[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 24.p1 # Mandaramaranda 24.p1 Mandāramaranda 24.p1 - **Language:** Sanskrit ### [24.p1](https://indike.org/pramana/in.lit.campu.katha.mandaramaranda.24.p1) padārthastu dvidhā prokto bhāvābhāvavibhedataḥ bhāvaścaturvidho jātiguṇadravyakriyātmanā jātistu dvividhā proktā sāmānyopādhibhedataḥ sāmānyaṃ tu ghaṭatvādirupādhiścandratādikaḥ guṇāstvaneke kathitā gandharūparasādayaḥ dravyaṃ tu daśadhā pṛthvījanatejaḥprabhañjanaḥ tamo vyomātmadikkālamanāṃsīti vibhedataḥ kartṛtvaṃ ca kriyā saikābhāvastu trividho mataḥ prāgabhāvastathā dhvaṃso'pyatyantābhāva ityapi abhāvasya guṇatvaṃ tu kecidūcurvipaścitaḥ saṃbandho dharmirūpatvātpadārtho na pṛthagbhavet tasmādeva na bhedo'pi syurdravyāṇīndriyāṇyapi nityajātistu sāmānyamanityopādhirucyate keciddhaṭādiśabdānāṃ jātivācakatāṃ viduḥ viṣṇuvyomādiśabdānāṃ vyaktivācakatāmapi kecidvidurghaṭādīṃśca jātimaddravyavācakān kriyāvācakaśabdāḥ syuredhate kurutemukhāḥ abhāvavācakāḥ śabdā nānomānāśapūrvakāḥ iti padārthanirūpaṇam prācīnānāṃ navīnānāṃ matānyālocya śaktitaḥ racitaṃ bālabodhāya toṣāya viduṣāmapi campūprabandhaṃ mandāramarandaṃ vibudhālayaḥ khādaṃ khādaṃ vimātsarya bhavantvānandatundilāḥ jalajanijanijāyāpremapākena gopījanamanasijakelīlampaṭe'laṃpaṭena guhapuranilayena proddhṛtaḥ śeṣabinduḥ surakusumamarande cārucampūprabandhe - [Previous: 23.p2](https://indike.org/pramana/in.lit.campu.katha.mandaramaranda.23.p2) - [Up: 24](https://indike.org/pramana/in.lit.campu.katha.mandaramaranda.24) ## Linked texts (1) - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.23.p1) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.24.p1](https://indike.org/pramana/in.lit.campu.katha.mandaramaranda.24.p1) · Pramāṇa