[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 22 # Mandaramaranda 22 Mandāramaranda 22 - **Language:** Sanskrit ### [22.p1](https://indike.org/pramana/in.lit.campu.katha.mandaramaranda.22.p1) kāvyaṃ hi yaśase'rthāya śivetaranivṛttaye kāntāvadupadeśāya paranirvṛtaye kṣaṇāt sālaṃkāraguṇau kāvyaṃ śabdārthau doṣavarjitau tathā kavīnāṃ samayānurodhena nibandhitam īdṛśaṃ dvividhaṃ kāvyaṃ śrāvyadṛśyavibhedataḥ śrāvyaṃ tu trividhaṃ jñeyaṃ gadyapadyobhayātmanā apādaḥ padasaṃghāto gadyaṃ padyaṃ catuṣpadam gadyapadyātmakaṃ kāvyaṃ campūrityabhidhīyate dṛśyaṃ tu daśadhā proktaṃ nāṭakādivibhedataḥ sarvadhvanirguṇībhūtavyaṅgyaṃ citramiti tridhā vācyātiśāyi vyaṅgyaṃ yatkāvyaṃ dhvaniritīryate kāvyaṃ tu kathitaṃ vyaṅgye vācyādanatiśāyini guṇībhūtavyaṅgyamiti syādvyaṅgyasyāpradhānataḥ avyaṅgyamapi yaccāru tatkāvyaṃ citramiṣyate śabdacitraṃ cārthacitramubhayaṃ ceti tantridhā sodāhṛtaya eteṣāṃ bhedāḥ pūrvaṃ prakāśitāḥ śarīraṃ tasya śabdārthau jīvitaṃ vyaṅgyavaibhavam hārādivadalaṃkārāste'nuprāsopamādayaḥ śauryādaya iva proktāḥ śleṣakāntyādayo guṇāḥ ātmotkarṣāvahāstatra svabhāvā iva rītayaḥ śobhāmāhāryakīṃ prāptā vṛttayo vṛttayo yathā padānuguṇyaviśrāntiḥ śayyā śayyeva saṃmatā rasāsvādaprabhedāḥ syuḥ pākāḥ pākā iva sthitāḥ prakhyātā lokavadiyaṃ sāmagrī kāvyasaṃpadaḥ lakṣyalakṣaṇasaṃyuktā ime pūrvaṃ prakīrtitāḥ mahākāvyaṃ coPCAkāvyamiti tadvividhaṃ punaḥ nagarārṇavaśailartucandrārkodayavarṇanaiḥ udyānasalilakrīḍāmadhupānaratotsavaiḥ vipralambhairvivāhaiśca kumārodayavarṇanaiḥ mantradūtaprayāṇādināyakābhyudayairapi etairūpanibaddhaṃ yattanmahākāvyamiṣyate eṣāmaṣṭādaśānāṃ yaiḥ kaiścinnyūnamapīṣyate sargabandho mahākāvyamiti kecitpracakṣate asargabandhamapi ca mahākāvyamitīṣyate gītatālānubaddhaṃ yadupakāvyamitīryate upakāvyaṃ tu bahudhā vakṣye tāni ca kānicit ### [22.p2](https://indike.org/pramana/in.lit.campu.katha.mandaramaranda.22.p2) ākhyāyikā— ### [22.p3](https://indike.org/pramana/in.lit.campu.katha.mandaramaranda.22.p3) kavicāritrasahitaṃ narapālakathānvitam vicitravarṇaracanāsamāsaistu manoharam ucchvāsānte vakrayutaṃ racitāparavaktrakam ucchvāsādau saparyāṅkamidamākhyāyikābhidham ### [22.p4](https://indike.org/pramana/in.lit.campu.katha.mandaramaranda.22.p4) kathā- ### [22.p5](https://indike.org/pramana/in.lit.campu.katha.mandaramaranda.22.p5) ślokaiḥ svavaṃśaṃ saṃkṣepātkaviryatra praśaṃsati mukhyārthasyāvatārāya bhavettatra kathāntaram paricchedo na yatra syādbhavetprālambhakaḥ kvacit sā kathā nāma tadgarbhe nibadhnīyāccatuṣpadīm ### [22.p6](https://indike.org/pramana/in.lit.campu.katha.mandaramaranda.22.p6) udāharaṇam- ### [22.p7](https://indike.org/pramana/in.lit.campu.katha.mandaramaranda.22.p7) yena