[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p667 # Uttarajjhayana p667 Sukhabodhā p667 - **Language:** Sanskrit ### [p667](https://indike.org/pramana/in.jaina.sveta.mula.2!devendragani.p667) ekonatriṃśa samyaktvaparākramākhyamadhyayanam| trisaptatipadānāṃ phalanirūpaṇam | \*koXOXOXOXOXOXOXOXXXX appapaesaggāo pakarei, āuṃ ca ṇaṃ kammaṃ siya baṃdhai siya no baṃdhai, assāyāveyaṇijaṃ ca ṇaṃ kammaṃ no bhujjo bhujjo uvaciṇai, aṇāiyaṃ ca ṇaṃ aṇavayaggaṃ dīhamaddhaṃ cāuraṃtasaṃsārakaṃtāraṃ khippāmeva vīivayai || 22|| dhammakahāe ṇaṃ bhaṃte ! jīve kiṃ jaṇei ? dhammakahāe ṇaṃ nijaraṃ jaṇei, dhammakahāe ṇaṃ pavayaṇaṃ pabhāvei, pavayaṇapabhāvae ṇaṃ jīve āgamissabhaddāe kammaṃ nibaṃdhai || 23 || suyassa ārāhaṇayāe ṇaṃ bhaṃte! jīve kiṃ jaṇei ? suyassa ārāhaṇayāe ṇaṃ aṇṇāṇaṃ khavei, na ya saṃkilissai ||24|| egaggamaṇasannivesaṇāe ṇaṃ bhaṃte ! jīve kiṃ jaṇei ? egaggamaṇasannivesaṇāe ṇaṃ cittanirohaṃ karei || 25|| saṃjameṇaṃ bhaṃte! jīve kiṃjaṇeha? saṃjameṇaṃ aṇaṇhayattaṃ jaṇei || 26|| taveṇaṃ bhaṃte! jīve kiṃjaṇeha? taveṇaṃ voyāṇaṃ jaṇei || 27|| voyāṇeṇaṃ bhaṃte! jīve kiṃ jaṇei ? voyāṇeṇaṃ akiriyaṃ jaṇei, akiriyāe bhavittā tao pacchā sijjhati bujjhati muccati parinivāi sacadukkhāṇamaṃtaṃ karei || 28|| suhasāeṇaṃ bhaṃte! jīve kiṃ jaṇei ?| suhasāeṇaṃ aṇussuyattaṃ jaṇei, aṇussue ṇaṃ jīve aṇukaṃpae aṇubbhaḍe vigayasoge carittamohaṇijza kammaṃ khavei || 29|| apaḍibaddhayāe ṇaṃ bhaṃte ! jīve kiṃ jaṇei ? apaḍibaddhayāe ṇaṃ nissaṃgattaṃ jaṇei, nissaṃgatteṇaṃ jīve ege egaggacitte diyā ya rāo ya asajjamāṇe apaḍibaddhe āvi viharai ||30|| vivittasayaṇāsaṇayāe ṇaṃ bhaṃte! jīve kiṃ jaṇei ? vivittasayaṇāsaṇayāe ṇaṃ carittagurti jaṇaha, carittagutte ṇaṃ jīve vivittāhāre daḍhacaritte egaṃtarae mukkhabhāvapaḍivanne aḍhavihaṃ ||327|| - [Previous: p666](https://indike.org/pramana/in.jaina.sveta.mula.2!devendragani.p666) - [Next: p668](https://indike.org/pramana/in.jaina.sveta.mula.2!devendragani.p668) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.203.1-3) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p667](https://indike.org/pramana/in.jaina.sveta.mula.2!devendragani.p667) · Pramāṇa