[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p87 # Uttarajjhayana p87 Sukhabodhā p87 - **Language:** Sanskrit ### [p87](https://indike.org/pramana/in.jaina.sveta.mula.2!devendragani.p87) dvitīyaṃ parīṣahādhyayanam | ||37|| bhāyā vasudevassa jarādevīe jāo jarakumāro nāma, eyāo te mañca bhavissai | tato jāyavāṇaṃ jarakumārammi savisāyā soeṇa nivaḍiyā diṭṭhī| jarakumāreṇa ciṃtiyaṃ-'aho! kahūṃ kaṭṭhayaraṃ ti, kahamahaṃ vasudevaputto hoiūṇa sayameva kaṇīyasaṃ bhāyaraṃ viṇāsehāmi ?, aho!!! mahāpāvaṃ ti ciṃtiūṇa āpucchiūṇa paṇamiūṇaṃ ca jāyavajaṇaṃ jaṇaddaṇarakkhatthaṃ jarakumāro gao vaṇavāsaṃ | tao gae jarakumāre haripamuhā jāyavā sunnamiva mannaṃti appāṇaṃ | tao paṇamiūṇa bhayavaṃtaṃ riṭṭanemi sacce vi jāyavā saṃsārassa ciṃtatā'ṇiccayaṃ visesao bāravaīe jāyavakulassa ya paviṭṭhā puriṃ | pavisiall ūṇaṃ ca nayare ghosāviyaṃ vāsudeveṇa-jahā sigdhaṃ surāiyaṃ majaṃ kāyaṃbavaṇaguhāe nīṇeha | bhagavayā riṭṭhanemisāmiṇā kahiyaṃ-jahā majappasaṃgeṇa kumārā dīvāyaṇarisiṃ khaliyārihaṃti, so kuvio bāravaī viṇāsehi tti | tao jahāṇattaṃ kiṃkarehiṃ kayaṃ savaṃ | asesasurāijāyaṃ kāyaṃbavaṇe silākuṃḍesu pakkhittaṃ kayaṃbavaṇasaṃcchannaṃ ti teṇa kāyaṃbarī| guhā | surā vi kāyaṃbarī teṇa bhannai | evaṃ ca vaṭṭamāṇe kāle baladevassa bhāyā siddhattho nāma, siṇeheṇa ya tasseva |sārahī mahuraṃ bhaṇiumāḍhatto-jahā bhayavayā kahiyaṃ-jammajarāmaraṇāuro esa saṃsāro khaṇapariṇāmo ya visesao amhāṇaṃ ti, tā visajjeha bhagavao samīve sāmannamaṇucarāmi tti | baladeveṇa ya nicchayaṃ nāūṇa bhaṇiyaṃ-evaṃ ti, kiṃtu | vasaṇe kahaṃci ahaṃ tae paḍibohiyaco tti| evaṃ ti siddhattho bhaṇiūṇaṃ āpucchiūṇa ya sayaṇavaggaṃ gaṃtūṇaṃ ca bhagavao | |samīve pabajamabbhuvagao | kāūṇaṃ ca mahātavacaraṇaṃ chammāsametteṇa gao devalogaṃ | io ya kāyaṃbarīguhāe silākuṃḍe surā sā hemaṃtāiṇā chammāseṇa sudṛpakkarasā jāyā| sacchā sāurasā pavarā hiyayasuhakarā kakeyaṇasamappabhā | io ya saṃvakumārasaṃtio loddhayapuriso hiṃḍato gao, tattha pecchae ya taṃ suraṃ | tuṭṭho ya āsāiḍaṃ payatto | jāva aisāurasa tti aṃjalīhiṃ dhuṃṭiyā teṇa | paloiyā mayagaṇā | jāva te vi teṇa sīyalasacchasusāyamajaraseṇa mattā nivbhayā ||37|| - [Previous: p86](https://indike.org/pramana/in.jaina.sveta.mula.2!devendragani.p86) - [Next: p88](https://indike.org/pramana/in.jaina.sveta.mula.2!devendragani.p88) ## Linked texts (1) - [Uttarajjhayaṇa](https://indike.org/pramana/in.jaina.sveta.mula.2.128.1.28) — Ardhamāgadhī Prakrit --- Source: [https://indike.org/pramana/in.jaina.sveta.mula.2!devendragani.p87](https://indike.org/pramana/in.jaina.sveta.mula.2!devendragani.p87) · Pramāṇa