Suriyapannatti 1.7: Prābhṛta-prābhṛta-7

1.7.29

tā kahaṃ te maṃḍalasaṃṭhitī āhiteti vaejjā? tattha khalu imāo aṭṭha paḍivattīo pannattāo|
tattha ege evamāhaṃsu–tā savvāvi maṃḍalavatā samacauraṃsasaṃṭhāṇasaṃṭhitā pannattā–ege evamāhaṃsu 1
ege puṇa evamāhaṃsu–tā savvāvi maṃḍalavatā visamacau-raṃsasaṃṭhāṇasaṃṭhitā pannattā–ege evamāhaṃsu 2
ege puṇa evamāhaṃsu–tā savvāvi maṃḍalavatā samacaukkoṇasaṃṭhitā pannattā–ege evamāhaṃsu 3
ege puṇa evamāhaṃsu–tā savvāvi maṃḍalavatā visamacaukkoṇasaṃṭhitā pannattā–ege evamāhaṃsu 4
ege puṇa evamāhaṃsu–tā savvāvi maṃḍalavatā samacakkavālasaṃṭhitā pannattā–ege evamāhaṃsu 5
ege puṇa evamāhaṃsu–tā savvāvi maṃḍalavatā visamacakkavālasaṃ-ṭhitā pannattā–ege evamāhaṃsu 6
ege puṇa evamāhaṃsu–tāsavvāvi maṃḍalavatā cakkaddhacakkavālasaṃṭhitā pannattā–ege evamāhaṃsu 7
ege puṇa evamāhaṃsu–tā savvāvi maṃḍalavatā chattāgārasaṃṭhitā pannattā–ege evamāhaṃsu 8
tattha jete evamāhaṃsu–tā savvāvi maṃḍalavatā chattāgārasaṃṭhitā pannattā, eteṇaṃ naeṇaṃ nāyavvaṃ, no ceva ṇaṃ itarehiṃ, pāhuḍagāhāo bhāṇiyavvāo|