[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Nalacampu](https://indike.org/pramana/in.lit.campu.nalacampu) › 1 # Nalacampu 1 Nalacampū 1 - **Language:** Sanskrit ### [1.1](https://indike.org/pramana/in.lit.campu.nalacampu.1.1) jayati girisutāyāḥ kāmasaṁtāpavāhinyurasi rasaniṣē kaścāndanaścandra mauliḥ tadanu ca vijayantē kīrtibhājāṁ kavīnāmasadamr̥tabindusyandinō vāgvilāsāḥ ### [1.2](https://indike.org/pramana/in.lit.campu.nalacampu.1.2) jayati madhusahāyaḥ sarvasaṁsāravallījananajaraṭhakandaḥ kō ’pi kandarpadēvaḥ tadanu punar apāṅgōtsaṅgasaṁcāritānāṁ jayati taruṇayōṣillōcanānāṁ vilāsaḥ ### [1.3](https://indike.org/pramana/in.lit.campu.nalacampu.1.3) agādhāntaḥ parispandaṁ vibudhānandamandiram vandē rasāntaraprauḍhaṁ srōtaḥ sārasvataṁ vahat ### [1.4](https://indike.org/pramana/in.lit.campu.nalacampu.1.4) prasannāḥ kāntihāriṇyō nānāślēṣavicakṣaṇāḥ bhavanti kasyacit puṇyair mukhē vācō gr̥hē striyaḥ ### [1.5](https://indike.org/pramana/in.lit.campu.nalacampu.1.5) kiṁ kavēs tēna kāvyēna kiṁ kāṇḍēna dhanuṣmataḥ parasya hr̥dayē lagnaṁ na ghūrṇayati yacchiraḥ ### [1.6](https://indike.org/pramana/in.lit.campu.nalacampu.1.6) apragalbhāḥ padanyāsē jananīrāgahētavaḥ santyēkē bahulālāpāḥ kavayō vālakā iva ### [1.7](https://indike.org/pramana/in.lit.campu.nalacampu.1.7) akṣamālāpavr̥ttijñā kuśāsanaparigrahā brāhmīva daurjanī saṁsadvandanīyā samēkhalā ### [1.8](https://indike.org/pramana/in.lit.campu.nalacampu.1.8) rōhaṇaṁ sūktaratnānāṁ vr̥ndaṁ vandē vipaścitām yanmadhyapatitō nīcaḥ kācō ’py uccair maṇīyatē ### [1.9](https://indike.org/pramana/in.lit.campu.nalacampu.1.9) atrijātasya yā mūrtiḥ śaśinaḥ sajanasya ca kva sā vai rātrijātasya tamasō durjanasya ca ### [1.10](https://indike.org/pramana/in.lit.campu.nalacampu.1.10) niścitaṁ sasuraḥ kō ’pi na kulīnaḥ samē ’matiḥ sarvathāsurasaṁvaddhaṁ kāvyaṁ yō nābhinandati ### [1.11](https://indike.org/pramana/in.lit.campu.nalacampu.1.11) sadūṣaṇāpi nirdōpā sakharāpi sukōmalā namastasmai kr̥tā yēna ramyā rāmāyaṇī kathā ### [1.12](https://indike.org/pramana/in.lit.campu.nalacampu.1.12) vyāsaḥ kṣamābhr̥tāṁ śrēṣṭhō vandyaḥ sa himavāniva sr̥ṣṭā gaurīdr̥śī yēna bhavē vistāribhāratā ### [1.13](https://indike.org/pramana/in.lit.campu.nalacampu.1.13) karṇāntavibhramabhrāntakr̥ṣṇārjuna vilōcanā karōti kasya nāhādaṁ kathā kāntēva bhāratī ### [1.14](https://indike.org/pramana/in.lit.campu.nalacampu.1.14) śaśvadvāṇadvitīyēna namadākāradhāriṇā dhanuṣēva guṇāḍhyēna niḥśēṣō rañjitō janaḥ ### [1.15](https://indike.org/pramana/in.lit.campu.nalacampu.1.15) itthaṁ kāvyakathākathānakara sairēṣāṁ kavīnāmamī vidvāṁsaḥ paripūrṇakarṇahr̥dayāḥ kumbhāḥ payōbhiryathā vācō vācyavivēka viklavadhiyāmīdagvidhā mādr̥śāṁ lapsyantē kva kilāvakāśam athavā sarvasahāḥ sūrayaḥ ### [1.16](https://indike.org/pramana/in.lit.campu.nalacampu.1.16) vācaḥ kāṭhinya māyānti bhaṅgaślēṣaviśēṣataḥ nōdvēgas tatra kartavyō yasmān naikō ēsaḥ kavēḥ ### [1.17](https://indike.org/pramana/in.lit.campu.nalacampu.1.17) kāvyasyāmraphalasyēva kōmalasyētarasya ca bandhacchāyāviśēṣēṇa rasō ’py anyādr̥śō bhavēt ### [1.18](https://indike.org/pramana/in.lit.campu.nalacampu.1.18) asti samastamunimanujavr̥ndavr̥ndārakavandanīyapādāravindasva bhagavatō vidhēr viśvavyāpivyāpārapāravaśyāvatīrṇasya saṁsāracakrē r̥tukriyākāṇḍaśauṇḍasya śāṇḍilyanāmnō maharṣēvaṁśaḥ. ### [1.19](https://indike.org/pramana/in.lit.campu.nalacampu.1.19) śrūyantē ca yatra śravaṇōcitāścandanapallacā iva kēcidanūcānāḥ śucayaḥ satyavācō virañcivarcasō ’rcanīyācārā brahmavidō brāhmaṇāḥ.puṇyajanāśca na ca yē laṅkāpuruṣāḥ, sasūtrāś ca na ca yē lampaṭāḥ, prasiddhāś ca na ca yē lampākāḥ, kāmavarṣāś ca na ca yē laṅghanāḥ sanmārgasya, navavayasō ’pi na ca yē lambālakāḥ,mahābhāratikāś ca na ca yē raṅgōpajīvinaḥ, sēvitāpsarasō ’pi na ca yē rambhayānvitā. ### [1.20](https://indike.org/pramana/in.lit.campu.nalacampu.1.20) kiṁ bahunā— ### [1.21](https://indike.org/pramana/in.lit.campu.nalacampu.1.21) jānanti hi guṇāncaktuṁ tadvidhā ēva tādr̥śām vētti viśvaṁbharā bhāraṁ girīṇāṁ garimāśrayam ### [1.22](https://indike.org/pramana/in.lit.campu.nalacampu.1.22) tēṣāṁ vaṁśē viśadayaśasāṁ śrīdharasyātmajō ’bhūd ēvādityaḥ svamativikasa dvēdavidyā vivēkaḥ utkallōlāṁ diśi diśi janāḥ kīrtipīyūṣasindhuṁ yasyādyāpi śravaṇapuṭakaiḥ kr̥ṇitākṣāḥ pivanti ### [1.23](https://indike.org/pramana/in.lit.campu.nalacampu.1.23) taistairātmaguṇairyēna trilōkyāstilakāyitam tasmādasmi sutō jātō jāḍyapātraṁ trivikramaḥ ### [1.24](https://indike.org/pramana/in.lit.campu.nalacampu.1.24) sō ’haṁ haṁsāyituṁ mōhācakaḥ paṅguryathēcchati mandadhīstadvadicchāmi kavivr̥ndārakāyitum ### [1.25](https://indike.org/pramana/in.lit.campu.nalacampu.1.25) bhaṅgaślēṣakathāvandhaṁ duṣkaraṁ kurvatā mayā durgastarītumārabdhō bāhubhyāmambhasāṁ patiḥ ### [1.26](https://indike.org/pramana/in.lit.campu.nalacampu.1.26) utphullagallairālāpāḥ kriyantē durmukhaiḥ sukham jānāti hi punaḥ samyak kavir ēva kavēḥ śramam ### [1.27](https://indike.org/pramana/in.lit.campu.nalacampu.1.27) saṁgatā surasārthēna ramyā mērucirāśrayā nandanōdyānamālēva svasthairālōkyatāṁ kathā ### [1.28](https://indike.org/pramana/in.lit.campu.nalacampu.1.28) udāttanāyakōpētā guṇavadvr̥ttamuktakā campūś ca hārayaṭiś ca kēna na kriyatē hr̥di ### [1.29](https://indike.org/pramana/in.lit.campu.nalacampu.1.29) asti samastaviśvaṁbharābhōgabhāsvallalāmalīlāyamānaḥ, samānaḥ sēvyatathā nākalōkasya, grāmyakavikathāvandha