[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p599 # Uttarajjhayana p599 Sukhabodhā p599 - **Language:** Sanskrit ### [p599](https://indike.org/pramana/in.jaina.sveta.mula.2!devendragani.p599) śrīuttarādhyayanasūtre śrīnemicandrīyā sukhabodhākhyā laghuvṛttiḥ | ||293|| ukkhittā māṇusehiṃ sā haṭṭaromakūvehiṃ | pacchā vahati sīyaṃ, asuriṃda-suriṃda- nāgiṃdā || 1 || aṭṭhaṭṭha maṃgalagā chatta cāmara - mahajjhayāīṇi ya purao patthiyāṇi | tao 'jaya jaya naṃdā! jaya jaya bhaddā ! bhaddaṃ te, savakālaṃ ca dhamme tuha avigdhaṃ havau' tti muhamaṃgaliyamāīhiṃ abhinaṃdijamāṇo, bahujaṇasahassehiṃ pecchejamāṇo thuvayamāṇo, aṃgulīhiṃ dāijamāṇo, pupphaṃjalī hiṃ pūijjamāṇo, pae pae agghe paḍicchamāṇo, bahunaranārīṇamaṃjalīo dāhiṇahattheṇa paḍicchamāṇo, mahayā iḍḍisamudraṇa, kiñca - varapaḍaha-bheri jhallari- duṃduhi-saṃkhasahiehiṃ tūrehiṃ | dharaṇiyale gayaṇayale, turiyanināo paramarammo || 1 || nayarīo nikkhamittā gao āsamapayamujjāṇaṃ | tattha ya asogapāyavassa ahe sīyāo paccoruhai | posabahula ekkārasīe puṇhe sayamevālaṃkāraṃ omuyai, pasaraṃtabāhasalilā vammādevī haṃsalakkhaṇapaḍeṇaṃ paḍicchai | paṃcamuṭṭhiyaṃ loyaṃ karei, sakko kese paḍicchai, khīrasamudde sāharai | taṃ samayaṃ ca sakkavayaṇeṇa devāṇa maṇuyāṇa ya nigghoso turiyanināo gīyaravo uvarao | tāhe tīsaṃ vāsāī agāramāvasittā aṭṭhamabhatteṇaṃ apāṇaeṇaṃ devadūtamādāya tihiṃ purisasaehiṃ nikkhaṃto | bhaṇiyaṃ ca – “kāūṇa namokāraṃ, siddhāṇamabhiggahaṃ tu so giṇhe | savaṃ me akaraṇijaṃ, pāvaṃ ti carittamārūḍho || 1 ||" takkhaṇaṃ ca uppannaṃ maṇapajjavanāṇaṃ | tao paṃcasamio tigutto khaṃtikhamo nimmamo niddoso nīsaṃgo lābhālābhe suhe dukkhe niṃdāpasaṃsāsu ya samo tavasaṃjameṇa appāṇaṃ bhāvemāṇo viharai | surāsurā vi bhayavao pāsassa nikkhamaṇamahimaṃ karettā naṃdīsare aṭṭhāhiyaṃ kareṃti, sadvāṇaṃ ca paḍigayā | bhayavaṃ pi nayarāsannasaṃṭhiyaṃ patto tāvasāsamaṃ, tattha ya 'atthamio diṇayaro' tti kaliūṇa tappaesasaṃṭhiyakyāsannaṭhiyavaḍapāya vassa ahe ṭṭhio kāussaggeṇaṃ | io ya so kamaḍhajīvo mehamālī asuro avahiṇā nāūṇa attaṇo vaiyaraṃ sumariūṇa puvabhavaverakāraṇaṃ samuppannatidhāmariso samāgao jattha bhayavaṃ, pāraddhā ya teṇa sīhāirūveṇa uvasaggā | avi ya - "sīhehiṃ ghorarūvehiṃ tikkhanaharehiṃ dīhadāḍhehiṃ | XOXOXOXXXXXXXXX (3) trayoviṃśaṃ keśa gautamī yākhyama dhyayanam | pārśvanāthacaritram | - [Previous: p598](https://indike.org/pramana/in.jaina.sveta.mula.2!devendragani.p598) - [Next: p600](https://indike.org/pramana/in.jaina.sveta.mula.2!devendragani.p600) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.1_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p599](https://indike.org/pramana/in.jaina.sveta.mula.2!devendragani.p599) · Pramāṇa