[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p602 # Uttarajjhayana p602 Sukhabodhā p602 - **Language:** Sanskrit ### [p602](https://indike.org/pramana/in.jaina.sveta.mula.2!devendragani.p602) pārśvanāthacaritram | ohiṇā vināyavaiyaro nirāṇaṃdo vimaṇo asupunnanayaṇo sogāūriyahiyao samāgao sakko, jiṇasarīrayaṃ tipayāhiṇīkāūṇa nacāsanne nāidūre pajuvāsaṃto ciṭṭhai, vayai ya-pasarai micchattatama, gajaṃti kutitthikosiyā ajja | dubhikkhaḍamaraverāinisiyarā hum̐ti sappasarā || 1|| atthamie jayasūre, maulei tumammi saṃghakamalavaṇaṃ | ullasai kumayatārāniyaro vi hu aja jiṇapāsa! || 2|| tamagasiyasasiṃ va nahaṃ, vijjhāyapaīvayaṃ va nisi bhavaṇaṃ | bharahamiṇaṃ gayasohaṃ, jāyamaṇāhaṃ va pahu ! ajja || 3 || evaṃ sabasurakrā vi sakko vi gosīsacaṃdaṇadārūhiṃ tinni ciyāo karei, khīroyajaleṇa bhayavao dehaṃ ṇhāvettā gosīsacaṃdaṇeṇā'ṇuliṃpittā haṃsalakkhaṇaṃ paḍasāḍayaṃ ca nivasittā savālaṃkāriyaṃ karei | sesadevā dohi sīyāhiṃ gaṇaharā-'ṇagārasarīrāiṃ āroviya dosu ciyāsu ṭhaveṃti | sakkāeseṇa aggikumārā devā ciyagāsu aggi viuviṃti, vāukumārā ya vāuṃ, sesadevā kālāgarumāipavaradhūyaṃ ghayaṃ mahuṃ ca kuṃbhaggaso pakkhivaṃti | jhāmiesu ya maṃsāīsu mehakumārā devā khīroyajaleṇa nivavaṃti ciyāo | sakko uvarimaṃ dāhiṇaṃ haṇuyaṃ, īsāṇo vāma, camaro hiḍillaṃ dāhiṇaṃ, balī vāmaṃ, sesā aṃgovaṃgāiṃ geṇhati | ciyagāsu ya mahaṃte thūbhe kuṇaṃti | nivāṇamahimaṃ ca kāūṇa sakko naṃdīsare gaṃtūṇa purathimaaṃjaṇagapavae jiṇāyayaṇamahimaṃ karei | tasseva cauro logapālā tasseva aṃjaṇagapavayassa pāsavattisu causu dahimahanagesu siddhāyayaṇamahimaṃ kuṇaṃti | īsāṇo uttarille aṃjaṇage, camaro dāhiṇille, balī pacchimille, tesiṃ logapālā taheva jiṇamahimaṃ kuṇaṃti | sakko savimāṇaṃ gaṃtūṇa suhammasabhāmajjhaṭṭhiyamāṇavagakhaṃbhāo oyāriūṇa vaṭṭasamuggayaṃ sīhāsaṇe nivesittā jiṇasakahāu pūei | pāsajiṇahaṇuṃ pi tattheva pakkhivai | evaṃ sabadevā vi | paṃcasu vi kallāṇagesu visāhānakkhattaṃ bhayavao āsi tti || evaṃ prasaṅgataḥ pārśvacaritamabhidhāya prakṛtasūtraṃ vyākhyāyate tassa logappadīvassa, āsi sīse mahāyase | kesīkumārasamaṇe, vijācaraṇapārage || 2|| u0a050 - [Previous: p601](https://indike.org/pramana/in.jaina.sveta.mula.2!devendragani.p601) - [Next: p603](https://indike.org/pramana/in.jaina.sveta.mula.2!devendragani.p603) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.2_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p602](https://indike.org/pramana/in.jaina.sveta.mula.2!devendragani.p602) · Pramāṇa