[Pramāṇa](https://indike.org/pramana/) › [Indian literature](https://indike.org/pramana/in) › [Epic, Poetry, Drama & Narrative](https://indike.org/pramana/in.lit) › [Mixed prose-and-verse narratives](https://indike.org/pramana/in.lit.campu) › [Nalacampu](https://indike.org/pramana/in.lit.campu.nalacampu) › 6.106 # Nalacampu 6.106 Nalacampū 6.106 - **Language:** Sanskrit ### [6.106](https://indike.org/pramana/in.lit.campu.nalacampu.6.106) ēvam āvirbhāvitapraśrayamujjvalitānurāgamudīritādaramāpyāyita praṇayamabhidhāya sthitavati kiṁnarē, narēśvarō damayantīprahitaprābhr̥tāni svayamādarēṇa gr̥hītvā, ‘sundaraka, tasyāḥ saṁdēśa ēvāsmākaṁ karṇapūraḥ, parikarō ’yaṁ maṇikarṇāvataṁsaḥ.tasyāḥ sugr̥hītēna nāmnaiva vayaṁ mudritāḥ prapañcō ’yamaṅgalīmudrālaṁkāraḥ.tadanurāgēṇaiva vayam ācchāditāḥ punaruktamācchādanayugalamaparaṁ ca yuvāṁ prēṣayantyā tathā kina prahitamasmākam, kim anyattvattō ’pi priyaṁ prābhr̥taṁ bha viṣyatīti.tadēhi śiviramanusarāmaḥ" ity abhidhāya bahu mānayankinara mithunamaticapalakapikulāndōlitataruśikharāmagalitaśilāsphālanasphuṭatphalarasasugandhinā sravatkusumamakarandadravādritapāṁsupaṭalēna vartmanā nijāvāsamudacalat. - [Previous: 6.105](https://indike.org/pramana/in.lit.campu.nalacampu.6.105) - [Next: 6.107](https://indike.org/pramana/in.lit.campu.nalacampu.6.107) - [Up: 6](https://indike.org/pramana/in.lit.campu.nalacampu.6) --- Source: [https://indike.org/pramana/in.lit.campu.nalacampu.6.106](https://indike.org/pramana/in.lit.campu.nalacampu.6.106) · Pramāṇa