[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p597 # Uttarajjhayana p597 Sukhabodhā p597 - **Language:** Sanskrit ### [p597](https://indike.org/pramana/in.jaina.sveta.mula.2!devendragani.p597) trayoviṃśaṃ keśigautamīyākhyamadhyayanam| pārśvanāthacaritram | ||292|| imo jaṇavao| tao tamāyanniūṇa jaṇiyakoūhalaviseso bhayavaṃ pi patthio, gao tattha jattha so kamaḍho, diṭṭho ya| paṃcamgitavaṃ tappamāṇo | tao tinnāṇasaṃpunnattaṇao muṇiyaṃ bhayavayā ekammi aggikuṃḍe pakkhittāe mahallarukkhakhoḍīe majjhe ḍajjhamāṇaṃ nāyakulaṃ, taṃ ca tahāvihaṃ kaliūṇa añcataṃ karuṇāparayāe bhaṇiyaṃ bhayavayā-aho kaṭṭhamannāṇaṃ ! jamerisammi vi tavovisese kīramāṇe dayā na muṇijai tti | tao soumevaṃ pāsavayaṇaṃ bhaṇiyaṃ kamaḍheṇa-jahā rāyaputtāṇa turayakuṃjarāidamaṇe ceva parissamo, dhammaṃ puṇa muṇiṇo ceva viyāṇaṃti | tao bhayavayā bhaṇio eko niyayapuriso–re re! khoḍimeyaṃ sāvahāṇo kuhāḍaeṇaṃ phoḍesu | tao 'jamāṇavesi' tti bhaṇamāṇeṇa duhā kayā sā teṇa khoḍī| viṇiggayaṃ ca tīe majjhāo mahallaṃ nāgakulaṃ | tattha ya diṭṭho īsi ḍajjhamāṇo ego mahānāgo | tassa ya bhayavaṃ davāvei niyayapurisavayaṇeṇa saniyamaṃ 'asiāusa' tti paṃcanamokāraṃ | nāgo vi taṃ ghettuṃ tappabhāvao mariūṇa samuppanno nāgaloe dharaṇiṃdo nāma nāgarāyā | dinno ya 'aho! nāṇāisau' tti bhaṇamāṇeṇa bhayavao loeṇa sāhukkāro | tamāyanniūṇa suha vilakkhībhūo kamaḍhaparivāyago kāūṇa ya gāḍhamannāṇatavaṃ samuppanno mehakumāranikāyamajhammi mehamālī nāma bhavaṇavāsidevo| bhayavaṃ pi tao paviṭṭho nayarīe | annayā haṃsuheṇaṃ acchaṃtassa samāgao vasaṃtasamao | tammi ya vasaṃtasamae jāṇāvaṇatthamujāṇavāleṇā''ṇettā bhayavao samappiyā sarasā sahayāramaṃjarī | bhayavayā bhaṇiya-bho ! kimeyaṃ ? | teṇa bhaṇiyaṃ-sāmi! bahuvihakīlānivāso saṃpayaṃ saṃpatto vasaṃtasamao| tao soumeyaṃ vasaṃtakīlānimittaṃ bahupurajaṇaparivārasamannio jāṇārūḍho gao naṃdaṇavaṇaṃ | tao jāṇāo samuttariya nisanno naṃdaṇavaṇapāsāyamajjhaṭṭhiyakaṇayamayasīhāsaṇe| tattha ya airamaṇīyattaṇao sabao paloyamāṇeṇaṃ diḍha bhattīe paramarammaṃ cittaṃ, taṃ ca daṭṭaṇa ciṃtiyaṃ-aho ! kimettha lihiyaṃ ? | nāyaṃ ca sammaṃ nirūvaṃteṇa jahāridvanemicariyaṃ | tao ciṃtiuṃ payatto-dhanno so'ridunemī jo ‘virasāvasāṇaṃ OXOXOXOXOXOXOXOX oX-0 ||292|| - [Previous: p596](https://indike.org/pramana/in.jaina.sveta.mula.2!devendragani.p596) - [Next: p598](https://indike.org/pramana/in.jaina.sveta.mula.2!devendragani.p598) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p597](https://indike.org/pramana/in.jaina.sveta.mula.2!devendragani.p597) · Pramāṇa