[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p82 # Uttarajjhayana p82 Sukhabodhā p82 - **Language:** Sanskrit ### [p82](https://indike.org/pramana/in.jaina.sveta.mula.2!devendragani.p82) rāyagihassa nagarassa bahiyā moggarapāṇī jakkho| ajuṇayassa kuladevayā tassaṃtiyā''rāmassa paṃthe ceva | annayā khaṃdasirī bhattaṃ bhattārassa dāuṃ gayā| aggāī kusumāiṃ ghettuṃ gharaṃ gacchai | moggarapāṇighare ṭhiehiṃ dullaliyagoṭṭhisaṃtiehiṃ chahiṃ jaṇehiṃ diṭṭhā | te bhaṇaṃti-esā ajuṇassa bhajjā paḍirūvā, geṇhāmo ṇaṃ | tehiṃ sā gahiyā | cha vi jaṇā tassa jakkhassa purao muṃjati | so vi mālāgāro niścameva aggehiṃ varehiṃ pupphehiṃ jakkhamaccei | taddivasaṃ ca añceukāmo tattha | āgacchai | vāe bhaṇiyaṃ-eso mālāgāro āgacchai to tunbhe mamaṃ kiṃ visajjihaha ? | tehiṃ nāyaṃ-eyāe imaṃ piyaṃ | tehiṃ bhaṇiyaṃ-mālāgāraṃ baṃdhāmo| tehiṃ so baddho | avahoḍaeṇa jakkhasseva purao baṃdheūṇa purao ceva se bhāriyaṃ muṃjaṃti| sā |ya tassa bhattārassa mohuppāyayāī itthisaddāī karei | pacchā so mālāgāro ciṃtei-eyamahaṃ jakkhaṃ niścameva aggehiṃ barehiṃ pupphehiṃ adhemi tahā vi ahameyassa purao evaṃ kīrāmi, jai ittha jakkho koi hum̐to to ahaṃ evaṃ na kīrato baṃdhiūṇa | supañcayaṃ eyaṃ–ṇatthi ittha koi jakkho| tāhe so jakkho aṇukaṃpaṃto mālāgārassa sarīramaṇupaviṭṭho| tao so taḍataḍassa baṃdhe chettūṇa lohamayaṃ palasahassanippannaṃ moggaraṃ gahāya annāiṭṭho samāṇote cha vi itthisattame purise ghāei | evaṃ | | diṇe diṇe cha itthisattame purise ghāemāṇo viharai |jaṇavao vi rāyagihāo tāva na niggacchai jāva satta na ghāiyā | teṇaṃ kāleṇaṃ teṇaṃ samaeṇaṃ samaṇe bhagavaṃ mahāvīre samosarie | na koi bhaeṇa vaṃdaṇavaḍiyāe niggacchai | sudaṃsaṇo | seṭṭhī bhayavao garuyabhattirāeṇa 'jaṃ hoi taṃ hou' tti patthio vaṃdaṇatthaṃ | diṭṭho ajuṇageṇa | dhāvio uggāmiyamoggaro| sudaṃsaṇo vi-'arahaṃtā siddhā sāhū kevalipannatto dhammo ya me saraṇaṃ, bhuvaṇagurumahāvīro ya gai' tti bhaṇiūṇa-"jai me huza pamāo, imassa dehassimāe velāe | āhāramuvahidehaṃ, savaṃ tiviheṇa vosiriyaṃ || 1||" ti kāūṇa sāgāramaṇa-la Xsaṇaṃ ṭhio paṃcanamokāraṃ ciṃtito kāusaggaṃ | na tarai acamiuṃ | pariperaṃtehiṃ bhamicā parissaṃto ajuṇao sudaṃsaṇa - [Previous: p81](https://indike.org/pramana/in.jaina.sveta.mula.2!devendragani.p81) - [Next: p83](https://indike.org/pramana/in.jaina.sveta.mula.2!devendragani.p83) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.25) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p82](https://indike.org/pramana/in.jaina.sveta.mula.2!devendragani.p82) · Pramāṇa