhammaghosassa aṇagārassa aṃtie dhamme nisaṃte, se vi ya me abhiruie | tae ṇaṃ taṃ mahābalaṃ kumāraṃ ammāpiyaro evaṃ vayāsī-dhanne siṇaṃ tumaṃjāyā !, kayatthe siṇaṃ tumaṃ jāyā!| tae ṇaṃ se mahabale kumāre evaṃ vayāsī-icchāmi ṇaṃ ammayāto! tumhehiṃ abbhaṇunāe samāṇe saṃsārabhaubigge mīe jammaṇamaraṇāṇaṃ dhammaghosassa aṃtie ahaṃ pavaittae | tae ṇaṃ sā pahāvaī aṇiṭuṃ akaṃtaṃ asuyaputvaṃ giraṃ socā romakūvapagalaṃtaseyakiliṇṇagattā sogabharaveviyaṃgī nitteyā dīṇavayaṇā karayalamaliya va kamalamālā khuṇṇiyavalayā pahaḍhauttarijā vikinnakesahatthā parasunikitta va caṃpagalayā kuṭṭimatalaṃsi dhasa tti savaṃgehiṃ nivaḍiyā| tateṇaṃ sā sasaṃbhamakhittāe kaṃcaṇabhiṃgāravāridhārāe ukkhevagavāeṇa ya samāsāsiyā samāṇī royamāṇī kaṃdamāṇī mahabalaṃ evaṃ vayāsī-numaṃ siṇe jāyā! amhaṃ ege putte iḍhe kaṃte rayaṇabhūe | nihibhūe jīviyabhūe uṃbarapuppha ba dullabhe, tanno khalu jāyā ! amhe icchāmo tujjha khaṇamavi vippatogaṃ, acchāhi tāva jāyā! jāva amhe jīvāmo, pacchā amhehiṃ kālagaehiṃ pariṇayavae var̤iyakulasaṃtāṇe pavaihisi | tae ṇaṃ se mahabbale - [Previous: p525](https://indike.org/pramana/in.jaina.sveta.mula.2!devendragani.p525) - [Next: p527](https://indike.org/pramana/in.jaina.sveta.mula.2!devendragani.p527) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.51) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p526](https://indike.org/pramana/in.jaina.sveta.mula.2!devendragani.p526) · Pramāṇa