iva nōrasa sya manōharaḥ, bhīma iva bhāratālaṁkārabhūtaḥ, kāntākucamaṇḍalasparśa ivāgraṇīḥ sarvaviṣayā gām, anadhīta vyākaraṇa ivāgaṣṭaprakr̥tinipātōpasargalōpavarṇavikāraḥ, paśupatijaṭāvandha iva vikasita kanakakamalakuvalayōcchalitarajaḥ pukhapiñjaritahaṁsāvataṁsayā pracuracalaccakōracakravākakāraṇḍava maṇḍalīmaṇḍitatīrayā bhagīsthabhūpāla kīrtipatākayā svargagamanasōpānavīthīyamāna riṅgattaraṅgayā gaṅgayā puṇyasalilaiḥ plāvitaścandrabhāgālaṁkr̥taikadēśaśca, sāraḥ sakalasaṁsāracakrasya, śaharāyaḥ purāvakāriṇāma, ārāmō rāmaṇāyakakadalīvanasya, dhāma dharmasya, spadaṁ saṁpadām, āśrayaḥ śrēyasām, ākaraḥ sādhuvyavahāraratnānām, ācāryabhavanamāryamaryādōpadēśānāmāryāvartō nāma dēśaḥ. ### [1.30](https://indike.org/pramana/in.lit.campu.nalacampu.1.30) yasminn anavaratadharmakarmōpadēśaśāntasamastavyādhivyatikarāḥ puruṣāyuṣajīvinyaḥ sakalasaṁsārasukhabhājaḥ prajāḥ.tathā hi—kuṣṭhayōgō gāndhikāpaṇēṣu, sphōṭapravādō caiyākaraṇēṣu, saṁnipātastālēṣu grahasaṁkrāntirjōtiḥśāstrēṣu, bhūtavikāravādaḥ sāṁkhyēṣu, kṣayastithiṣu, gulmabr̥ddhirvanabhūmiṣu, galagrahō matsyēṣu, gaṇḍakōtthānaṁ parvatavanabhūmiṣu, śuḷajhambandhañcaṇḍikāyatanēṣu, dr̥śyatē na prajālu. ### [1.31](https://indike.org/pramana/in.lit.campu.nalacampu.1.31) yatra caturagōpaśōbhitāḥ saṅgrāmā iva grāmāḥ, tujhasakalabhavanāḥ sarvatranagā iva nagarapradēśāḥ, sadācaraṇamaṇḍanāni nūpurāṇīva purāṇi, sadānabhōgāḥ prabhañjanā iva janāḥ, priyālapanasārāṇi yauvanānīva vanāni, viṭapihitāścēṭikā iva vāṭikāḥ, nirvr̥tisthānāni sukalatrāṇīvēkṣukṣētrasattrāṇi, jalāvilakṣaṇāḥ paśupuruṣā ivāpramāṇāstaḍāgabhāgāḥ, kupitakapikulākulitā lar̤akēśvarakiṁkarā iva bhannakumbhakarṇaṁghanasvāpāḥ kūpāḥ, pīvarōdhasaḥ sarita iva gāvaḥ, saṁtīvratāpadōṣāḥ sūryadvayutaya iva kulastriyaḥ. ### [1.32](https://indike.org/pramana/in.lit.campu.nalacampu.1.32) yatra ca manōhārisārasadvandvāstatpuruṣēṇa dvigunā cādhiṣṭhitāḥ kādambarīgadyavandhā iva dr̥śyamānabahuvrīhayaḥ kēdārāḥ. ### [1.33](https://indike.org/pramana/in.lit.campu.nalacampu.1.33) kiṁ bahunā— ### [1.34](https://indike.org/pramana/in.lit.campu.nalacampu.1.34) nāsti sā nagarī yatra na vāpī na payōdharā dr̥śyatē na ca yatra strī navāpīnapayōdharā ### [1.35](https://indike.org/pramana/in.lit.campu.nalacampu.1.35) api ca— ### [1.36](https://indike.org/pramana/in.lit.campu.nalacampu.1.36) bhavanti phālgunē vr̥kṣaśākhā vipalavāḥ jāyantē na tu lōkasya kadāpi ca vipallavāḥ ### [1.37](https://indike.org/pramana/in.lit.campu.nalacampu.1.37) yatra saurājyarañjitamanasaḥ sakalasamr̥ddhivardhitamahōtsavaparamparārambhanirbharāḥ, satatamakulīnaṁ kulīnāḥ, prāptavimānamaprāpta vimānabhaṅgāḥ, katipayavasuvirājitamanēkavasavaḥ, samupahasanti svargavāsinaṁ janaṁ janāḥ. ### [1.38](https://indike.org/pramana/in.lit.campu.nalacampu.1.38) kathaṁ cāsau svargā nna viśiṣyatē. ### [1.39](https://indike.org/pramana/in.lit.campu.nalacampu.1.39) yatra gr̥hē gr̥hē gauryaḥ striyaḥ, mahēśvarō lōkaḥ, sakṣīkā harayaḥ, padē padēdhanadāḥ santi lōkapālāḥ.kēvalaṁ naṁ surādhipō rājā.na ca vināyakaḥ kaścit. ### [1.40](https://indike.org/pramana/in.lit.campu.nalacampu.1.40) yatra calatāsaṁvandhaḥ kalikōpakramaś ca pādapēṣu dr̥śyatē na puruṣēṣu. ### [1.41](https://indike.org/pramana/in.lit.campu.nalacampu.1.41) yatra camarakavārtā paramahimōpaghātaś ca tuhinācalasthalīṣu śrūyatē na prajāsu. ### [1.42](https://indike.org/pramana/in.lit.campu.nalacampu.1.42) yaś ca nītimatpuruṣādhiṣṭhitō ’py anītiḥ, saṭō ’py avaṭasaṁkulaḥ, kārūpayutō ’py agatarūpaśōbhaḥ. ### [1.43](https://indike.org/pramana/in.lit.campu.nalacampu.1.43) yatra ca guruvyatikramaṁ nakṣatrarāśayaḥ, mātrākalahaṁ lēkhaśālikāḥ, mitrōdayadvēṣamulukāḥ, apatyatyāgaṁ kōkilāḥ, bandhujōvavighātaṁ grīṣmadivasāḥ, kurvanti na janāḥ. ### [1.44](https://indike.org/pramana/in.lit.campu.nalacampu.1.44) kiṁ bahunā— ### [1.45](https://indike.org/pramana/in.lit.campu.nalacampu.1.45) dēśaḥ puṇyatamōddēśaḥ kasyālau na priyō bhavēt yuktō ’nukrōśasaṁpannairyō janair iva yōjanaiḥ ### [1.46](https://indike.org/pramana/in.lit.campu.nalacampu.1.46) tasya viṣayamadhyē niṣadhōṁ nāmāsti janapadaḥ prathitaḥ tatra purī puruṣōttamanivāsayōgyāsti niṣadhēti ### [1.47](https://indike.org/pramana/in.lit.campu.nalacampu.1.47) jananītimuditamanasā satataṁ susvāminā kr̥tānandā sā nagarī nagatanayā gaurīva manōharā bhāti ### [1.48](https://indike.org/pramana/in.lit.campu.nalacampu.1.48) yasyāmabhraṁlihēndranīlaśālaśikhara sahasranibhr̥tāṁśujālavālaśādvalāṅkurāgragrāsalālasāḥ skhalantaḥ khē khēdayanti madhyēdinaṁ sādinaṁ ravirathaturaṅgamāḥ. ### [1.49](https://indike.org/pramana/in.lit.campu.nalacampu.1.49) yasyāṁ ca sphaṭikamāṇaśilānivaddhabhavanaprāṅgaṇagatāsu saṁcaradgr̥hiṇīcaraṇālaktakapadapaṅkiṣu patanti nirmalasalilābhyantaratarattaruṇāruṇa kamalakāṅkhyā mugdhamadhupapaṭalāni. ### [1.50](https://indike.org/pramana/in.lit.campu.nalacampu.1.50) yasyāṁ ca vividhamaṇinirmitavāsabhavanabhavyabhittiṣu svacchāsu sva chāyāmavalōkayantyaḥ kr̥tāparastrīśaṅkāḥ katham api pratyānīyantē priyaiḥ priyatamāḥ. yasyāṁ ca divyadēvakulālaṁkr̥tāḥ svargāḥ iva mārgāḥ, satatamapāṁsuvasanāḥ sāgarā iva nāgarāḥ samantavāraṇāni vanānīva bhavanāti, sura sēnānvitāḥ svargabhūpā iva kūpāḥ, adhikaṁdharōddēśamudbhāsayantō hārā iva vihārāḥ. ### [1.51](https://indike.org/pramana/in.lit.campu.nalacampu.1.51) yasyāṁ ca bahulakṣaṇā sudhāvantō dr̥śyantē ’ntaḥ pracurāḥ prasādā bahiś ca vārōndrāḥ.suśōbhitaraṅgāḥ samālōkyantē ’ntaḥ saṁgītaśālā vahiścakrōḍākamaladīrghikāḥ.bahudhānyaniruddhāḥ kathamapyabhigamyantē ’ntaḥ parayastriyā va hiś ca kṣētrabhūmayaḥ.nānāśukavibhūṣaṇāḥ śāṁbhantē ’ntaḥ labhā vahiś ca sahakāravanarājayaḥ.sasaugandhikaprasārā virājantē ’ntarvipaṇayō vahiścasalilāśayāḥ. ### [1.52](https://indike.org/pramana/in.lit.campu.nalacampu.1.52) kiṁ bahunā ### [1.53](https://indike.org/pramana/in.lit.campu.nalacampu.1.53) bhūmayō vahirantaś ca nānārāmāpaśōbhitāḥ kurvanti sarvadā yatra vicitravayasāṁ mudam ### [1.54](https://indike.org/pramana/in.lit.campu.nalacampu.1.54) yasyāṁ ca bhaktabhājō dēvatāyatanēṣu dēvatāḥ saṁvidhānā dr̥śyantē haṭṭēṣu vaṇigjanāḥ.akṣarasāvadhānāḥ kavigōṣṭhīṣu kavayō vilōkyantē dyūtasthānēṣu dyūtakārāḥ.kāntārāgapriyāḥ kariṇō rājadvāraṁṣu saṁcarrānta vēśyāṅgaṇēṣu bhujaṅgāḥ. ### [1.55](https://indike.org/pramana/in.lit.campu.nalacampu.1.55) yasyāṁ ca caturudadhivēlāvirājitasakaladharācakracūḍāmaṇau maṇikarmanimitaramyaharmyatayā surapatipurīparābhava kārigyām.avyayabhāvō vyākaragōpasargēṣu na dhanināṁ dhanēṣu.dānavicchitir unmādyatkarikapōlamaṇḍalēṣu na tyāgigr̥hēṣu.bhōgabhaṅgō bhujaṅgēṣu na vilāsilōkēṣu.snēhakṣayō rajanivirāma viramatpradīpapātrēṣu na pratipannajanahr̥dayēṣu.kūṭaprayōgō gītatānaviśēṣēṣu na vyavahārēṣu.vr̥ttikalahō vaiyākaraṇacchātraṣu na svāmi bhr̥tyēṣu. sthānakabhēdaścitrakēṣu na satpuruṣēṣu. ### [1.56](https://indike.org/pramana/in.lit.campu.nalacampu.1.56) kiṁ bahunā— ### [1.57](https://indike.org/pramana/in.lit.campu.nalacampu.1.57) tridivapura samr̥ddhispardhayā bhānti yasyāṁ surasadanaśikhāgrēṣvāgrahagranthinaddhāḥ nabhasi pavanavēlla pallavairula sadbhiḥ paramam iha vahantyō vaibhavaṁ vaijayantyaḥ ### [1.58](https://indike.org/pramana/in.lit.campu.nalacampu.1.58) api ca— ### [1.59](https://indike.org/pramana/in.lit.campu.nalacampu.1.59) cārvī sadā sadācārasajja majjanasēvitā nagarī na garīyasyā saṁpadā sā vivarjitā ### [1.60](https://indike.org/pramana/in.lit.campu.nalacampu.1.60) tasyāmāsīnnijabhujagugalavalavidalitasakalavairivr̥ndasundarīnētranīlōtpalagaladvahalavāṣpapūraplavamānapratāparājahaṁsaḥ, sakalajalanidhivēlāvananikhātakīrtistambhabhūṣitabhuvanacalayaḥ, viśvaṁbharābhōga iva bahudhāraṇakṣamaḥ, prāsāda iva navasudhāhārī, ravirivānēkadhāmāśrayaḥ.danujalōka iva sadānavaḥ strōjanasya, vasiṣṭha iva viśvāmistratrāsajananaḥ, janamējaya iva parīkṣitanayaḥ, paraśurāma iva paraśubhāsitaḥ, rāghava ivālaghukōdarā ḍabhaṅgarañjitajanakaḥ,sumērur iva jātarūpasaṁpattiḥ, tuhinā cala iva puṇyabhāgīrathīsahitaḥ, cintāmaṇiḥ praṇayinām, agraṇīḥ sāṁgrāmikāṇām, upādhyāyō ’dhyayanavidām, ādarśō darśanānām ācāraḥ śauryaśālinām upadēśakaḥ śastraśāstrasya, parivr̥ḍhō gaḍhaṁprahāriṇām, agragaṇyaḥ puṇyakāriṇām, apaścimō vipaścitām, apāścātyastyāgavatām, acaramaścāturyācāryāṇām, aparyantabhūbhārādhārastambhabhūtabhujakāṇḍakīlitaśālabhañjikāyamānavijayaśrīḥ, śrīvīrasaṁ nasūnuḥ, sa mastajagatprāsādaśiraḥśaṁkharībhūtakāntakīrtidhvajō, rājā, rājyalakṣmīkarēṇukācāpalasaṁyamanaśr̥ṅkhalaḥ, khalavr̥ndakandaladāvānalō nalō nāma. ### [1.61](https://indike.org/pramana/in.lit.campu.nalacampu.1.61) yasyēndukundakumudakāntayaḥ sakalalōka karṇapriyātithayō guṇāḥ satatamēkabrahmāṇḍasaṁpuṭasaṁkīrṇa nivāsavyasanaviṣādinaḥ punaranēkabrahmāṇḍakōṭighaṭanāmabhyarthayamānā iva bhagavatō viśvasr̥jaḥ kamalasaṁbhavasya karṇalagnāḥ svargalōkamadhivasanti sma. ### [1.62](https://indike.org/pramana/in.lit.campu.nalacampu.1.62) yasmiṁś ca rājani janitajanānandē nandayati mēdinīm, gītēṣu jātisaṁkarāḥ, tālēṣu nānālayabhaṅgāḥ, nr̥tyēṣu viṣamakaraṇaprayōgāḥ, vādyēṣu daṇḍakaraprahārāḥ puṇyakarmārambhēṣu pravandhāḥ, sāridyūtēṣu pāśaprayōgāḥ, puṣpitakētakīṣu hastacchēdāḥ, nyagrōdhēṣu pādakalpanāḥ, kañcukamaṇḍanēṣu nētravikartanāni, āsan, na prajāsu. ### [1.63](https://indike.org/pramana/in.lit.campu.nalacampu.1.63) yaś ca kō ’py anyādr̥śa ēva lōkapālaḥ.tathā hi—apūrvō vivudhapatiḥ, adaṇḍa karō dharmarājaḥ, ajaghanyaḥ pracētāḥ anuttarō dhanadaḥ. ### [1.64](https://indike.org/pramana/in.lit.campu.nalacampu.1.64) yēna pracaṇḍadōrdaṇḍamaṇḍalī viśrāntavijayaśriyā śravaṇōtpaladalāyamānasāninīmānaluṇṭākalōcanēna pr̥thvī priyā ca kāmarūpadhāriṇī sā tēna bhuktā. ### [1.65](https://indike.org/pramana/in.lit.campu.nalacampu.1.65) yasyāḥ sakalajanamanōhāriviśēṣakam, pr̥thulalāṭamaṇḍalam, abhilaṣagīyakāntayaḥ kuntalāḥ, ślāghanīyō nāsikyabhāgaḥ, bahulavalōkaḥ sarōmālikālaṁkāraś ca madhyadēśaḥ, prakaṭitakāmakōṭivilāsaḥ kāñcōpradēśaḥ. ### [1.66](https://indike.org/pramana/in.lit.campu.nalacampu.1.66) kiṁ bahunā ### [1.67](https://indike.org/pramana/in.lit.campu.nalacampu.1.67) yasyāḥ kr̥ṣṇāgurucandanāmōdavahulakucābhōga bhūṣaṇā nr̥tyatīvāṅgara ramagīyatayā nirupamā navā yauvanaśrīḥ. ### [1.68](https://indike.org/pramana/in.lit.campu.nalacampu.1.68) kiṁ cānyat— ### [1.69](https://indike.org/pramana/in.lit.campu.nalacampu.1.69) anya ēva navāvatāraḥ sa kō ’pi puruṣōttamō yō na mīnarūpadūṣitaḥ,nāṅgīkr̥ta viśvaviśvaṁbharābhārō ’pi kūrmīkr̥tātmā, na varāhavapuṣā klēśēna pr̥thvīṁ vabhāra, na ca narasiṁhaḥ samutsannahiraṇyakaśipuḥ, na balirājabandhanavidhau vāmanō dainyam akarōt, nāpi rāmrō laḍūkēśvara śriyamapāharatū, nāpi buddhaḥ kalkikulāvatārī. ### [1.70](https://indike.org/pramana/in.lit.campu.nalacampu.1.70) kiṁ bahunā— ### [1.71](https://indike.org/pramana/in.lit.campu.nalacampu.1.71) dhanyāstē divasāḥ sa yēṣu samabhūd bhūpālacūḍāmaṇi rlōkālōkagirīndramudritamahī