[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p646 # Uttarajjhayana p646 Sukhabodhā p646 - **Language:** Sanskrit ### [p646](https://indike.org/pramana/in.jaina.sveta.mula.2!devendragani.p646) kuśiṣyasvarūpam | 'tasya' khalukayojayiturbhajyate || tataścā'tiruṣṭaḥ san sa yat karoti tadā''ha-eka 'daśati' daśanairbhakṣayati pucche, eka 'vidhyati' ārayā tudati 'abhīkṣṇaṃ' punaḥ punaḥ | atha te kiṃ kurvanti ? ityāha-eko bhanakti samilām , eka utpathaprasthito bhavatīti śeṣaḥ || ekaḥ patati pārśvana, 'niviśati' upaviśati, "nivijjai" tti śete, 'utkūrdati' ūrddha gacchati, "upphiḍai" tti maṇḍūkavat plavate, śaṭho 'bālagavīm' avṛddhāṃ gāṃ “vae” tti 'brajet' tadabhimukhaṃ dhāvet , eka iti sarvatra gamyate || māyī 'mūrdhā' mastakena patati, kruddhaḥ san 'gacchati pratipathaṃ' paścādvalati, 'mṛtalakṣyeṇa' mṛtavyājena tiṣṭhati, kathañcit pravaṇīkṛto'pi 'vegena ca pradhāvati' yathā dvitīyo gantuṃ na śaknoti tathā gacchatītyarthaḥ|| 'chinnālaḥ' tathāvidhaduṣṭajātiḥ chinnatti silliṃ' rajum , durdānto bhanakti yugam , so'pi ca yugaṃ bhaṅktvā "sussuyāitta" ti sūtkārān kṛtvā "ujuhita" tti prerya svāminaṃ palāyate iti gamyate || itthaṃ dṛṣṭāntaṃ paribhāvya dārṭāntikaṃ yathā bhāvayatyasau tathā''ha-khalukā yādṛśā 'yojyāḥ' yojanīyā duḥśiṣyā api tādṛśā eva 'huḥ' evakārārthaḥ anuyojyāḥ, kimiti ? yato yojitā dharmayāne bhajyante dhṛtidurbalāḥ || dhṛtidurbalatvameva bhāvayitumāha-ṛddhyā gauravaṃ-ṛddhimantaḥ śrāddhā me vaśyāḥ sampadyate ca cintitamupaka raṇamityātmakabahumānarūpamṛddhigauravaṃ tadasyāstīti ṛddhigauraviko na guruniyoge pravarttate ekaḥ, ekaḥ 'atreti duḥśiṣyādhikāre a raseṣu-madhurādiṣu gauravaṃ yasya sa rasagauravo glānādyāhāradānatapasorna pravarttate, sātagauravika ekaḥ sukhapratibaddho'sau apratibaddhavihārādau na pravarttate, ekaḥ sucirakrodhano dīrgharoṣatayaiva na kṛtyeṣu pravarttate || 'bhikṣālasthikaḥ' bhikṣālasyavāna |eko na vihartumicchati, eko'pamānabhīruḥ bhikṣā bhramannapi na yasya tasyaiva gṛhe praveṣṭumicchati, 'stabdhaḥ' ahaṅkāravān na nijakugrahānnamayituṃ śakya eka iti prakramaḥ | 'ekaṃ ca' duḥśiṣyaṃ "aṇusāsammi" tti anuśāsmi ahaṃ 'hetubhiḥ kāraṇaiśca' uktasvarūpaiḥ || 'so'pi' 'anuśiṣyamāṇaḥ antarabhāṣāvān 'doṣameva' aparādhameva prakaroti na tvanuśiṣyamāṇo'pi - [Previous: p645](https://indike.org/pramana/in.jaina.sveta.mula.2!devendragani.p645) - [Next: p647](https://indike.org/pramana/in.jaina.sveta.mula.2!devendragani.p647) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.14_12) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p646](https://indike.org/pramana/in.jaina.sveta.mula.2!devendragani.p646) · Pramāṇa