[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p796 # Uttarajjhayana p796 Sukhabodhā p796 - **Language:** Sanskrit ### [p796](https://indike.org/pramana/in.jaina.sveta.mula.2!devendragani.p796) śrīuttarādhyayanasūtralaghuvyākhyāvyākhyātuḥ praśastiḥ| pravṛttiprakāra praśasti | asti vistāravānuyā, guruśākhāsamanvitaḥ| āsevyo bhavyasārthānāṃ, śrīkoṭikagaṇadrumaḥ||1|| tadutthavairiśākhāyāma-\* bhūdāyatiśālinī | viśālā pratiśākheva, śrīcandrakulasantatiḥ ||2|| tasyāścotpadyamānacchadanicayasadṛkṣāvakarṇānbayotthaśrīthārāpadragacchaprasavabharalasaddharmakiñjalkapānāt | śrīśāntyācāryabhṛṅgaḥ pravaramadhusamāmuttarādhyāyavṛtti, vidvallokasya dattapramudamudagirada yāṃ gabhīrārthasārām ||3|| tasyāḥ samuddhṛtā caiṣā, sūtramātrasya vṛttikā | ekapāṭhagatā mandabuddhīnāṃ hitakāmyayā||4|| ātmasaṃsmaraṇārthāya, yathā mandadhiyā yayā|ato'parādhamenaṃ me, kṣamantu śrutaśālinaḥ ||5|| āsīccandrakulodbhūto, vikhyāto jagatītale | akṣamārājito'pyuñcairyaḥ kṣamārājitaḥ sadā||6|| dharmo'tha mūrtimāneva, saumyamūrtiḥ śaśāṅkavat | varjitaścāśubhairbhāvai rāgadveṣamadādibhiḥ ||7|| sunirmalaguṇairnityaṃ, praśāntaiḥ śrutaśāli bhiḥ| pradyumna-mānadevādisūribhiḥ pravirājitaḥ ||8|| viśrutasya mahīpīṭhe, bṛhadgacchastha maṇḍanam | śrīmān vihārukapraṣṭhaḥ, sūrirudyotanābhidhaḥ||9|| śiṣyastasyā''mradevo'bhūdupādhyāyaḥ satāṃ mataḥ| yatraikāntaguṇāpūrṇe, doṣaileṃbhe padaṃ na tu||10|| śrīnemicandrasūriruddhṛtavān vṛttikāṃ tadvineyaḥ| gurusodaryaśrīmanmunicandrācāryavacanena ||11|| śodhayatu bṛhadanugrahabuddhiṃ mayi saṃvidhāya vijñajanaḥ | tatra ca mithyāduṣkṛtamastu kṛtamasaṅgataṃ yadiha ||12|| aṇahilapāṭakanagare, dohaḍisacchreṣṭhisatkavasatau ca | santiṣṭhatā kṛteya, nevaraharavatsare caiva ||13|| paṭṭikāto'likhaccemāṃ, sarvadevābhidho gaṇī | ātmakarmakṣayāyā'tha, paropakṛtihetave||14|| dohaḍiśreṣṭhinā cā'syā, lekhitā prathamā pratiḥ| jinavākyānuraktena, bhaktena guṇavajane ||15|| anuṣṭubhāṃ sahasrāṇi, gaṇitakriyayā'bhavan | dvādaśa granthamānaṃ tu, vṛtterasyā viniścitam ||16|| granthā sūtreṇa saha \[13550\] śrīuttarādhyayanalaghuvṛttiḥ paripūrṇā || saṃvat 1545 varṣe kārtikaśudi 3 dine śrīdharmaghoṣagacche mūlapaṭṭe śrīdharmasūrisantāne śrīpadmaśekharasūripaṭṭālaṅkaraṇagacchādhirājaśrīpadmānandasūriśiṣyavācakaśrībhāvaśekharavācanārthaṃ likhitamidaṃ muninā kṣamāratnena śrutajñānavṛddhaye| śubhaṃ bhavatu śrīpārśvaprasādāt || - [Previous: p795](https://indike.org/pramana/in.jaina.sveta.mula.2!devendragani.p795) - [Next: p797](https://indike.org/pramana/in.jaina.sveta.mula.2!devendragani.p797) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.211.22.p1.p544) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p796](https://indike.org/pramana/in.jaina.sveta.mula.2!devendragani.p796) · Pramāṇa