[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 5.p1 # Mandaramaranda 5.p1 Mandāramaranda 5.p1 - **Language:** Sanskrit ### [5.p1](https://indike.org/pramana/in.lit.campu.katha.mandaramaranda.5.p1) uktācaladhṛtiḥ prājñairaṣṭābhirlaghubhiryutā jo vā nalau vā viślokaḥ khyāto mātrācatuṣṭayāt jo vā nalau vā byabdhibhyo mātrābhyo vā navāsikā laghuścennavamaścitrā tathaivāṣṭamapañcamau upacitrā tu mātrābhyo vasubhyo bhagaṇo yadi kathaṃ vā byaṣṭamātrābhiḥ pādākulakamiṣyate rucirā laghavo yatra viṃśatiścetpunarnava aṣṭāviṃśatilairgena yutaṃ śikhitamucyate triṃśallairgena yuktaṃ tu guṇitaṃ parikīrtitam viṣame śaikhitaṃ yukte gauṇitaṃ yadi sā śikhā asyāṃ tu viparītāyāṃ khajeti parikīrtyate guravaḥ ṣoḍaśāyukte dvātriṃśallaghavo yuji yadi syurbravate'naṅgakrīḍāṃ tāṃ tu manīṣiṇaḥ ojayoḥ pādayorādau ṣaṇmātrā ralagā atha yuktayoḥ pādayorādāvaṣṭamātrā ralau guruḥ kevalaṃ naiva laghavastvetayorādyaṣaṭkalāḥ samasteṣvapi pādeṣu dvitūryārisaṃsthitāḥ kalāḥ tribāṇasaptamasthānasthitaiśca truṭibhiḥ saha gurutvaṃ na bhajeyuścaidvaitālīya prakīrtitam aupacchandasikaṃ proktaṃ sarvatrānte rayau yadi āpātālī kīrtiteyaṃ paryante bhagagā yadi dvitīyaguṇayoreko guruścedvaikṣaraṇāntikā udīcyavṛttiḥ kathitā tādṛggaścedayugmayoḥ yugmayoḥ prācyavṛttistu guruścettūryabāṇayoḥ udīcyaprācyavṛttyostu pādayorviṣamau samau samau cedyadi tadvṛttaṃ pravṛttakamitīryate - [Previous: 4.p2](https://indike.org/pramana/in.lit.campu.katha.mandaramaranda.4.p2) - [Next: 5.p2](https://indike.org/pramana/in.lit.campu.katha.mandaramaranda.5.p2) - [Up: 5](https://indike.org/pramana/in.lit.campu.katha.mandaramaranda.5) ## Linked texts (1) - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.5.1) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.5.p1](https://indike.org/pramana/in.lit.campu.katha.mandaramaranda.5.p1) · Pramāṇa