[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 4.p1 # Mandaramaranda 4.p1 Mandāramaranda 4.p1 - **Language:** Sanskrit ### [4.p1](https://indike.org/pramana/in.lit.campu.katha.mandaramaranda.4.p1) prathame sajasā laśceddvitīye nasajā guruḥ tṛtīye bhnalgāsturye sajjagaiḥ sahitodgatā udgatāyāstṛtīyo'ṅghriranbhagaiḥ sahito yadi tadā saurabhakaṃ brūte'nye sauralakamūcire udgatāyāstṛtīyo'ṅghrirnansairlalitaṃ matam udgatāyāścaturtho'ṅghrirnannaiḥ saralaṃ matam ādye masajabhairgābhyāṃ dvitīye srajragairyutam tṛtīye nanasairyuktaṃ turye trinajayairyadi upasthitaprakupitaṃ tamāhuḥ pūrvasūrayaḥ asyaivāṅghristṛtīyaścennanasairnanasairyutaḥ tadā tu vardhamānākhyaṃ vṛttaṃ pūrve babhāṣire tārtīyīkastu tasyāṅghristajraiḥ saṃyutā yadi vṛttaṃ vadanti tacchuddhavirāḍārṣabhanāyakam proktānyetāni viṣamavṛttāni prasphuṭaṃ vinā anyāmyasamavṛttāni gāthāḥ prāhurmanīṣiṇaḥ atha mātrācchandaḥ kathyate— oje gaṇatrayaṃ pāde dvitīye taccatuṣṭayam guruścaturthe'pi tathā kiṃ tu lo'tra tṛtīyake viṣame jagaṇo nātra pathyāryā saṃprakīrtitā gaṇatrayaṃ samullaṅghya viṣamaścaraṇo yadi dvayoḥ śakalayorenāṃ vipulāya pracakṣate dvitīyāvojayoryatra samayorādimau tathā jagaṇau saṃprakāśete capalāyaiti sā matā capalā lakṣaṇaṃ tvādye pathyālakṣaṇamantime śakale syāttarhi mukhacapaleti prakīrtitā pathyāryālakṣaṇaṃ tvādye capalālakṣma cāntime dale yadi syājjaghanacapaleti prakīrtitā ityāryāprakaraṇam gītiḥ pathyādimadalalakṣaṇaṃ dalayoryadi upagītistu dalayoḥ pathyāryottaralakṣma cet udgītiḥ syācchakalayoḥ pathyāyā vyatyaye sati āryāgītistu pathyāyā ādyaṃśe guruṇādhike yatraikadvitrimātrāṇāmādhikye prathame padi tadā vigītiḥ kathitā dvitīye cetsugītikā tṛtīye tvatigītiḥ syāccaturthe svaragītikā kaḍugītistvojayoścetsamayormadhugītikā yadi dvitīyādimayorvālagītirudāhṛtā vakragītistu kathitā cettṛtīyacaturthayoḥ - [Previous: 3.p2](https://indike.org/pramana/in.lit.campu.katha.mandaramaranda.3.p2) - [Next: 4.p2](https://indike.org/pramana/in.lit.campu.katha.mandaramaranda.4.p2) - [Up: 4](https://indike.org/pramana/in.lit.campu.katha.mandaramaranda.4) ## Linked texts (1) - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.4.p1) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.4.p1](https://indike.org/pramana/in.lit.campu.katha.mandaramaranda.4.p1) · Pramāṇa