viśrāntakī tirnalaḥ lōkāstē ’pi ciraṁtanāḥ sukr̥tinastadvatkrapakē ruhē yairvisphāritanētrapattrapuṭakairlāvaṇyamāsvāditam ### [1.72](https://indike.org/pramana/in.lit.campu.nalacampu.1.72) api ca— ### [1.73](https://indike.org/pramana/in.lit.campu.nalacampu.1.73) yē kundadyutayaḥ samastabhuvanaiḥ karṇāvataṁsīkr̥tā yaiḥ sarvatra śalākayēva likhitairdigbhittayaścitritāḥ yairvaktu hr̥di kalpitair api vayaṁ harṣēṇa rōmāñcitā- spēṣāṁ pārthivapuṁgavaḥ sa mahatāmēkō guṇānāṁ nidhiḥ ### [1.74](https://indike.org/pramana/in.lit.campu.nalacampu.1.74) yasya ca yudhiṣṭhirasyēva na kacidapārthō vacanakramaḥ marumaṇḍalamivāpāpaṁmānasam, mahānasam iva sūpakāra sāraṁ karma, kārmukam iva satkōṭiguṇaṁ dānam, dānavakulam iva dr̥ṣṭavr̥ṣaparvōtsavaṁ rājyam, rājīvam iva bhramarahitaṁ sarvadā hr̥dayam. ### [1.75](https://indike.org/pramana/in.lit.campu.nalacampu.1.75) yaś ca paramahēlābhiratō ’py apāradārikaḥ.śāntanutanayō ’pi na kurūpayuktaḥ. ### [1.76](https://indike.org/pramana/in.lit.campu.nalacampu.1.76) kiṁ bahunā— ### [1.77](https://indike.org/pramana/in.lit.campu.nalacampu.1.77) sadāhaṁsākulaṁ vibhranmānasaṁ pracalajalam bhūbhr̥nnāthō ’pi nō yāti yasya sāmyaṁ himācalaḥ ### [1.78](https://indike.org/pramana/in.lit.campu.nalacampu.1.78) api ca— ### [1.79](https://indike.org/pramana/in.lit.campu.nalacampu.1.79) nakṣattra bhūḥ kṣattrakulaprasutēryuktō nabhōgaiḥ khalu bhōgabhājaḥ sujātarūpō ’pi na yāti yasya samānatāṁ kāṁcana kāñcanādriḥ ### [1.80](https://indike.org/pramana/in.lit.campu.nalacampu.1.80) tasya ca mahāmahīpatērasti sma praśastistambhaḥ sakalaśrutiśāstraśāsanākṣaramālikānām, nyagrōdhapādapaḥ puṇyakarmaprarōhāṇām, ākaraḥ sādhuvyavahāraratnānām, induḥ pārthivanītijyōtsnāyāḥ, kandaḥ sakalakalāṅkurakalāpasya, sāgaraḥ samastapuruṣaguṇa maṇīnām, cālānastambhaścapalarājyaladamīkarēṇukāyāḥ, sakalabhuvanavyāpārapārāvāranaukarṇadhāraḥ, sudhāmbhōnidhiḍiēḍīrapiṇḍapāṇḍurayaśaḥ kuśēśayakhaṇḍamaṇḍitasakala saṁsārasarāḥ, sarāgīkr̥tasamastapārthivānujīvī, jīvitasamaḥ, prāṇasamaḥ, hr̥dayasamaḥ, śarīramātra bhinnō dvitīya ivātmā, kulakramāgataḥ, saṁkrāntidarpaṇaḥ sukhaduḥkhayōḥ, svabhāvānuraktaḥ, śuciḥ, satyapūtavākū, kr̥tajñaḥ, brāhmaṇaḥ sālaṅkāyanasya sūnuḥ śrutaśīlōnāma mahāmantrī. ### [1.81](https://indike.org/pramana/in.lit.campu.nalacampu.1.81) mittraṁ ca mantrī ca suhr̥tpriyaś ca vidyāvayaḥśīlaguṇaiḥ samānaḥ vabhūva bhūpasya sa tasya viprō viśvaṁbharābhārasahaḥ sahāyaḥ ### [1.82](https://indike.org/pramana/in.lit.campu.nalacampu.1.82) api ca— ### [1.83](https://indike.org/pramana/in.lit.campu.nalacampu.1.83) brahmaṇyō ’pi brahavittāpahārī strīyuktō ’pi prāyaśō viprayuktaḥ sadvēṣō ’pi dvēṣanirmuktacētāḥ kō vā tāddvagdr̥śyatē śrūyatē vā ### [1.84](https://indike.org/pramana/in.lit.campu.nalacampu.1.84) atha sa pārthivas tasminn amātyē parijanaparivr̥ḍhē prauḍhapramaṇi niguḍhamantrē mantriṇi tr̥ṇīkr̥tastraiṇaviṣayarasē saurājyarāgajananē jananīyamānē janasya, sarvōpadhā śuddhabuddhau nidhāya rājyaprājyacintābhāramabhinavayauvanārambharamaṇīyē ramyaramaṇījananayanahr̥dayapriyē priyaṅgabhāsi jita madanamahasyapahasitasurāsurasaubhāgyayaśasi vismāpitasamastajana manasi lasallāvaṇya puñja parāji ta sakalasamudrāmbhasi kāntikaṭākṣitacandramasi vayasi vartamānō mā nitamāmā ninījanayauvana sarvasvaḥ svayamanavarataṁ sakalasaṁsārasukhasaṁdōham anvabhūt ### [1.85](https://indike.org/pramana/in.lit.campu.nalacampu.1.85) tathā hi— ### [1.86](https://indike.org/pramana/in.lit.campu.nalacampu.1.86) kadācidanutpannaviṣamaraṇō garuḍa ivāhitāpakārī harivāhanavilāsamakarōt. ### [1.87](https://indike.org/pramana/in.lit.campu.nalacampu.1.87) kadāciñcandramaulir iva madanavāṇāsanātimuktaśarasaṁchāditāyāṁ parvatabhu-vi vijahāra. ### [1.88](https://indike.org/pramana/in.lit.campu.nalacampu.1.88) kadācidacyuta iva śiśirakamalākarāvagāhanōtpannapulakakōra kitatanuranantabhōgabhāvasukhamanvitiṣṭhat. ### [1.89](https://indike.org/pramana/in.lit.campu.nalacampu.1.89) kadācannilinayōnir iva rājasabhāvasthitaḥ prajāvyāpāramacintayat. ### [1.90](https://indike.org/pramana/in.lit.campu.nalacampu.1.90) kadācinmayūra iva kāntōnnamatpayōdharamaṇḍalivilāsēna harṣamabhajat. ### [1.91](https://indike.org/pramana/in.lit.campu.nalacampu.1.91) kadācinnakṣatrarāśirivāśvinyā sēnayā samanvitō mr̥gānusārī bahuśaṣvapavanamārga babhrāma. ### [1.92](https://indike.org/pramana/in.lit.campu.nalacampu.1.92) kadācidāñjanēya ivākṣavinōdamanvatiṣṭhat. ### [1.93](https://indike.org/pramana/in.lit.campu.nalacampu.1.93) kadāciddvānarēśvara iva sugrīvō vaidēhīti bruvāṇasthālaghukākusthasyārthi naḥ prārthanā kriyatāṁ saphalēti vānarapuṁgavānādidēśa. ### [1.94](https://indike.org/pramana/in.lit.campu.nalacampu.1.94) kadācinmakarakētana iva sumanasō mārgaṇānvidhāya svaguṇaṁ karṇapūrīcakāra. ### [1.95](https://indike.org/pramana/in.lit.campu.nalacampu.1.95) kadācid ambhōnidhirivōccaiḥ stananābhiramyāḥ kr̥tānimēṣanayanavibhramāḥ,sakaṁdarpāḥ, siṣēvē vēlāvilāsinīḥ. ### [1.96](https://indike.org/pramana/in.lit.campu.nalacampu.1.96) kadāciddaśaratha ivāyōdhyāyāṁ puri sthitaḥ sumitrōpētō ramamāṇarāmabharataprēkṣaṇēna kṣaṇamāhādam anvabhūt. ### [1.97](https://indike.org/pramana/in.lit.campu.nalacampu.1.97) ēvam asya sakalajīvalōkasukhasaṁtānamanubhavatō yānti dināni. ### [1.98](https://indike.org/pramana/in.lit.campu.nalacampu.1.98) atha kadācidunnamatpayōdharāntarapataddhārāvalīvirājitāḥ, kamaladala