[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p628 # Uttarajjhayana p628 Sukhabodhā p628 - **Language:** Sanskrit ### [p628](https://indike.org/pramana/in.jaina.sveta.mula.2!devendragani.p628) vijayaghoṣacaritram | ata eva rāgādyatītaśca yastaṃ vayaṃ brūmo brāhmaṇam || trasaprāṇino vijñāya 'saṅgraheṇa' saṅkepeṇa, caśabdād vistareṇa ca, tathā sthāvarān yo na hinasti 'trividhena' yogeneti gamyate||"evamalittaṃ kāmehiṃ" ti 'evamiti padmavadaliptaḥ kāmaiḥ, tajjāto'pi yastaṃ vayaṃ brūmo brāhmaṇam || "asaṃsattaṃ gihatthesu” tti asaṃsaktaṃ gṛhasthaiḥ|| kecit-paṭhanti-"jahittā puvasaṃjogaṃ, nāisaṃge ya baṃdhave | jo na sajjai eehiṃ, vayaṃ būma māhaṇaṃ ||1||" atra ca 'pūrvasaṃyoga' mātrādisambandhaṃ 'jñātisaṅgān' svasrādisaṅgān , casya bhinnakramatvāt 'bāndhavāṃśca' bhrātrādīn | syādetad-vedādhyayanaṃ yajanaṃ ca bhavāt trāyakamiti tadyogādeva brāhmaṇo na tu yathā tvayokta ityāśaṅkayāha-paśūnāṃ bandhaḥ-vināśāya niyamanaṃ yaihetubhiste'mī paśubandhāḥ 'sarvavedāḥ' ṛgvedādayaḥ, "jahūm̐" ti 'iṣṭaṃ' yajanaṃ, 'caḥ' samuccaye, 'pāpakarmaṇā' pāpahetupaśubandhādyanuṣṭhānena na taṃ yaṣṭāraṃ trāyante bhavāditi gamyate, 'duḥśīlaṃ' durācāraṃ yataḥ karmāṇi 'balavanti' durgatinayanaṃ prati samarthāni 'iha' vedādhyayane yajane ca bhavantīti gamyate, ato naitadyogād brāhmaṇo bhavati, kintvanantaroktaguṇa eveti bhāvaḥ || anyacca 'na' naiva 'apiḥ' pūraṇe, muṇḍitena 'śramaṇaḥ' nirgranthaḥ | na oṃkāreṇopalakṣaṇatvād "oṃ bhūrbhuvaḥsvaḥ" ityādinā brāhmaṇaḥ | na muniḥ araṇyavāsena | kuśaḥ-darbhastanmayaṃ cīvaraṃ kuśacīvaraṃ valkalopalakṣaṇametat , tena tāpasaḥ|| kathamamī tarhi bhavanti ? ityāha-'samataye'tyādi | tathā 'karmaṇā' kriyayā brāhmaṇo bhavati | uktaṃ hi-"kṣamā dānaṃ damo dhyānaṃ, satyaṃ śaucaṃ dhṛtighṛṇā | jñānaṃ vijñānamāstikya-metadbrāhmaṇalakṣaṇam || 1||" tathā 'karmaṇā' kṣatatrāṇalakṣaṇena bhavati kṣatriyaḥ | vaiśyaḥ 'karmaṇā' kṛṣipāśupālyādinā bhavati | śūdro bhavati tu 'karmaṇā' śocanādihetupreṣaṇādisampādanarūpeṇa | karmābhāve hi brāhmaṇādivyapadeśānāmasattaiveti | brāhmaṇaprakrame ca yaccheṣābhidhānaṃ tadvyāptidarśanārtham || kimidaṃ svamanīṣikayaivocyate ? ityāha-etān' anantaroktān ahiṃsādyarthān 'prādurakārṣīt' prakaṭitavān 'buddhaḥ sarvajño yairbhavati snātakaḥ' kevalī | 8XOXXXXXXXXXXXX - [Previous: p627](https://indike.org/pramana/in.jaina.sveta.mula.2!devendragani.p627) - [Next: p629](https://indike.org/pramana/in.jaina.sveta.mula.2!devendragani.p629) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.29_6) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p628](https://indike.org/pramana/in.jaina.sveta.mula.2!devendragani.p628) · Pramāṇa