[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p648 # Uttarajjhayana p648 Sukhabodhā p648 - **Language:** Sanskrit ### [p648](https://indike.org/pramana/in.jaina.sveta.mula.2!devendragani.p648) kuśiṣyatyāgaḥ| prakramāt preritaḥ, kevalamātmā me avasīdati, etatpreraṇāvyapratathā svakṛtyahāneḥ tadvarametattyāgata udyatavihāreṇa vihṛtamiti bhāvaḥ|| athaitatpreraṇāntarāle svakṛtyamapi kiṃ na kriyate ? ityāha-yādṛśā mama śiṣyāḥ 'tuḥ pūraṇe, tādṛśā galigardabhā yadi paramiti gamyate, gardabhagrahaṇam atikutsākhyāpakam , te hi svarūpato'pi atipreraṇayaiva pravarttante, tatastatpreraṇayaiva kālo'tikrāmati na tu tadantarālasambhava iti bhāvaḥ| yataścaivam ato galigardabhāniva 'galigardabhān' du:śiṣyān tyaktvā dṛḍhaṃ parigṛhṇāti garganāmā 'tapaḥ' anaśanādīti sūtradvayārthaḥ || 15-16 || etadevāhamiumaddayasaṃpanne, gaṃbhīre susamāhie| viharaī mahiṃ mahappā, sīlabhūeṇa appaṇa||17||tti bemi|| vyākhyā-'mṛduḥ' bahirvṛttyā vinayavān 'mārdavasampannaḥ' antaḥkaraṇato'pi sādṛgeva, 'gambhīra!' alabdhamadhyaḥ 'susamāhitaḥ' suṣṭu samādhimān viharati mahīṃ mahātmā 'śīlabhūtena' cāritraprāptena ātmanā upalakṣitaḥ | yataścaivaṃ khalukatā''tmano gurūṇāṃ cehaiva doṣahetuḥ atastattyāgato'śaṭhataiva sevitavyetyadhyayanatātparyārthaḥ || 17 || 'itiḥ' parisamāptau bravīmīti pūrvavat || XXXXXXXXXXX iti śrīnemicandrasūriviracitāyāṃ uttarādhyayanasūtralaghuṭīkāyāṃ sukhabodhāyāṃ khalukīyākhyaṃ saptaviṃśamadhyayanaṃ samāptam || - [Previous: p647](https://indike.org/pramana/in.jaina.sveta.mula.2!devendragani.p647) - [Next: p649](https://indike.org/pramana/in.jaina.sveta.mula.2!devendragani.p649) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.197.1.27_8) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p648](https://indike.org/pramana/in.jaina.sveta.mula.2!devendragani.p648) · Pramāṇa