[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Mandaramaranda](https://indike.org/pramana/in.lit.campu.mandaramaranda) › 11.1.4 # Mandaramaranda 11.1.4 Mandāramaranda 11.1.4 - **Language:** Sanskrit ### [11.1.4](https://indike.org/pramana/in.lit.campu.mandaramaranda.11.1.4) bījasyottejanaṃ bhedo yadvā saṃghātabhedanam prastutārthasamārambhaṃ karaṇaṃ paricakṣate lakṣyālakṣya ivodbhedo bījasya yadi vai bhavet tatsyātpratimukhaṃ bindoḥ prayatnasyānurodhataḥ iha trayodaśāṅgāni prayojyāni manīṣibhiḥ vilāsaḥ parisarpaśca vidhūtaṃ śamanarmaṇī narmadyutiḥ pragamanaṃ virodhaḥ paryupāsanam vajraṃ puṣpamupanyāso varṇasaṃhāra ityapi vilāsaḥ saṃgamārthastu vyāpāraḥ parikīrtitaḥ pūrvadṛṣṭasya bījasya tvaṅgacchedādinā tathā naṣṭasyānusmṛtiḥ śaśvatparisarpa itīritaḥ nāyakāderīpsitānāmarthānāmapravāptitaḥ aratiryā bhavetsā tu vidvadbhirvidhutaṃ matam arateḥ śamanaṃ tajjñāḥ śamamāhurmanīṣiṇaḥ parihāsapradhānaṃ yadvacanaṃ narma tadviduḥ kopasyāpahnavārthaṃ yaddhāsyaṃ narmadyutirmatam tathānurāgabījasya cottarottarabhāṣaṇaiḥ prakāśanaṃ pragamanamiti nāṭyavido viduḥ virodhaśchadmanā yacca hitāgamanirodhanam paryupāsanamityuktaṃ svajanānunayo budhaiḥ vajraṃ taditi vijñeyaṃ sākṣānniṣṭhurabhāṣaṇam rāgaprakāśako vākyaviśeṣaḥ puṣpamucyate yuktibhiḥ sahito yo'rtho hyupanyāsaḥ sa ucyate sarvavarṇāpagamanaṃ varṇasaṃhāra iṣyate parisarpapragamanavajropanyāsapuṣpakam pañcāṅgānyeva mukhyānītyāryāḥ pratimukhe viduḥ dṛṣṭādṛṣṭasya bījasya garbhastvanveṣaṇaṃ muhuḥ atrāptyāśā patākānuguṇyenaiṅgāni kalpayet abhūtāharaṇaṃ mārgo rūpodāharaṇe kramaḥ saṃgrahaścānumānaṃ ca toṭakādhivale tathā udvegaḥ saṃbhramākṣepāvityaṅgāni ca dvādaśa abhūtāharaṇaṃ tatsyādvākyaṃ yatkapaṭāśrayam mārgastattvārthakathanaṃ rūpaṃ saṃdehavadvacaḥ sotkarṣavacanaṃ yattu tadudāharaṇaṃ matam - [Previous: 11.1.3](https://indike.org/pramana/in.lit.campu.mandaramaranda.11.1.3) - [Next: 11.1.5](https://indike.org/pramana/in.lit.campu.mandaramaranda.11.1.5) - [Up: 11.1](https://indike.org/pramana/in.lit.campu.mandaramaranda.11.1) ## Linked texts (6) - [Rasārṇavasudhākara](https://indike.org/pramana/in.art.natya.rasarnavasudhakara.3.64) — Siṃhabhūpāla, Sanskrit - [Mandāramarandacampū](https://indike.org/pramana/in.art.alamkara.sahitya.mandaramarandacampu.3.70_5) — Kṛṣṇanātha 1600, Sanskrit - [Nāṭakacandrikā](https://indike.org/pramana/in.art.natya.natakacandrika.1.303) — Rūpa Gosvāmin 1540, Sanskrit - [Bhāvaprakāśana](https://indike.org/pramana/in.art.natya.bhavaprakasana.p1599) — Śāradātanaya, Sanskrit - [Alaṅkārasaṅgraha](https://indike.org/pramana/in.art.alamkara.sahitya.alankarasangraha.8.40) — Amṛtānandayogin, Sanskrit - [Rasasudhākara](https://indike.org/pramana/in.art.alamkara.rasa.rasasudhakara.5.39) — Sanskrit --- Source: [https://indike.org/pramana/in.lit.campu.mandaramaranda.11.1.4](https://indike.org/pramana/in.lit.campu.mandaramaranda.11.1.4) · Pramāṇa