[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p584 # Uttarajjhayana p584 Sukhabodhā p584 - **Language:** Sanskrit ### [p584](https://indike.org/pramana/in.jaina.sveta.mula.2!devendragani.p584) mālaviḍaṃ | sā vi kāmanirohamasahamāṇī pāsiyacīvare raṃgo va saṃpalaggā teṇa samaṃ | taṃ ca tārisamaṇāyāraṃ pavaṭṭamāṇaṃ nāūṇaṃ īsāvasaviṇaḍiyāe varuṇāe sāhitaṃ marubhūīssa | so vi tīe paḍiuttaramakāuṃ 'gāmaṃtaraṃ gamissāmi' tti tāṇa purato vottūṇa niggato niyamaṃdirāo | tato patosasamayammi hāhābhūyakappaḍiyarūvaṃ kāūṇa sarabheeṇaṃ kamaṭhaṃ bhaṇaimama nirāhārassa sīyaparitāṇatthaṃ kiṃci nivāyaṭṭhāṇaṃ dehi | kamaṭheṇa vi aviṇṇāyaparamattheṇaṃ dayāe bhaṇiyaṃ – kappaḍiyabhaṭṭa ! iha caurae sacchaṃda nivasasu | tato tattha dvito marubhūī daddūṇa tesiṃ saṅghamaṇāyāramasahamāṇo vi loyāvavāyabhīrutaṇato akayapaḍiyāro caiva niggaṃtumāgato pabhāe, tato gaṃtuṃ sāhiyaṃ jahāvaṭṭhiyaṃ rāiṇo | raṇṇā vi kuvieṇaṃ samāiṭṭhā niyapurisā | tehiṃ vi vajjaṃtavirasaḍiṃḍimo galollaiyasarāvamālo rāsahārūḍho kāūṇa pherito savattha 'akajjakāri ' tti loyasamakkhamugghosaṇāe kamaṭho nivāsito nayarāo | tato so tahāviḍaṃbito saṃjāyāmariso vi samuppannagaruyaveraggo gahiyaparivāyagaliṃgo samāḍhatto dukkaraṃ tavaṃ cariuṃ | taṃ ca nāuṃ samuppannapacchāyāvo marubhūī khāmaṇānimittaṃ gato kamaṭhasamīvaṃ, nivaḍato tassa calaṇe | teṇa vi sumariyaputra viḍaṃbaṇāverāṇubaṃdheṇaṃ pāyavaḍiyasseva marubhūiṇo muddhāṇovari vimukkā samāsannadesaṭṭhiyā ghettūṇa mahāsilā | tato marubhūī tīe pahāreṇa āraḍato kālaṃ kāūṇa bahujūhāhibaī samuppanno viṃjjhammi mahākarī | ito ya araviṃdarāyā kayāi sarayakāle saṃteuro pāsātovari saṃṭhito kīlaṃto sarayabbhaṃ susaṇiddhaṃ pacchāiyanahayalaṃ maṇoharaṃ samuṇṇayaṃ puṇo takkhaṇameva vāuṇā paḍiyaṃ dṛṭṭhūṇa taddeva khaṇabhaṃgurasanvabhāvabhāviyassarūvo samuppannohi| nāṇo vārijaṃto vi pariyaṇeṇaṃ dinnaniyaputtarajjo pavaito | annayā ya so viharaṃto payaṭṭo sāgaradattasatthavāheṇa saha sammeyaselavaṃdaṇatthaṃ | pucchito ya paṇamiūṇaṃ sāyaradatteṇaṃ - bhayavaṃ ! kahiṃ gamissaha ? | muṇiṇā bhaṇiyaṃ - titthajattāe | satthavāho bhai – keriso uṇa tumha dhammo ? | muṇiṇā kahito tassa dayā- dāṇa-viṇayamūlo savittharo dhammo | taṃ ca pārśvanāthacaritram | - [Previous: p583](https://indike.org/pramana/in.jaina.sveta.mula.2!devendragani.p583) - [Next: p585](https://indike.org/pramana/in.jaina.sveta.mula.2!devendragani.p585) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p584](https://indike.org/pramana/in.jaina.sveta.mula.2!devendragani.p584) · Pramāṇa