kāntanayanāḥ, suracāpacakravakrabhuvaḥ, vidyunmaṇimēkhalālaṁkāradhāriṇyaḥ, śikhānāmuktakalahaṁsakāḥ, prauḍhakarēṇusaṁcārahā|raṇyaḥ, kamrakaṁdharāḥ, tiraskr̥taśaśāṅkakāntikalāpāṁcamukhamaṇḍalāḥ sakala jagajjēgīyamānaguṇam imam anupamarūpalāvaṇyarāśirājitaṁ rājānamavalōkayitumivāvataranti sma varṣāḥ. ### [1.99](https://indike.org/pramana/in.lit.campu.nalacampu.1.99) yatra ca— ### [1.100](https://indike.org/pramana/in.lit.campu.nalacampu.1.100) ākarārya smarathauvarājyapaṭahaṁ jīmūtanūladhvaniṁ nr̥tyatkē kikuṭumbakasya dadhataṁ mandrāṁ mr̥daṅgakriyām unmīlanna va nīla kandaladalavyājēna rōmāñcitā harṣēṇēva samucchritā vasumatī dadhē śilīndhradhvajān ### [1.101](https://indike.org/pramana/in.lit.campu.nalacampu.1.101) api ca— ### [1.102](https://indike.org/pramana/in.lit.campu.nalacampu.1.102) parṇaiḥ karṇapuṭāyitairnavarasaprāgbhāravisphāritaiḥ śr̥ṇvantō madhuraṁ dyumaṇḍalamilanmēghāvalīgarjitam śākhāgragra thamānasaurabhabharabhrāntālipālidhvajā- stōṣēṇēva vahanti puṣpapulaka dhārākadasvadrumaḥ ### [1.103](https://indike.org/pramana/in.lit.campu.nalacampu.1.103) atha kramēṇa— ### [1.104](https://indike.org/pramana/in.lit.campu.nalacampu.1.104) nīraṁ nīraja nirmuktaṁ nīrajaskaṁ bhuvastalam jātaṁ jātilatāpuṣpagandhāntramadhupaṁ vanam ### [1.105](https://indike.org/pramana/in.lit.campu.nalacampu.1.105) api ca— ### [1.106](https://indike.org/pramana/in.lit.campu.nalacampu.1.106) dhutakadamba kadamba kaniṣpatannavaparāgaparāgamamantharāḥ hr̥tatuṣāratuṣā ratirāgiṇāṁ priyatamā marutō marutō vavruḥ ### [1.107](https://indike.org/pramana/in.lit.campu.nalacampu.1.107) tataś ca tiraskr̥tataraṇitviṣi, vigala dvārivipruṣi, śāntacāta katr̥ṣi,nirvāṇavāraṇavapuṣi, māninōmānagrahagranthimuṣi, janitajavāsakaśuṣi, vidhavavadhūvidviṣi, vardhitamaṇḍūkahr̥ṣi, mudritacandramasi, vidrāṇapaṅkajasarasi, svādhīnapriyaprēyasi, prōṣitakalahaṁsavayasi, naṣṭanakṣatramaṇḍalamahasi, mēcakitanabhasi, niṣpatannīparajasi, sphuṭaphuṭajarajaḥpusa piñjaritāṣṭadigbhāsi, bhā(1 ) surasuracāpacakrabhr̥ti, mayūramadakr̥ti, mahiṣaśōṣahr̥ti, vistaratsariti, vidyōtamānavidyuti, vahanmanda mēghaṁkaramaruti, hr̥pyatkr̥ṣāṇayōṣiti, puṣpyatkēta kīgandhapānamattamadhukr̥ti, prō dubhūtabhūruhi, daridranidrā duhi, sagarvagōduhi, kadamcastamvālambimadhulihi, mudi tamadanāṭṭahāsāyamānaghananādamuci, pacyamānajambūphalaśyāmalitavanāntararuci, racitapānthasārthaśuci, śrūyamāṇamadamadhuramayūravāci, vini drakōśātakīśālini, yūthi kājālini, navamālikāmālini, kandalabhāji, pacya mānajambūtaruvanarājibhrāji, bhikṣākṣaṇakṣapita parivāji, śāntasāraṅgaruji, nīḍa nirmāṇākulabālabhuji, sāndrēndragōpayuji, ścyōtatta māladhārāgr̥hasadgaśi, śyāmāyamānadaśadiśi, divāpi śrayamāṇarajaniśaṅkākulacakravāka cakrakruśi, śa kaṭasaṁcārarudhi, palacitavīruci, viśrāntajiṣṇudamāpālayudhi, kṣīṇōkṣakṣudhi, kṣīrasamudranidrāṇabāṇavāhucchidi, sindhurōghōbhidi, davadahananudi, virahimanastudi, janitajanamudi, tāpicchacchāyānucchēdini, channakuṭīmadhyabadhyamānavājini, vikasitaba kulavana virājini, sīrasīmantitagrāmasīmani, vijayamāna manōjanmani, jātē jagajjīvini, jīmūtasamayē kadācid ambhasi divasēmr̥gayāvanapālakaḥ praviśya rājānaṁ vijñāpayāmāsa. ### [1.108](https://indike.org/pramana/in.lit.campu.nalacampu.1.108) ‘dēva, ### [1.109](https://indike.org/pramana/in.lit.campu.nalacampu.1.109) kiṁ syā dakhanaparvataḥ sphaṭikayōrdvandvaṁ dadhadīrghayō- rambhōmēduramēgha ēṣa kimuta śliṣyaduvalākādvayaḥ śunyaḥ kiṁ nu karēṇa kuñjara iti bhrānti samutpādaya- daṁṣṭrādvandvakarālakālavadanaḥ kōlaḥ kutō ’py āgataḥ ### [1.110](https://indike.org/pramana/in.lit.campu.nalacampu.1.110) tataś cāsau— ### [1.111](https://indike.org/pramana/in.lit.campu.nalacampu.1.111) bhindankanda kasērukandalabhr̥taḥ snigdhapradēśān bhuvō bhañjannañja naśailaśr̥ṅgasadr̥śaḥ phullallatāmaṇḍapān mandaṁ mandaralīlayābdhisadr̥śaṁ mathnaṁś ca līlāsaraḥ krōḍaḥ krīḍati bhāyayann iva bhavatkrōḍāvanē rakṣakānū’ ### [1.112](https://indike.org/pramana/in.lit.campu.nalacampu.1.112) rājā tu tadākarṇya cintitavān— ### [1.113](https://indike.org/pramana/in.lit.campu.nalacampu.1.113) ‘acchācchēḥ śukapicchagucchraharitaiśchannā vanāntāstr̥ṇaiḥ sēvyāḥ saṁprati sāndracandrakikulairuttāṇḍavairmaḍitāḥ yēṣu kṣīravipāṇḍu palavalapayaḥ kallōlayantō manā gvātā vānti vinidrakēta kavanaskandhē luṭhantaḥ śanaiḥ ### [1.114](https://indike.org/pramana/in.lit.campu.nalacampu.1.114) mādyanti ca tēṣu saṁprati prōthinaḥ.tadyujyatē vihartum’ ity avadhārayannāhūya bāhukanāmānaṁ sēnāpatimādidēśa. ### [1.115](https://indike.org/pramana/in.lit.campu.nalacampu.1.115) ‘bhadra drutamanuṣṭhīyatām, samādiśyantāṁ kr̥tavairivi pattayaḥ pattayaḥ, paryārayantāṁ manasturagāsturagāḥ, sajjīkriyanta.ni javēganirjitamātariśvānaḥ śvānaḥ, samārōpyantāmapanītāhitāyūṁṣi dhanūṁṣi, gr̥hyantāṁ nirmathitaprōthiyūthapāśāḥ pāśāḥ’ iti. ### [1.116](https://indike.org/pramana/in.lit.campu.nalacampu.1.116) atha maulimilanmukulitakarakamalayugalēna sēnāpōtanā ‘yadājñāpayati’ dēvaḥ ity abhidhāya tvarayā tathā kr̥tē sati. ### [1.117](https://indike.org/pramana/in.lit.campu.nalacampu.1.117) svayam api— ### [1.118](https://indike.org/pramana/in.lit.campu.nalacampu.1.118) nirmāsaṁ mukhamaṇḍalē parimitaṁ madhyē laghu karṇayōḥ skandhē bandhuramapramāṇamurasi snigdhaṁ ca rōmōdgamē pīnaṁ paścimapārśvayōḥ pr̥thutaraṁ pr̥ṣṭhē pradhānaṁ javē rājā vājinamārurōha sakalairyuktaṁ praśastaiguṇaiḥ ### [1.119](https://indike.org/pramana/in.lit.campu.nalacampu.1.119) āruhya ca