[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p573 # Uttarajjhayana p573 Sukhabodhā p573 - **Language:** Sanskrit ### [p573](https://indike.org/pramana/in.jaina.sveta.mula.2!devendragani.p573) FORY śrīuttarādhyayanasūtre śrīnemica ndrīyā sukhabodhākhyā laghuvṛttiḥ | dvāviṃśa rathanemīyākhyamadhyayanam | ariṣṭanemicaritram | ||28 || riyamahādāṇanimittaṃ ca paḍivannaṃ saṃvaccharamettamavatthāṇaṃ | bhayavayā tappabhitiṃ ca āḍhattaṃ kimicchiyaṃ mahādāṇaṃ | jaṃbhagā ya devā bhayavato bhavaṇe hiraṇṇadhannavatthāivāsaṃ vāsiumāḍhattā| paḍipuṇṇe ya saṃvacchare āpucchiūṇa ammāpiyaro sāvaṇasuddhachaṭṭhīe sadevamaṇuyāe parisāe parivuḍo niggaṃtūṇa nayarīe sahasaṃbavaṇe ujāṇe tinni vāsasayāī agāravāsamāvasittā chaṭeṇaṃ bhatteṇaṃ purisasahasseṇa saddhiṃ nikkhaṃto viharai tavasaṃjamarato| io ya bhayavato bhāyā rahanemī aṇurāyaparo rāyamaī uvayarai, bhaṇiyā ya teṇa-suyaṇu! mā kareha visāyaṃ, tuma sohagganihiṃ ko ko na patthei ?, bhayavaṃ puṇa vīyarāgo na karei visayāṇubaṃdha, to paḍivajjasu mamaṃ, tuhāṇākārī savvakālamahaṃ | tīe bhaṇiyaṃ-jai vi ahaṃ nemināheṇaṃ cattā tahā vi tamahaṃ na pariccaemi jeṇa bhayavao ceva sissiṇī bhavissāmi, tā ujjhasu tumameyamatthāṇubaṃdhaṃ | tato ṭhito kai vi diṇe so avaherīe | puṇo vi annammi diṇe patthiyā | tato tīe tappaḍibohaṇatthaṃ tappaccakkhameva pāūṇa khīraṃ mayaṇaphalapāṇeṇa vamiūṇa sovaṇṇiyakaccole samuvaṇīyaṃ rahanemiṇo, bhaṇito ya–piyasu imaṃ | teṇa bhaṇiyaṃkahaṃ vaṃtaṃ piyāmi ? | tīe bhaṇiyaṃ-kimayaṃ jāṇase tumaṃ? | teṇa bhaṇiyaṃ-bālo vi evaṃ viyāṇai | tīe bhaṇiyaṃ-jaha evaṃ tā kīsa meṃ nemināheṇa vaṃtamāpiumicchasi | imaṃ bhaṇio so uvarato tadajhavasāṇāto | sā vi dikkhābhimuhī tavovahāṇehiṃ sosaṃtī ciṭṭhai sarīrayaṃ | etthaṃtare cauppannaṃ diṇāī annattha viharittā āgato revayagirisahasaṃbavaṇe dikkhāṭhāṇe ujāṇe bhayavaṃ | uppannaṃ tattha suhajjhavasāṇassa āsoyaamāvasāe aṭṭhamabhattate kevalaṃ nāṇaṃ | kayaṃ devehiṃ samosaraṇaṃ | avi ya-vaṃtarasurā kuṇaṃti u, vāodayarayaṇabhūminivattiṃ | paṇavannabiṃṭasaṃṭhiya-kusumāṇaṃ payaraṇaṃ ceva ||1|| abhitaramajjhabahi, vimāṇa-joi-bhavaṇāhivakayāto | pāyārā tinni bhave, rayaṇe kaṇage ya rayae ya ||2|| maṇirayaṇahemamaiyā, kavisīsā savarayaṇiyā dārā | maṇikaṇagarayaṇacittā, ya toraṇā dhayavaḍāinnā ||3|| majjhe asogarukkho, tadaho KOXOXO ||28 || - [Previous: p572](https://indike.org/pramana/in.jaina.sveta.mula.2!devendragani.p572) - [Next: p574](https://indike.org/pramana/in.jaina.sveta.mula.2!devendragani.p574) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.20_7) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p573](https://indike.org/pramana/in.jaina.sveta.mula.2!devendragani.p573) · Pramāṇa