[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 11.26 # Mandaramaranda 11.26 Mandāramaranda 11.26 - **Language:** Sanskrit ### [11.26](https://indike.org/pramana/in.lit.campu.katha.mandaramaranda.11.26) anyāyavām̐staducchedya uddhataḥ pratināyakaḥ yathā tatraiva pāpātmā rāvaṇaḥ pratināyakaḥ samo nyūno'pi vā tasya kanīyānanunāyakaḥ netuḥ kaiścidguṇairhīno'pūjyaścopanāyakaḥ nāyakasya guṇairhīno netā tvābhāsanāyakaḥ punastridhā sa guṇata uttamo madhyamo'dhamaḥ prakṛteḥ sāttviko'pi syādrājasastāmaso'pi ca iti tridhā punarnetā punardvedhā prakīrtitaḥ sādhāraṇastathāsādhāraṇo jñeyaḥ parigrahāt sādhāraṇo'nekajāniranyo niyatabhāryakaḥ punardivyastvadivyaśca divyādivya iti tridhā nāyakastatra divyastu paulomīpatirucyate vikramādiradivyaḥ syātkṛṣṇādirubhayātmakaḥ punaścaturdhā kathitaḥ kāmaśāstreṣu jātitaḥ datto bhadraḥ kūcimāraḥ pāñcāla iti sūribhiḥ padminīvallabho datto bhadraḥ syāccitriṇīpriyaḥ pāñcālakūcimārau tu hastinīśaṅkhinīpriyau udāttaśāntalalitoddhatāḥ syurdhairyavṛttitaḥ dhṛṣṭādayaśca catvāraḥ svavyāpārapravṛttitaḥ nāyakānāṃ pīṭhamardaviṭaceṭavidūṣakāḥ kurvantyete nāyikānukūlane tu sahāyatām patākānāyakastvanyaḥ pīṭhamardo vicakṣaṇaḥ netuścānucaro bhaktaḥ kiṃcidūnaśca tadguṇaiḥ rāmāyaṇe ca sugrīvo rāmakāryasya sādhakaḥ ekavidyo viṭaśceṭaḥ saṃdhānakuśalo mataḥ svarāṅgādivikāreṇa hāsyakārī vidūṣakaḥ vallabhe cirarātrāya viprayukte vilāsini nīvīvisraṃsanodyukte so'kūjatkukkuṭasvaram ### [11.26.p1](https://indike.org/pramana/in.lit.campu.katha.mandaramaranda.11.26.p1) kāryāntare sahāyāstu mantrī svaṃ vobhayaṃ ca vā neturdharmasahāyāstu purodhā ṛtvigādayaḥ sāmādyupāyeṣu netuḥ sahāyāḥ syuryathocitam ### [11.26.p2](https://indike.org/pramana/in.lit.campu.katha.mandaramaranda.11.26.p2) iti nāyakaprakaraṇam ## Linked texts (2) - [Sarasvatīkaṇṭhābharaṇa (alaṅkāra)](https://indike.org/pramana/in.art.alamkara.sahitya.pracina.sarasvatikanthabharana.5.104.1) — Bhoja, Sanskrit - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.9.26) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.11.26](https://indike.org/pramana/in.lit.campu.katha.mandaramaranda.11.26) · Pramāṇa