kenāpi tālena gadyapadyasamanvitam jayetyupakramaṃ mālinyādiprāsavicitritam tadudāharaṇaṃ nāmnā vibhaktyaṣṭāṅgasaṃyutam ### [22.p8](https://indike.org/pramana/in.lit.campu.katha.mandaramaranda.22.p8) cakravālakam- ### [22.p9](https://indike.org/pramana/in.lit.campu.katha.mandaramaranda.22.p9) saṃbodhanavibhaktyā yatpracuraṃ padyapūrvakam vimuktapunarākṛṣṭaśabdaṃ syāccakravālakam ### [22.p10](https://indike.org/pramana/in.lit.campu.katha.mandaramaranda.22.p10) bhogāvalī- ### [22.p11](https://indike.org/pramana/in.lit.campu.katha.mandaramaranda.22.p11) ādyantapadyasaṃyuktā saṃskṛtaprākṛtātmikā aṣṭabhirvā caturbhirvā vākyaiḥ skandhasamanvitā pratiskandhaṃ bhinnavākyarītirdevanṛpocitā sarvato devaśabdādireṣa bhogāvalī matā ### [22.p12](https://indike.org/pramana/in.lit.campu.katha.mandaramaranda.22.p12) birudāvalī- ### [22.p13](https://indike.org/pramana/in.lit.campu.katha.mandaramaranda.22.p13) varṇyamānāṅkavirudavarṇanapracurojjvalā vākyāḍambarasaṃyuktā kathitā virudāvalī ### [22.p14](https://indike.org/pramana/in.lit.campu.katha.mandaramaranda.22.p14) tārāvalī- ### [22.p15](https://indike.org/pramana/in.lit.campu.katha.mandaramaranda.22.p15) tārāṇāṃ saṃkhyayā padyairyuktā tārāvalī matā ### [22.p16](https://indike.org/pramana/in.lit.campu.katha.mandaramaranda.22.p16) viśvāvalī- ### [22.p17](https://indike.org/pramana/in.lit.campu.katha.mandaramaranda.22.p17) viśveṣāṃ saṃkhyayā padyairyukto viśvodayo mataḥ ! ### [22.p18](https://indike.org/pramana/in.lit.campu.katha.mandaramaranda.22.p18) ratnāvalī— ### [22.p19](https://indike.org/pramana/in.lit.campu.katha.mandaramaranda.22.p19) ratnānāṃ saṃkhyayā padyairyuktā ratnāvalī matā ### [22.p20](https://indike.org/pramana/in.lit.campu.katha.mandaramaranda.22.p20) pañcānanāvalī— ### [22.p21](https://indike.org/pramana/in.lit.campu.katha.mandaramaranda.22.p21) padyaiśca pañcabhiryuktā proktā pañcānanāvalī ākhyāyikāyāṃ śṛṅgāre'pyuddhatā racanā matā kathāyāṃ nāṭakādau ca na raudre'pyadhikoddhatāḥ anyeṣu ca prabhedeṣu racanā syādyathocitam ### [22.p22](https://indike.org/pramana/in.lit.campu.katha.mandaramaranda.22.p22) iti kāvyaprakaraṇam ## Linked texts (3) - [Mandāramarandacampū](https://indike.org/pramana/in.art.alamkara.sahitya.samgraha.daksinatya.mandaramarandacampu.10.255_243) — Kṛṣṇanātha 1600, Sanskrit - [Pratāparudrīya (Pratāparudrayaśobhūṣaṇa)](https://indike.org/pramana/in.art.alamkara.yasobhusana.rajayasobhusana.prataparudriya.82_414) — Vidyānātha, Sanskrit - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.21.p1.3) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.22](https://indike.org/pramana/in.lit.campu.katha.mandaramaranda.22) · Pramāṇa