[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p632 # Uttarajjhayana p632 Sukhabodhā p632 - **Language:** Sanskrit ### [p632](https://indike.org/pramana/in.jaina.sveta.mula.2!devendragani.p632) daśavidhā yatisāmācārī| gurumā 'chandanā' nimantraṇā 'dravyajātena' dravyaviśeṣeṇa pūrvagṛhīteneti gamyate | yaduktam-"puṣagahieṇa chaṃdaṇanimaṃtaṇā hoi agahieṇaṃ" ti | icchākāraḥ 'sāraṇe' ātmanaḥ parasya vā kṛtyaṃ prati pravarttane, tatrā''tmasāraṇe, yathā-icchākāreṇa yuṣmaccikīrṣita kāryamidaṃ karomīti, anyasāraṇe ca-mama pātralepanādi icchākāreṇa kuruta | 'tathākāraḥ' idamitthamevesabhyupagamaḥ, sa ca 'pratiśrute' pratiśravaṇe gurau vācanādikaṃ yacchatyevametadityabhyupagamarūpe | 'abhī'tyābhimukhyena utthānamudyamanamabhyutthānaṃ, "gurupūya" tti sūtratvād gurupūjāyāṃ, sā ca gauravārhāṇāmācāryaglānādīnāṃ yathocitāhārādisampādanam | iha ca sāmānyābhidhāne'pyabhyutthānaṃ nimantraṇārūpameva grāhyam , ata eva niyuktikṛtā etatsthāne nimatraṇaivā'bhihitā "chaṃdaṇā ya nimaṃtaṇa" tti | tathā "acchaṇe" tti 'āsane' prakramād ācāryāntarādisannidhānāvasthāne 'upasampad' iyantaṃ kālaṃ bhavadantike mayā''sitavyamityevaṃrūpā| 'evam' uktaprakāreṇa "dupaṃcasaṃjutta” tti dvipañcakasaṃyuktā daśasaṃkhyāyutā sāmācārī 'praveditā' kathitā| śeṣaṃ spaṣṭamiti sūtratrayārthaḥ || 5-6-7 || etāvatā daśavidhāṃ sāmācārīmabhidhāya oghasāmācārī vivakṣuridamāhapucillammi caubhāge, āiccammi samuhie| bhaṃḍayaṃ paḍilehittā, vaṃdittā ya tao guruṃ||8|| pucchijjā paṃjaliuḍo, kiṃ kāyacaṃ mae ihaṃ | icchaṃ nioiuṃ bhaṃte !, veyāvacce va sajjhāe ||9|| veyāvacce niutteṇaṃ, kāyavamāgilāyao | sajjhāe vā niutteṇaṃ, sabadukkhavimokkhaṇe ||10|| vyākhyā-pūrvasmiṃścaturbhāge āditye 'samutthite' samudgate ityarthaḥ, iha ca kiñcidūno'pi caturbhāgaścaturbhāga uktaḥ, tato'yamarthaḥ-buddhyā nabhaścaturdhā vibhidyate, tatra pūrvadiksambaddhe kiñcidūnanabhaścaturbhāge yadā''dityaḥ samudeti tadā pādonapaurudhyāmityarthaḥ, bhāṇḍameva 'bhāṇḍaka' patagṛhādyupakaraṇaṃ pratilikhya vanditvā ca 'tataḥ' pratilekhanānantaraṃ 'gurum' ācāryādi oghasāmācārī| - [Previous: p631](https://indike.org/pramana/in.jaina.sveta.mula.2!devendragani.p631) - [Next: p633](https://indike.org/pramana/in.jaina.sveta.mula.2!devendragani.p633) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.9_11) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p632](https://indike.org/pramana/in.jaina.sveta.mula.2!devendragani.p632) · Pramāṇa