[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The Śvetāmbara canon (Siddhānta)](https://indike.org/pramana/in.jaina.sveta) › [The Mūlasūtras ("root texts")](https://indike.org/pramana/in.jaina.sveta.mula) › [Uttarajjhayaṇa](https://indike.org/pramana/in.jaina.sveta.mula.2) › [Sukhabodha](https://indike.org/pramana/in.jaina.sveta.mula.2!devendragani) › p98 # Uttarajjhayana p98 Sukhabodhā p98 - **Language:** Sanskrit ### [p98](https://indike.org/pramana/in.jaina.sveta.mula.2!devendragani.p98) XOXOXOXOXOXOXOXOXXXXX jayabaṃdhava atulabala jiṇavariṃda hayavihiṃ vihaṃḍiya | suru dāṇavu khayariṃdu gahu, caṃdu diṇiṃdu na mukku | duṭṭhakayaṃtaha kesarihi, tihuyaṇi koi na cuku || 3 || avi ya–so natthi cciya bhuvaṇammi ko vi jo khalai tassa māhappaṃ | sacchaṃdacāriṇo sabaveriṇo yakayaṃtassa || 4 || sīyaṃti savasatthāī, tattha na kammati maṃtataṃtāī | addiṭṭhapaharayammī, tammi u ko porusaṃ kuṇai ?||5||tā saṃṭhavesu appayaṃ | annaṃ ca jaṃ sāmiṇā puvameva bhaṇiyaṃ-jahā jarakumārāo jaṇadaṇassa maraṇaṃ taṃ taha ceva jāyaṃ | baleṇa bhaṇiyaṃ—kayā uṇa jarakumāreṇa kaṇho viṇivāio? | tao deveṇa jarakumāravaiyaro sabo se parikahio tāva jāva pesiojarakumāro paṃḍavāṇaṃ samīvammi | taobaleṇa bhaṇiyaṃ neheṇa siddhatthamāliṃgiūṇa-bho! | kimiyāṇiṃ kāyacaṃ ? ti | deveṇa bhaṇiyaṃ-savvasaṃgapariccāyaṃ kāūṇa sāmannamaṇuciṭṭhasu, saṃbharesu arihanemijiṇiṃdavayaṇāī ti | tao baleṇa bhaṇiyaṃ-sudu me paḍivannaṃ jaṃ tume bhaṇiyaṃ, saṃbhariyāī ca bhayavao vayaṇāī, tā katthameyaṃ hariṇo kalevaraṃ karissāmi ? tti | deveṇa bhaṇiyaṃ-doṇhaṃ naīṇa majjhe puliṇammi jhāmemo, titthayara-cakki-baladeva-vāsudevā KIya pūyamarihaṃti tti pūrya karemo | tao tehiṃ naīsaṃgamapuliṇammi ṭhaviyaṃ harikalevaraṃ, kayā pupphagaṃdhadhūvāiṇā pūyā daḍha% ca | etthaṃtarammi bhagavayā aridunemisāmiṇā nāūṇa baladevassa pacajjāsamayaṃ vijāharasamaṇo. pesio | tammūle ya rāmo pavajaṃ samma paḍivanno, uggaṃ ca tavaccaraṇaṃ tuṃgiyāgirisihare kareumāraddho | siddhattho vi puvaneheṇa rakkhaṇaṃ kareṃto tammi ceva ciṭṭhai | iyaro vi jarakumāro dakkhiṇamaharaṃ saṃpatto, dihā paṃḍavā, samappio kotthubhamaṇī | bāravaiviṇāsāi savaṃ paṃḍavāṇa kahiyaṃ tāva jāva iha saṃpatto tti | paṃḍavā vi mahāakkaṃda kāūṇa varisamettaṃ peyakaraṇijjaṃ kāūṇa jarakumārassa rajaṃ dāūṇa bhayavao samīve patthiyā | etthaṃtare bhayavayā samaṇaparivuḍo caunāṇī dhammaghoso nāma aṇa 1 "suro dānavaḥ khecarendro grahaścandro dinendro na muktaḥ | duṣṭakṛtāntāt keśariṇaḥ tribhuvane ko'pi na vismṛtaḥ||1||" XXXXXXXXXXXXX u0a08 - [Previous: p97](https://indike.org/pramana/in.jaina.sveta.mula.2!devendragani.p97) - [Next: p99](https://indike.org/pramana/in.jaina.sveta.mula.2!devendragani.p99) --- Source: [https://indike.org/pramana/in.jaina.sveta.mula.2!devendragani.p98](https://indike.org/pramana/in.jaina.sveta.mula.2!devendragani.p98) · Pramāṇa