kramēṇa kārdamikakarpaṭāvanaddhamūrdhajairdaṇḍakhaṇḍapāṇibhiḥ krūrakarmōcitākārairvāgurāvāhibhiranantaiḥ kr̥tāntadūtair iva pāśahastaiḥ pāparddhikairanugamyamānaḥ, dūrādunnamitakandharaistathōrdhva karṇa saṁpuṭairakāṇḍōḍḍīnaprāṇair iva vanaprāṇibhirākarṇyamānaharṣitahaya hēṣāravaḥ, pavanakampitataruśākhāgrapallavavyājēna dūrādēvōtkṣiptahastābhiruḍḍīyamānaśakunikulakōlāhalacchalēna bhayānnivāryamāṇa iva vanadēvatābhiḥ, abhimukhāgatairunmiṣattarupuṣpaprakarama karanda vinduvarṣavāhibhirva navināśaśaṅkitairardhyamivōpapādayadbhiruparudhyamāna iva vanamārutaiḥ” unnidrasāndrakusumakēsarāṅkurajālajaṭilābhirbhayādudgatarōmāñcaprapañcābhirivōddhāntabhr̥ṅgaravagadgadaruditēna niṣidhyamāna iva vanavīrudbhiḥ, udbhinnabhāsvadamandakandalāvalōkanēnānandyamānaḥ bhvānugatō ’py aśvānugataḥ sagajamadhyagajaṁ tadvanamāsasāda. ### [1.120](https://indike.org/pramana/in.lit.campu.nalacampu.1.120) tataś ca kēcidudyatparaśvadhā gaṇapatayaḥ, kē ’pi dr̥ṣṭasiṁhikāsutavikramāḥ śaśadharāḥ, kē ’pi pāśapāṇayō jambukadikpālāḥ, kē ’pi harimargānusāriṇō valabhadrāḥ, kē ’pi cakrapāṇayō madhusūdanāḥ, kē ’pi śivāgamāvartinō raudrāḥ,kē ’py āhitāgnayō vipralōkāḥ, kē ’pi khaṇḍitāñjanāgharapravālāḥ prabhakhanāḥ, kē ’py utkhātadantidantamuṣṭayō nistriṁśāḥ, tasya pr̥thvīpatērākulitaśvāpadāḥ padātayō vanaṁ rurudhuḥ. ### [1.121](https://indike.org/pramana/in.lit.campu.nalacampu.1.121) tataś ca taiḥ kriyantē vikalabhā vananikuñjāḥ kuñjarāśca, priyantē ’nēkadhārayātipātinaḥ khaḍgāḥ khaḍginaśca, kr̥pyantē krūjantaḥ kōdaṇḍadaṇḍā gaṇḍakāśca, vikṣipyantē paritaḥ śarāḥ śarabhāśca, bhajyantē taravastaṁrakṣavaś ca. ### [1.122](https://indike.org/pramana/in.lit.campu.nalacampu.1.122) kṣaṇēna ca patanti pīvarā varāhāḥ, sīdanti dantinaḥ, virasaṁ rasanti sātaṅkā raṅkavaḥ, prakāśailaṁ śailaṁ bhayādārōhanti rōhitāḥ, śarasaṁghātaghūrṇitā yānti mahīṁ mahiṣāḥ, durgasaṁśrayaṁ śrayantē taralita nētrāścitrakāḥ, tvaritataraṁ tara ntīvōtpatantō nabhasi nijajavanirjitaturaṁgāḥ kuraṅgāḥ. ### [1.123](https://indike.org/pramana/in.lit.campu.nalacampu.1.123) tatra ca vyatikarē— ### [1.124](https://indike.org/pramana/in.lit.campu.nalacampu.1.124) jātākasmikavismayaiḥ kim idam ity ākarṇyamānaḥ suraiḥ saṁtrāsōjjhita karṇatālacalanāndigdantinaḥ kampayana jantūnāṁ janitajvaraḥ sa mr̥gayākōlāhalaḥ kō ’py abhū dyēnēdaṁ sphuṭatīva nirbharabhr̥taṁ brahmāṇḍabhāṇḍōdaram ### [1.125](https://indike.org/pramana/in.lit.campu.nalacampu.1.125) rājāpyēkaśaraprahārapātitamattamātaṅgaḥ sarvatō vihāriharihariṇaśaśakaśambaravarāhahanana hēlathā vicarannitastatastaruṇataratamālamañjarījālanīlōdughu· ṣita skandha kēsaramūrdhvastabdhakarṇasaṁpuṭa maśvacakāya krudhyantamāghūrṇitaghōṇamanavaratakr̥taghanaghōragharghararavamutkṣiptapucchaguccha mabhimukhamē kasminn atisāndrabhadramustā stambabhāji paṅkilapalabalapradēśē taṁ śūraśūkaramaparam iva davadahanadagdhādrimadrākṣītū. ### [1.126](https://indike.org/pramana/in.lit.campu.nalacampu.1.126) dr̥ṣṭvā ca racitaśarasandhānalāghavō rāghava iva rākṣasēśvarasya tasyōpari pariṇaddhavividhapattraiḥ patattribhirabhyavarṣat. ### [1.127](https://indike.org/pramana/in.lit.campu.nalacampu.1.127) tatra ca vyatikarē— ### [1.128](https://indike.org/pramana/in.lit.campu.nalacampu.1.128) kima śvaḥ pārśvēṣu plavanacaturaḥ kiṁ nu nr̥patiḥ śarānmuñcannuccaiścalatarakarākr̥ṣṭadhanuṣā kimālōlaḥ kōlaḥ parihr̥taśaraḥ śauryarasikō na jānīmastēṣāṁ ka iha paramō varyaṁta iti ### [1.129](https://indike.org/pramana/in.lit.campu.nalacampu.1.129) api ca— ### [1.130](https://indike.org/pramana/in.lit.campu.nalacampu.1.130) aja ni janita pr̥thvīmaṇḍalōtpādakampaṁ kimapi calitaśailaṁ dvandvayuddhaṁ tayōstat skhalitaturagavēgō vismayēnaiṣa yasmi- ndinapatir api śauryāścaryākṣī vabhūva ### [1.131](https://indike.org/pramana/in.lit.campu.nalacampu.1.131) a tha kathamapi nāthaṁ prōthiyūthasya jitvā jvarita iva viśālaṁ sālasaḥ sālamūlē sukhamabhajata rājā rājamānaḥ śramāmbhaḥ- kaṇakalitakapōlālōlalīlālakēna ### [1.132](https://indike.org/pramana/in.lit.campu.nalacampu.1.132) tatra ca sthitaṁ śramamukulitanayanāravindam āndōlayantaḥ kusumitata rūn, taralayantaḥ śikhiśikhaṇḍamaṇḍalāni, tāṇḍavayanta stanulatāpallavanivahān, vahantō vahannirbharajalaśiśiraśī kara nikarān, karālayantaḥ kuṭaja kuḍūmalāti, makarandavindumucōṁ mandamānandayāmāsuḥ kampitanīpavanāḥ pavanāḥ. ### [1.133](https://indike.org/pramana/in.lit.campu.nalacampu.1.133) anantaramanavaratakarālakā kakaulēyakakulakavalanākulita kōlakarikuraṅgakaṇṭhīravakiśōradvaṣatpr̥ṣṭadhāvitē paritaḥ parijanē, janita vividhamr̥gavadhūvadhavyādhīnvyādhānnivārayitumivāntarāntarā prasārita karē madhyasthatāṁ gatavati -gabhastimālini, sahasaṁvardhita mr̥gavināśaśōkabharād iva vanavīrudhāṁ patatsu puṣpalōcanēbhyō vāṣpēṣviva madhyāhnōṣṇavilīnamakarandavinduṣu, śrayamāṇēṣu vanadēvatānāṁ vanavimardōpālambhēṣviva tarukhaṇḍōḍḍīna vividhavihaṅgavirutēṣu, vighaṭṭitāka kuraṅgakuṭumbinīka ruṇakūjitavyājēnānyāyam iva pūtkurvatīṣu vanarājiṣu, itastataḥ saṁcarac ca ṭulataraturaṅga khuraśikhara śikhōtkhātadharaṇimaṇḍalāina vināśavārtā gaganacarēbhyaḥ kathayitumivōtpatitē ’mbaratalamakr̥taparitrāṇē ca mūrchita iva punaḥ punaḥ patati bhuvi bhavanapārāvatapatatripatradhūsarē dhūlipaṭalē, sakampakapikalāpōllalanalulita tarutaruṇamakharīpuñjanikusādudvē jitē mañju guñjati canāntaramaparamuñcalitē cañcalacañcarīkacakravālē, cakamaṇakramēṇa ca saṁpannē sainyasya śramāvasarē tasyaiva sarasasaralaśāladrumasyāghastānniṣarāṇē