Avashyakasutra 2
Āvaśyakasūtra 2
- Language
- Prakrit
2.1-2
jaṃ vāiddhaṃ, vaccāmeliyaṃ, hīṇakkharaṃ, accakkharaṃ payahīṇaṃ, viṇayahīṇaṃ, jogahīṇaṃ, ghosahīṇaṃ,
suṭṭhudiṇṇaṃ, duṭṭhu paḍicchiyaṃ, akāle kao sajjhāo, kāle na kao sajjhāo, asajjhāe sajjhāiyaṃ,
sajjhāe na sajjhāiyaṃ, 1 tassa micchā mi dukkaḍaṃ
prathamaṃ sāmāyikāvaśyakaṃ sampannam
dvitīya adhyayana : caturviṃśatistava
logassa ujjoyagare, dhammatitthayare jiṇe
arahaṃte kittaissaṃ, cauvīsaṃ pi kevalī
2.2
usabhamajiyaṃ ca vaṃde, saṃbhavamabhiṇaṃdaṇaṃ ca sumaiṃ ca
paumappahaṃ supāsaṃ, jiṇaṃ ca caṃdappahaṃ vaṃde
2.3
suvihaṃ ca pupphadaṃtaṃ, sīyala-sijjaṃsa-vāsupūjjaṃ ca
vimalamaṇaṃtaṃ ca jiṇaṃ, dhammaṃ saṃtiṃ ca vaṃdāmi
2.4
kuṃthuṃ araṃ ca malliṃ, vaṃde muṇisuvvayaṃ namijiṇaṃ ca
vaṃdāmi riṭṭhanemiṃ, pāsaṃ taha vaddhamāṇaṃ ca
2.5
evaṃ mae abhitthuā, vihūyarayamalā pahīṇajaramaraṇā
cauvīsaṃ pi jiṇavarā, titthayarā me pasīyaṃtu
2.6
kittiya-vaṃdiya-mahiyā, je e logassa uttamā siddhā
ārugga-bohi lābhaṃ, samāhi-varamuttamaṃ diṃtu
2.7
caṃdesu nimmalayarā, āiccesu ahiyaṃ payāsayarā
sāgaravaragaṃbhīrā, siddhā siddhiṃ mama disaṃtu
2.6-2
ahiṃsā satyamasteyaṃ, brahmacaryamasaṃgatā
gurubhaktistapo jñānaṃ, satpuṣpāṇi pracakṣate
-aṣṭaka prakaraṇa 3
2.5-2
dvitīya āvaśyaka samāpta
tṛtīya adhyayana : vandana
icchāmi khamāsamaṇo ! vaṃdiraṃ jāvaṇijjāe nisīhiyāe, aṇujāṇaha me miuggahaṃ, nisīhi
ahokāyaṃ kāyasaṃphāsaṃ, khamaṇijjo bhe kilāmo, appakilaṃtāṇaṃ, bahusubheṇaṃ bhe divaso vaikkaṃto ?
jattā bhe ? javaṇijjaṃ ca bhe ? khāmemi khamāsamaṇo ! devasimaṃ vaikkamaṃ, āvassiyāe paḍikkamāmi
khamāsamaṇāṇaṃ devasiāe āsāyaṇāe tittīsannayarāe jaṃ kiṃci micchāe maṇadukkaḍāe vaya dukkaḍāe
kāyadukkaḍāe kohāe, māṇāe, māyāe, lohāe, savvakāliyāe savvamicchovayārāe savvadhammāikkamaṇāe āsāyaṇāe, jo me devasio aiyāro kao tassa khamāsamaṇo ! paḍikkamāmi niṃdāmi
garihāmi appāṇaṃ vosirāmi
duoṇayaṃ jahājāthaṃ, kitikammaṃ vārasāvayaṃ
causiraṃ tiguttaṃ ce, dupavesaṃ ega nikkhamaṇaṃ
tṛtīya āvaśyaka sampanna
caturtha adhyayana : pratikramaṇa
saṃvara guṇa pāṃcavī samiti ke viṣaya jo koī pāpa dopa lāgyo hoya to devasiya sambandhī tassa micchā
mi dukkaḍaṃ