Uttarajjhayana p4

Uttarajjhayaṇanijjutti p4

Language: Māhārāṣṭrī Prakrit

p4.1

jjhayaṇaṃ paḍhamaṃ viṇayasuyaṃ tasvakamāīṇi dārāṇi panaveuṃ ahigāro ittha viṇaṇaṃ || 28 || viṇao puṣvudiṭṭho suyassa caukkao u nikkhevo| davvasuya niṇhagāī bhāvasuya sue u uvautto || 29 || saṃjoge nikkhevo chakko duviho u dabvasaṃjoge| saṃjuttagasaṃjogo nāyavviyareyaro ceva || 30 || saṃjuttagasaṃjogo sacittādīṇa hoi davvāṇaṃ | dumamaṇusuvaṇṇamāī saṃtaikammeṇa jīvassa || 31 || mūle kaṃde khaṃdhe tayāya sāle pavālapattehiṃ | pupphaphale bīehi a saṃjutto hoi dumamāī || 32 || egarasa egavaṇṇe egegaṃdhe tahā duphāse ya| paramāṇu khaṃdhehi a dupaesāīhi" ṇāyabo || 33 || jaha dhāū kaṇagāī sabhāvasaṃjogasaṃjuyā huṃti| ia saṃtaikammeṇaṃ aṇāisaṃjuttao jīvo || 34 || iyareyarasaṃjogo paramāṇūṇaṃ tahā paesāṇaṃ | abhiṣeyamaṇabhipeo abhilāvo caiva saṃbaṃdhī || 35 || duviho paramāṇūrṇa havai ya saṃṭhāṇakhaṃdhao ceca| saṃṭhāṇe paṃcaviho duviho puṇa hoi khaṃdhesuṃ || 36 || paramāṇupuggalā khalu dujhi va bahugā ya saṃhatā saṃtā nivvattayaṃti khaṃdhaṃ taṃ saṃṭhāṇaṃ aṇitthatthaṃ || 37 || parimaṃḍale ya baṭṭe taṃse cauraṃsamāyae ceva | ghaṇapayara paḍhamavajaṃ oyapaese ya jumme ya || 38 || paṃcaga bārasagaṃ khalu sattaga vattīsagaṃ tu vahammi| tiya chakkaga paṇatīsā cattāriya huti saṃmi || 39 || nava caiva tahā cauro sattāvīsā ya aṭṭha cauraṃse | tigadugapannarase'viya chaccaiva ya āyae huti || 40 || paṇayālīsā bārasa chanbheyā āyayaṃmi saṃṭhāṇe vīsā cattālīsā parimaṃḍali huṃti saṃṭhāṇe || 41 || dhammāipaesāṇaṃ paṃcaṇḍa u jo paesasaṃjogo | viṣha puṇa aṇāīo sāīo hoti duṣṭaṃ tu || 42 ||

p4.2

abhipeyamaṇabhipeo paṃcasu bisaesa hoi nāyavvo | aṇulomo'bhippeo aṇabhippeo a paḍilomo || 43 || savvā osahajattī gaṃdhajuttī ya bhoyaṇavihī ya| rāgavihi gīyavāiyavihī abhippeyamaṇulomo || 44 || abhilāve saṃjogo davve khitte akāla bhāve ya | dugasaṃjogāīo akkharasaṃjogamāīo || 45|| saṃbaṃdhaṇasaṃjogo sāvittācittamīsao caiva| dupayāi hiraṇṇāī rahaturagāī a bahuhā u || 46 || khette kāle yā tahā duṇḍavi duviho ya hoi saṃjogo | bhāvaṃmi hoi duviho āese cevaṇārase || 47|| ādidvo āesaṃmi bahuvihe sarisanāṇacaraṇagae| sāmittapañcayāmi ceva kiṃcittao vṛcchaṃ || 250 || odaia ovasamie khaie ya taddā khaovasamie ya| pariṇāma sannivāe utriho hoaṇāeso ||48|| āeso puṇa duviho appia vavahāra'ṇappija ceva | ikkiko puṇa tiviho attāṇa pare tadubhae ya || 49|| ovasamie ya khaie khaovasamie ya pāriṇāme a| eso cauṣviho khalu nāyavvo attasaṃjogo ||50|| jo sannivāio khalu bhāvo udaeṇa vajjio hoi| ikārasasaṃjogo esoḍaviya attasaṃjogo ||51|| lesā kasāya veyaṇa veja annāṇa miccha mīsaṃ ca jāvaiyā odaiyā sabbo so bāhiro jogo ||52|| jo sannivāio khalu bhāvo udaeṇa mīsio hoi| pannārasasaṃjogo savvo so mīsio jogo ||53|| bīo'vi ya āeso attāṇe bāhire tadubhae ya| saṃjogo khalu bhaṇio taṃ kitte'haṃ samāse ||54|| odaiya ovasamie khaie ya tahā khaovasamie | pariṇāmasannivāe a chathviho attasaṃjogo || 55 || nāmaṃmi a khittaṃmi a nāyabbo bāhiro ya ( u ) saṃjogo | kāle bāhiro khalu mīso'vi ya tadubhae hoi || 56 || āyariya sīsa putto piyā ya jaṇaṇī ya hoi dhūyā ya bhajjā pai sīunhaṃ tamujja chāyā''yave caiva ||