śramabhāji rājani. ### [1.134](https://indike.org/pramana/in.lit.campu.nalacampu.1.134) akasmātkutō ’pi— ### [1.135](https://indike.org/pramana/in.lit.campu.nalacampu.1.135) callīvalkapinaddhadhūsaraśirāḥ skandhē dadhaddaṇḍakaṁ grīvālamvitasr̥nmaṇiḥ parikuthatkaupīnavāsāḥ kr̥śaḥ ēkaḥ kō ’pi paṭañcaraṁ caraṇayōrvadhvādhvagaḥ śrāntavā- nāyātaḥ kramukatvacā viracitāṁ bhikṣāpuṭīmuddahan ### [1.136](https://indike.org/pramana/in.lit.campu.nalacampu.1.136) āgatya ca rājānamavalōkya savismayamēṣa cintayāṁcakāra. ### [1.137](https://indike.org/pramana/in.lit.campu.nalacampu.1.137) ‘avajaśrīsubhagaṁ yugaṁ nayanayōmaulir mahōṣṇīṣavā- nūrṇārōmasakhaṁ mukhaṁ ca śaśinaḥ pūrṇasya dhatta śriyam padmaṁ pāṇitalē galē ca sadr̥śaṁ śaṅkhasya rēkhātrayaṁ tējō ’py asya yathā tathā sajaladhēḥ kō ’py ēṣa bhartā bhuvaḥ ### [1.138](https://indike.org/pramana/in.lit.campu.nalacampu.1.138) tadēvaṁvidhāḥ khalu mahanīyā mahānubhāvā bhavanti’ ity ēvam avadhārya samupa sr̥tya ‘svasti svakāntinirjitamakaradhvajāya tubhyam’ ity avādīt. ### [1.139](https://indike.org/pramana/in.lit.campu.nalacampu.1.139) rājāpi savismayamanā manāgunnamitamastakaḥ svāgatapraśnēnābhinandya ‘tīrthayātrika, kutaḥ praṣṭavyō ’si.kva ca kiyañcādyāpi gantavyam.upaviśa. viśramya kathaya kāścid apūrvā kiṁvadantīm.anēkadēśadgaśvānaḥ kilāścaryadaśinō bhavantīti.na cākasmikaṁ darśanamapūrvaḥ paricayaḥ svalpā prītirityēkamapyāśaṅkanīyam.apūrvadarśanē ’pi na jātyā maṇayaḥ svacchatāmapahuvatē. tadēhi.muhūrtamēkatra gōṣṭīsukhamanubhavāvaḥ’ ity ēnam avādīt. ### [1.140](https://indike.org/pramana/in.lit.campu.nalacampu.1.140) asāv api ‘apūrvakautukakathākarṇanarasika, śrūyatāṁ yady ēvam’ ity abhidhāya sukhōpaviṣṭasyāsya samīpē svayamupaviśya kathayitumārabhata. ### [1.141](https://indike.org/pramana/in.lit.campu.nalacampu.1.141) ‘asti svargasamaḥ samastajagatāṁ sēvyatvasaṁkhyāgraṇī- dēśō dakṣiṇadiṅmukhasya tilakaḥ strīpuṁsaratnākaraḥ yasmiṁstyāgamahōtsavyasanibhirdhanyairaśunyā janai- ruddēśāḥ spr̥haṇīyabhāvabharitāḥ kaṁ nōtsukaṁ kurvatē ### [1.142](https://indike.org/pramana/in.lit.campu.nalacampu.1.142) kathaṁ cāsau na praśasyatē. ### [1.143](https://indike.org/pramana/in.lit.campu.nalacampu.1.143) yatra tripurapurandhrirōdhatilakahāriṇā harivirañcincūḍāmaṇimarīcicakracakōra cumbita caraṇanakhacandrarucinicayēnaṁ bhagavatā sēvyatē sēvyatayāpahasitakailāsaśrīḥ śrīśailaḥ śūlapāṇinā. ### [1.144](https://indike.org/pramana/in.lit.campu.nalacampu.1.144) yatra ca vikacavividhavanavihārasurabhisamīraṇāndōlitakadalīdalavyajanavījyamānanidhuvana vinōda khēdavidrāṇa nidrā ludraviḍa mithuna sanāthaparisarāḥ sarasaghananiculatala calañcakōracakravāka kulakapiñjalamayūrahāriṇyō nākalōkakamanīyatāṁ kalayanti kalamakēdārasārāḥ sarasasahakārakāraskarāḥ kāvēḥ rītīrabhūmayaḥ. ### [1.145](https://indike.org/pramana/in.lit.campu.nalacampu.1.145) kiṁ bahunā— ### [1.146](https://indike.org/pramana/in.lit.campu.nalacampu.1.146) astu svasti samastaratnanidhayē śrīdakṣiṇasyai diśē svargaspardhisamr̥ddhayē hr̥dayahr̥drōdāvarīrōdhasē yatra trastakuraṅgakārbhakadvaśaḥ saṁbhōgalīlābhuvaḥ saukhyasyāyatanaṁ bhavanti rasikāḥ kaṁdarpaśastraṁ striyaḥ ### [1.147](https://indike.org/pramana/in.lit.campu.nalacampu.1.147) tatra praṇatasurāsuraśiraḥśōṇamarīcicayavahalakuṅkumānulēpapallavi tapādāravindadvayasya krauñcabhidō bhagavataḥ sugandhigandhamādanādhivāsinaḥ skanda dēvasya darśanārthamitō gatavānasmi. ### [1.148](https://indike.org/pramana/in.lit.campu.nalacampu.1.148) tasmāc ca nivartamānēna kvacid ēkasminn adhvarōdhini nyagrōdhapādapatalē dīrghādhvaśrāntēna viśrāmyatā mayā śrūyatāṁ yadāścaryamālōkitam. ### [1.149](https://indike.org/pramana/in.lit.campu.nalacampu.1.149) pratilalitapadavinyāsasārasādhusindhuravadhūskandhamadhirūḍhā, prauḍhasakhīsahāyaprāyā, prāntapataccārucāmaramarunnartitāla kavallarī, karṇakuvalayālaṁkāradhāriṇī, rucirarucimaccaraṇanupūrā, puraḥ sarasarāgagāndharvika kaṇṭhakandaraviniḥsaratsarasagītaprēṅkhōlanaprayōgēṣu dattāvadhānā, nētrē manāṅgōlayantī, śriyamārāmāyūrātapatramaṇḍalā, maṇḍalitamadanacāpacakravakrabhrūḥ, bhūpālaputrikā kāpi kvāpi kutō ’py uccalitā tad ēva nyagrōdhapādapacchāyāmaṇḍapamaśiśriyat. ### [1.150](https://indike.org/pramana/in.lit.campu.nalacampu.1.150) tāṁ cālōkya cintitavānasmi vismitamanāḥ. ### [1.151](https://indike.org/pramana/in.lit.campu.nalacampu.1.151) kiṁ lasmīḥ svayamamāgatā muraripōrdēvasya vakṣasthalā- tkō pātpatyurutāvatāramakārōdēvī bhavānī bhuvi śyāmāmbhōjasadkṣapadamalacalannētrāmimāṁ paśyatō dhātastāta karōṣi kiṁ na vadanē cakṣuḥ sahasraṁ mama ### [1.152](https://indike.org/pramana/in.lit.campu.nalacampu.1.152) api ca— ### [1.153](https://indike.org/pramana/in.lit.campu.nalacampu.1.153) indōḥ saundaryamāsyaṁ kalayati kamalaspardhinī nētrapatrē kālindyāḥ kuntalālī tulayati vibhavaṁ bhavyabhaṅgaistaraṅgaiḥ tasyāḥ kiṁ ślāghyatē ’nyatsubhagaguṇanidhēḥ kāvyapūrvaiva yasyāḥ puṣpēṣōrvaijayantī jayati yuvajanōnmādinī yauvanaśrīḥ ### [1.154](https://indike.org/pramana/in.lit.campu.nalacampu.1.154) api ca— ### [1.155](https://indike.org/pramana/in.lit.campu.nalacampu.1.155) ākāraḥ sa manōharaḥ sa mahimā tadbhavaṁ tadvayaḥ sā kāntiḥ sa ca viśvavismayakaraḥ saubhāgyabhāgyōdayaḥ ēkaikasya viśēṣa varṇana vidhau tasyāḥ sa ēva kṣamō yasyāsminn uragaprabhōr iva bhavējihvāsahasradvayam ### [1.156](https://indike.org/pramana/in.lit.campu.nalacampu.1.156) sāpi yathā tvam idānīṁ mām