[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p81 # Uttarajjhayana p81 Sukhabodhā p81 - **Language:** Sanskrit ### [p81](https://indike.org/pramana/in.jaina.sveta.mula.2!devendragani.p81) śrīuttarādhyayanasūtre śrīnamica- ndrīyavṛttiḥ ||34|| dvitīya parīṣahādhyayanam | guṇairāvarjitayā satatamabhivandyate, ucyate ca-mama kāryamāvedanīyam | anyadaikena dhigajātinā saha yoddhamārabdhaḥ | tena ca balavatā kṣutkṣāmaśarīro bhuvi pātitastāḍitaśca | rātrau devatā vanditumāyātā | kṣapakastūṣṇīmāste | tataścā'sau devatayā'bhihitaḥ-bhagavana ! kiṃ mayā'parāddham ? | sa prāha-na tvayā durātmano mamā'pakāriṇaḥ kiścit kṛtam | sā'vādīt-na mayā viśeṣaḥ ko'pyupalabdho yathā'yaṃ śramaṇo'yañca dhigjātiriti, yataḥ kopāviṣṭo dvāvapi samānau saṃpannāviti | tataḥ 'satī preraṇā' iti pratipannaṃ kṣapakeṇeti | uktamevārtha nigamayitumāha- "tamha" tti yasmāt sadṛśo bhavati bālānāṃ tasmānna pratisaṃjvalediti sūtrārthaḥ || 24 || kṛtyopadeśamāhasocā ṇaṃ pharasā bhāsā, dāruṇā gāmakaṃṭagā| tusiṇīo uvehejā, ṇa tāo maṇasī kare ||25|| | vyākhyā-'śrutvā' ākarṇya “ṇami"ti vākyā'laṅkāre, 'paruṣāḥ' karkaśāḥ 'bhāṣāḥ' giraḥ, dārayanti mandasattvānāṃ| saṃyamaviṣayāṃ dhṛtimiti dāruṇāḥ tāḥ, prāmaḥ-indriyagrāmaḥ tasya kaṇṭakā iva grāmakaṇṭakāḥ-atiduḥkhotpādakatvena | tathā cā''gamaḥ-"muhuttadukkhāo bhavaṃti kaṃṭayā, aomayā te vi tao suuddharā | vāyā duruttāṇi duruddharāṇi, verāṇubaṃdhīṇi mahābhayāṇi tti || 1||" "tusiṇīu" ti tūṣṇīṃśīlo na kopāt paruṣabhāṣī, evaṃvidhaśca-"jo sahai hu gāmakaṃṭae, akosa pahāra tajjaṇāo ya ||" ityāgamaṃ paribhāvayan 'upekṣeta' avadhīrayet prakramāt paruṣabhāṣā eva | katham ? ityāha-na tā manasi kuryāt , tadbhāṣiṇi dveṣākaraṇeneti bhāva iti sūtrārthaḥ || 25 || udāharaṇamāha-rāyagihe nayare ajuṇao nāma mālāgāro parivasai | tassa bhajā khaṃdasirī nāma | tassa , "muhūrtaduḥkhā bhavanti kaṇṭakā, ayomayāste'pi tataḥ suduīrāḥ | vācā duruktāni dusddharāṇi, vairānubandhīni mahābhayāni iti ||" 2 "ḥ saha khalu prāmakaṇṭakān , ākrośān prahārān tarjanāśca ||" ||34|| - [Previous: p80](https://indike.org/pramana/in.jaina.sveta.mula.2!devendragani.p80) - [Next: p82](https://indike.org/pramana/in.jaina.sveta.mula.2!devendragani.p82) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.25) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p81](https://indike.org/pramana/in.jaina.sveta.mula.2!devendragani.p81) · Pramāṇa