[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Nalacampu](https://indike.org/pramana/in.lit.campu.nalacampu) › 3.7 # Nalacampu 3.7 Nalacampū 3.7 - **Language:** Sanskrit ### [3.7](https://indike.org/pramana/in.lit.campu.nalacampu.3.7) kramēṇa ca prācyāṁ sicyamānāyām iva bahalakusumbhāmbhaḥkumbhaiḥ kakubhi, prabhavati tārakōcchēdanāya sukumārē raśmijālē, pūrvācalasthalīmadhirōhatijagatpravōdhaprārambhamaṅgalakalaśē ’ṁśumālimaṇḍalē, tāṇḍavāḍambariṇi puṇḍarīkakhaṇḍē, hiṇḍamānāsu dīrghikāmaṇḍanamuṇḍamālāsu kāraṇḍavamaṇḍalīṣu, viśrāmyati śravaṇapuṭēṣu hr̥dayānandini vandivr̥dārakavr̥ndavandanārambharavē, raṇayatsu vīṇāvēṇu kōṇānvaiṇikavaiṇavikēṣu kaṇṭhakuharaprēṅkhōlanālaṁkārakuśalē tārātaraṁ gāyati grāmarāgaṁ gāyanajanē, jātē jarajapāprasūna bhinnasphuṭasphāṭikakāntisamaprabhē prabhātasamayē, sā samutthāya bhūtvā śucirvikacanavanalinagarbhamarghāñjalimavakīrya bhagavataḥ savituḥ stutim akarōt. - [Previous: 3.6](https://indike.org/pramana/in.lit.campu.nalacampu.3.6) - [Next: 3.8](https://indike.org/pramana/in.lit.campu.nalacampu.3.8) - [Up: 3](https://indike.org/pramana/in.lit.campu.nalacampu.3) --- Source: [https://indike.org/pramana/in.lit.campu.nalacampu.3.7](https://indike.org/pramana/in.lit.campu.nalacampu.3.7) · Pramāṇa