iha pr̥cchasi tathārdhapathamilitaṁ kaṁcid udīcīnamadhvagaṁ dakṣiṇasyāṁ diśi prasthitamādarēṇa pr̥cchantī muhūrtam iva tatraiva viśramitum ārabhata. ### [1.157](https://indike.org/pramana/in.lit.campu.nalacampu.1.157) śrutaścāyaṁ mayāpi tēna tasyāḥ puraḥ kasyacidudīcyanarapatēḥ lādhyamānakathāvaśēṣālāpaḥ. ### [1.158](https://indike.org/pramana/in.lit.campu.nalacampu.1.158) tasminsmitamukhē yūni yūpadīrghabhujahayē tē dhanyā nyapatanyēṣāṁ kaṁdarpasadvaśē dvaśaḥ ### [1.159](https://indike.org/pramana/in.lit.campu.nalacampu.1.159) kiṁ bahunā— ### [1.160](https://indike.org/pramana/in.lit.campu.nalacampu.1.160) sā tvaṁ manmathamañjarī sa ca yuvā bhr̥ṅgastavaivōcitaḥ ślāghyaṁ tadbhavatōḥ kim anyadaparaṁ kiṁ tvētadāśāsmahē bhāgyairyōōgyasamāgamēna yuvayōrmānuṣyamāṇikyayōḥ śrēyān astu vidhērvicitra racanāsaṁkalpaśilpaśramaḥ ### [1.161](https://indike.org/pramana/in.lit.campu.nalacampu.1.161) tanna jānē sa kaḥ sukr̥tī tēna tasyāḥ śravaṇādēvōllasadbahulapulakāṅkurōtambhitāṁśukāyāḥ purō vistarēṇaivaṁ varṇitaḥ. ### [1.162](https://indike.org/pramana/in.lit.campu.nalacampu.1.162) na ca mayāpi vismayavismr̥tavivēkēna kēyaṁ kasyēyaṁ kutra kutō vā prasthitēti praśnāgrahaḥ kr̥taḥ.kēvalamadr̥ṣṭapūrvarūpōtpannākasmika kautukātirēkāstamitasamastānyavyāpārēṇaikāgratayā grahaniruddhanēvāndhēnēva mūkēnēva mūrchitēnēva viṣavighūrṇitēnēva stōbhastambhitēnēva gatāyām api tasyāṁ tēnādhvanīnēna saha tatraiva nyagrōdhatarutalē suciramāsitamāsīt. ### [1.163](https://indike.org/pramana/in.lit.campu.nalacampu.1.163) tadāyuṣyannēṣa kathitaḥ svavr̥ttāntaḥ. ### [1.164](https://indike.org/pramana/in.lit.campu.nalacampu.1.164) tasyāṁ diśi tayā sakalajagajjyōtsnayā, asminn api dēśē niḥśēṣajananayanakumudēndunā tvayā dvaṣṭēna, dr̥ṣṭa yaddūṣṭavyam.abhūc ca mē ślāghyaṁ janma. jātē kr̥tārthē cakṣuṣī.saṁpannaḥ saphalaḥ paribhramaṇaprayāsaḥ. ### [1.165](https://indike.org/pramana/in.lit.campu.nalacampu.1.165) tad idānīṁ kim anyat. ### [1.166](https://indike.org/pramana/in.lit.campu.nalacampu.1.166) anumanyasva svaviṣayagamanāya mām’ ity abhidhāya vyaraṁsīt. ### [1.167](https://indike.org/pramana/in.lit.campu.nalacampu.1.167) rājāpyētadākarṇya cintitavān. ### [1.168](https://indike.org/pramana/in.lit.campu.nalacampu.1.168) strīmāṇikyamahākaraḥ sa viṣayaḥ pānthō ’vyayaṁ tathyavā- vyāpārō ’pi vidhēvicitraracanastatki na saṁbhāvyatē ki tvāścaryamaddaṣṭarūpavibhavāvyākarṇyamānā satī kāntētyunnatacētasō ’pi kurutē nāmnaiva nimnaṁ manaḥ ### [1.169](https://indike.org/pramana/in.lit.campu.nalacampu.1.169) tathā hi— ### [1.170](https://indike.org/pramana/in.lit.campu.nalacampu.1.170) nō nētrāñjalinā nipītamasakr̥ttasyāḥ svarūpāmr̥taṁ nō nāmānvayapallavō ’pi ca mayā karṇāvataṁsīkr̥taḥ citraṁ cumbati cumbakāśmakamayō yadvadvalāddūrata- stadvattarjita dhairyam ētad api mē tasyāṁ manō dhāvati ### [1.171](https://indike.org/pramana/in.lit.campu.nalacampu.1.171) sō ’yaṁ durlabhēṣvanurāgaḥ puṁsām, ajvara masvāsthyam, adaurgatyaṁ dauḥsthyam, aviṣāsvādanamāghūrṇanam, asādhvasaṁ kampanam, anātmavikraya pā ravasyam, ajaraṁ jāḍyam, anindhanaṁ jvalanam, alagnagrahamunmādanam, avātyāghātamudbhapaṇam, amaunaṁ maukyam, ahīnaśruti bādhiryam, anaṣṭadr̥ṣṭikamandhatvam, askhalitamanōrathaṁ manaḥstambhanam, amantra āvēśaḥ. ### [1.172](https://indike.org/pramana/in.lit.campu.nalacampu.1.172) sarvathā namaḥ susthitajanadurjanāya manōjanmanē, yasyāyamēvaṁvidhō vyāpā raḥ" ity avadhārayannavatārya sarvāṅgēbhyō bhūṣaṇāni tasmai sadayamadāt. ### [1.173](https://indike.org/pramana/in.lit.campu.nalacampu.1.173) taistairālāpaiḥ sthitvā ca kaṁcit samayam imam atha yathāprasthitaṁ pānthaṁ kathamapi prēṣayāmāsa. ### [1.174](https://indike.org/pramana/in.lit.campu.nalacampu.1.174) svayam api tatkālāntarālamilitairnakṣatrair iva sārdramr̥gaśirōhastaiḥ saśravaṇacitrakr̥ttikōpaskaravāhibhiḥ pāpaddhikaparijanairanugamyamānō rājā nijāvāsamayāsīt. ### [1.175](https://indike.org/pramana/in.lit.campu.nalacampu.1.175) tataḥ prabhr̥ti ca— ### [1.176](https://indike.org/pramana/in.lit.campu.nalacampu.1.176) hr̥dyōdyānamaruttaraṅgitasarinīrē tarūṇāmadha- stalpē ’nalpasarōjinīnavadalaprāyē ’pi khinnātmanaḥ dhīrasyāpi manāṅmanastr̥ṇakuṭīkōṇāntaralē balā- lagnō ’sy ēti vibhāvyatē paravaśairaṅgairanaṅgānalaḥ ### [1.177](https://indike.org/pramana/in.lit.campu.nalacampu.1.177) ēvam asya— ### [1.178](https://indike.org/pramana/in.lit.campu.nalacampu.1.178) punar api tadabhiśān pr̥cchataḥ pānthasārthān pratipathamatha yūnō yānti tasya kramēṇa haracaraṇa sarōjadvandvamudrāṅkamaulērmadanamadanivāsā vāsarāḥ prāvr̥ṣēṇyāḥ ### [1.179](https://indike.org/pramana/in.lit.campu.nalacampu.1.179) iti śrītrivikrama bhaṭṭaviracitāyāṁ damayantīkathāyāṁ haracaraṇasarōjāṅkāya prathama ucchāsaḥ samāptaḥ ## Linked texts (4) - [Mahāsubhāṣitasaṃgraha](https://indike.org/pramana/in.lit.subhasita.subhasita.mahasubhasitasangraha.135) — Sanskrit - [Śārṅgadharapaddhati](https://indike.org/pramana/in.lit.subhasita.subhasita.kosa.sarngadharapaddhati.3.4) — Śārṅgadhara, Sanskrit - [Jyotirnibandha (ed. Raṅganātha Śāstrī Vaidya)](https://indike.org/pramana/in.niti.dharma.kala.jyotisa.jyotirnibandha*vaidya1919.380.2-5) — Sanskrit - [Jyotirnibandha](https://indike.org/pramana/in.niti.dharma.kala.jyotisa.jyotirnibandha.3838_4904) — Śivarāja, Sanskrit --- Source: [https://indike.org/pramana/in.lit.campu.nalacampu.1](https://indike.org/pramana/in.lit.campu.nalacampu.1) · Pramāṇa