p4.3

57 || āyario tārisao jārisao navari hujja so ceva āyariyassavi sīso sariso savyehivi guṇehiṃ || 58 || evaṃ nāṇe caraṇe sāmitte appaṇo u (ya) piuṇotti majjhaṃ kule'yamassa ya ahayaṃ agbhitaro mitti ||59|| pañcayao ya bahuviho niścittī pañcao jiṇasseva dehāya baddhamukā māipiiāi a havaṃti || 60 || saṃbaṃdhaṇasaṃjogo kasāyabahulassa hoi jīvassa pahuṇo vā apahussa va majjhati mamajamāṇassa || 61 || saṃbaṃdhaṇasaṃjogo saṃsārāo aṇuttaraṇavāso| taṃ chintu viṣpamukā sāhū mukā tao teṇaṃ || 62 || saṃbaṃdhaṇasaṃjoge khittāīṇaṃ vibhāsa jā bhaṇiyā| khittāisu saṃjogo so ceva vibhāsiamro a (u) ||63|| gaṃḍī galī marālī asse goṇe yāhuti egaḍā | āine ya viṇīe ya bhadae vāvi egaṭṭhā ||64|| adhya0 1| ṇāso parīsahāṇaṃ caudhiho duḍiho ya (u) davaṃmi| āgamanoāgamato noāgamao ya so tiviho ||65|| jāṇagasarīra bhavie tavyairitte ya se bhave dubihe | kamme nokamme yā kammaṃmi ya aṇudao bhaṇio || 66 || ṇokammaṃmi ya tiviho sacittācittamīsao ceva | bhāve kammassudao tassa u dārāṇime huṃti || 67 || kano1 kassara va dabbe3 samoāra4 ahiāsa5 nae6 ya vattaṇā7 kālo8 | khittu9 se 10 pucchā 11 niddese 12 suttakāse 13 ya || 68 || kammappavāyapuvve sattarase pāhuḍaṃmi jaṃ suttaṃ | saṇayaṃ sodāharaṇaṃ taṃ caiva ihaṃpi ṇāyavyaṃ || 69 || tipi ṇegamaṇao parīsaho jāva ujjumuttāo| tiṣṭaṃ saddaṇayāṇaṃ parīsaho saṃjae hoi || 70 || paḍhamaṃmi aṭṭa bhaṃgā saṃgahi jīvo va ahava nojīvo| vavahāre nojīvo jīvadavvaṃ tu sesāṇaṃ ||71|| samoyāro khalu duviho payaḍīpurisesu hoi nāyabbo | eesaṃ nāṇattaṃ vṛcchāmi ahāṇupubbīe ||72||

p4.4

ṇāṇāvaraṇe e mohama ya aṃtarāie caiva| ee bāvīsaṃ parīsahā huṃti ṇāyavā || 73 || pannā'māṇaparisahā ṇāṇāvaraṇami huti dunnee| iko ya aṃtarāye alābhaparīsaho hoi || 74|| araī acela itthī nisīhiyā jāyaṇā ya akose sakārapurakāre caritamohaṃmi sattee || 75 || araīi duguṃchāe puṃveya bhayassa ceva māṇassa | kohassa ya lohassa ya udaeṇa parīsahā satta || 76 || daṃsaṇamohe daṃsaṇaparīsaho niyamaso bhave iko sesā parīsahā khala ikārasa veyaṇījaṃmi || 77 || paṃceva āṇupubbī cariyā sijā baheva (ya) roge ya taṇaphāsajāumeva ya ikārasa veyaṇījaṃmi || 78 || bāvīsaṃ 1354 śrī uttarādhyayana niryukti 1

Linked texts (1)

Uttarajjhayaṇa — Ardhamāgadhī Prakrit