[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Romantic, fictional and courtly campūs](https://indike.org/pramana/in.lit.campu.katha) › [Mandaramaranda](https://indike.org/pramana/in.lit.campu.katha.mandaramaranda) › 9 # Mandaramaranda 9 Mandāramaranda 9 - **Language:** Sanskrit ### [9.1](https://indike.org/pramana/in.lit.campu.katha.mandaramaranda.9.1) evameva dvitīyādiṣūhyāḥ| akṣaramātrābinducyutakānulomapratilomādayo'pi jalajanijanijāyāpremapākena gopījanamanasijakelīlampaṭe lampaṭena guhapuranilayena proddhataścitrabinduḥ surakusumamarande cārucampūprabandhe iti śrīmadvaṭikāśataśataghaṇṭāvihitāṣṭabhāṣāsarasakavitācaraṇanipuṇasya vāsudevayogīśvarasyāntevāsyanyatamasya guhapuravāsaśarmaṇaḥ kṛṣṇaśarmaṇaścandradevaśarmaṇaśca kṛtau mandāramarande campūprabandhe citrabinduścaturthaḥ samāptimagamata bandhabinduḥ athādhunā bandhabindau bandhalakṣmāṇi kānicit brūmahe budhamodāya garbhitodāhṛtikramam yadyapyaneke bandhāstu kaviprauḍhimagumphitāḥ tathāpi brūmahe kāṃścinnāgapadmagajādikān dvitīyāntyau tathā turyatriṃśatau ṣaṣṭhaṣaṣṭikau aṣṭamāṣṭatriṃśatau ca dik‌catuḥṣaṣṭikāvapi dvādaśendrau nāvyaceṣṭādvicatvāriṃśatau tathā pīṭhāṣṭaṣaṣṭikau ca ṣaṭcatvāriṃśāviṃśatī dvāviṃśatṣaṭsaptatikau pañcāśatkeśavāvapi aśītiṣaḍviṃśatī catvāriṃśatṣaṣṭhaṣaṣṭikau sāṣṭapañcāśaviṃśau ca tau ṣaṭtriṃśaddviṣaṣṭikau triṃśatau dvi‌catuḥ pūrvau tathaiva dvi‌catuḥ parau pañcāśatau catuścatvāriṃśatsaptatikau tathā aṣṭābhiradhikau catvāriṃśatsaptatikau tathā ṣaṭpañcāśaddvyaśītī ca saptatī dvicatuḥpare imāvubhāvubhau varṇāvaikatvaṃ bhajato yadi tadekanāgabandhastu sragdharāyāṃ bhaveddhruvam vidagdhahṛdayānandaścatuṣkoṇākṛtirvaraḥ śrīrāmo harmyadhāmā sa tatasumahinaśrīnnato jñaprabhūtaḥ sugrīvaprītaye tatsahajamayamamuṃ bhālasatsāyakena pāyānmāṃ bhūbhṛdīśo vanamiha mihiravrātabādhādyabhāve tasyāyannājñayāyāmamaśamadhisukho'dīnitasyāridhārā ### [9.2](https://indike.org/pramana/in.lit.campu.katha.mandaramaranda.9.2) murasyārāteruccaraṇaśarajāmandamadhupaṃ tano lakṣmīvaryā racitagurupāmapraśamitām padaśrīnirdhūtadrumanavapalāśāntararamāṃ mahījātāṃ tāṃ bho dhutanaliladhāma vraja bhaja ### [9.3](https://indike.org/pramana/in.lit.campu.katha.mandaramaranda.9.3) evaṃ dvitricaturnāgabandheṣu yathāsaṃbhavaṃ bhedā ūhanīyāḥ ojayukteṣvādyaṣaṣṭhatṛtīyāntyaikatā bhavet dalairdvādaśabhiryuktaḥ padmabandhastvanuṣṭubhi yathādārāṇāṃ sukhadātāraṃ daityadāmaharaṃ mudā dāvāgnimaridāvasya bhaje dāmodaraṃ sadā ### [9.4](https://indike.org/pramana/in.lit.campu.katha.mandaramaranda.9.4) dvādaśadalapadmabhedo yathākamalācittanālīka kalīnāhatakaṃṭaṃka kaṭakaṃ dehi bhālāṃka kalāṃ bhādyalalāmakam ### [9.5](https://indike.org/pramana/in.lit.campu.katha.mandaramaranda.9.5) ṣoḍaśadalapadmabandho yathākṛtasvāntatatadhvāntadhūta bhūtahitavrata dāntaśāntajitapreta śrautagītasutastuta ### [9.6](https://indike.org/pramana/in.lit.campu.katha.mandaramaranda.9.6) aṣṭadalapadmabandho yathāmātā tasyā dharaṇyāścaraṇabhajakavasvīśapakṣoradhāmā mādhārakṣo yaśasvī bhavatu mama mude bhrājitasphāranāmā mānāraskātajibhrājitaripunivahadhvaṃsanavyāsasāmā māsāsavyā na sa dhvaṃsitaditijavareṇyāradhasyātatāmā ### [9.7](https://indike.org/pramana/in.lit.campu.katha.mandaramaranda.9.7) gajabandho yathā— rājābhāsyā bhāsamānasvarṇakarṇasvapisvarā sārāpālā pātu lolā sā pikasvanamāsarā ### [9.8](https://indike.org/pramana/in.lit.campu.katha.mandaramaranda.9.8) cakrabandho yathā— śrīrājīvavirājamānanayanaṃ śyāmāmbudāmaṃ hariṃ śrīmadvīndra(?)mahendravanditapadaṃ pāpādyapetaṃ bhaje añcantaṃ gajarājavajjanakajātālastanāliṅgitaṃ sāndrapremabharaṃ svabhaktanivahe geyasvavīryaṃ budhaiḥ ### [9.9](https://indike.org/pramana/in.lit.campu.katha.mandaramaranda.9.9) chatrabandho yathā— sālajālavaladvāte bhūribhūte dṛgāhate sā rarāja ramā cārurucā mārajarārasā ### [9.10](https://indike.org/pramana/in.lit.campu.katha.mandaramaranda.9.10) cāmarabandho yathā— mārasāratarasphārasphātibhāraṃ paraṃ suram sītānetracakorendubimbaṃ vande rameśvaram ### [9.11](https://indike.org/pramana/in.lit.campu.katha.mandaramaranda.9.11) marddalavandho yathā— mārasāparasāpārāmāpārāparasāpasā mavarāpavarāmāyāmāmāyāpavarāvarā ### [9.12](https://indike.org/pramana/in.lit.campu.katha.mandaramaranda.9.12) rathabandho yathā— pādāhitaguṇā mānti yasya citte kalāvataḥ mahilānandadaṃ kāntaṃ taṃ bhaje satataṃ harim ### [9.13](https://indike.org/pramana/in.lit.campu.katha.mandaramaranda.9.13) gomūtrikābandho yathā— bhaje rādhāvaraṃ kañjamukhaṃ bhaktarucivratam vraje bādhāharaṃ kuñjasukhaṃ vyaktaśucismitam ### [9.14](https://indike.org/pramana/in.lit.campu.katha.mandaramaranda.9.14) atha caturaṅgacakrabandho nirūpyate— nāḍīrāmo'bdhibhūrnetradṛgbhūvarṇo'gnikanyakā bhūraso'ṅgigajo vārdhivājī sāyakakanyakā karmasvaraḥ siddhigajo nadīśatrurgajāmbudhiḥ tarkarāmaḥ pāpacandro nadīnetraṃ śarānalaḥ kārakendurdantinetraṃ munivārdhī ramārasaḥ munilakṣmīḥ pāṇḍavārvā praśnakāvyaṃ yuge rasaḥ mūrtigandhaścandramunirnetrabāṇo yugambudhiḥ mūrtinetraṃ candracandro netramūrtiḥ kṣamāśaraḥ bāhudvīpo vārdhilakṣmīḥ kālatarko'ṅgisāgaraḥ bhūminetraṃ kālacandro vārdhikālo bambudhiḥ kanyākuco dvīpacandro gajaśaktirnadīśaraḥ lakṣmīmunistarkalakṣmīḥ kanyātarko nadīmuniḥ kanyālakṣmīrbalavalaṃ gajakanyā nadīguṇaḥ lakṣmīcandrastarkanetraṃ kanyāvārdhiryugadvayam karacandrau bhūmiśaktiḥ śaktivārdhirhantūrasaḥ bhūmidantī śaktimunirmakarālayakanyakā atra vīthībodhikādyā saṃkhyānyā gṛhabodhikā saṃkhyāparyāyakathanaṃ śeṣavindau bhaviṣyati ghodīgatikramādevaṃ caturaṅgagṛheṣu ca nirantaraṃ laghugurūrāyakṣarāṇi nyasedyathā- papāpapāpapāpapāpapāpapāpapā papāpapāpapāpapāpapāpapāpapā papāpapāpapāpapāpapāpapāpapā papāpapāpapāpapāpapāpapāpapā ## Linked texts (2) - [Mandāramarandacampū](https://indike.org/pramana/in.art.alamkara.sahitya.samgraha.daksinatya.mandaramarandacampu.2.27_41) — Kṛṣṇanātha 1600, Sanskrit - [Mandāramaganda](https://indike.org/pramana/in.art.alamkara.sahitya.samgraha.other.mandaramaganda.7.1) — Kṛṣṇamiśra, Sanskrit --- Source: [https://indike.org/pramana/in.lit.campu.katha.mandaramaranda.9](https://indike.org/pramana/in.lit.campu.katha.mandaramaranda.9) · Pramāṇa